«نۇر مۇباراك» يسلام مادەنيەتى ۋنيۆەرسيتەتىندە «يسلامتانۋ جانە اراب فيلولوگياسى ماسەلەلەرى» اتتى ءحى حالىقارالىق عىلىمي-تاجىريبەلىك كونفەرەنتسيا بولىپ ءوتتى.
باسقوسۋدا باس ءمۇفتي ەرجان قاجى مالعاجى ۇلى بايانداما جاسادى. ەلباسىنىڭ قامقورلىعىمەن اشىلعان «نۇر مۇباراك» ۋنيۆەرسيتەتى الەمدىك باسەكەگە قابىلەتتى بەدەلدى وقۋ ورداسىنا اينالۋى ءتيىس ەكەنىن ايتتى. قمدب توراعاسى مىسىر ساپارى اياسىندا قول جەتكىزگەن جەتىستىكتەر تۋرالى باياندادى. «ءبىزدىڭ وسى ساپارىمىزدا قازاقستاننان كەلەتىن شاكىرتتەردى ءال-ازھاردا جەتىلدىرۋ كۋرسىنان ءوتكىزسەك دەگەن ءوتىنىشىمىز ماقۇلداندى. بۇدان بىلاي, وسى كەلىسىم نەگىزىندە «نۇر مۇباراكتا» وقيتىن 10 ستۋدەنتىمىز مىسىردا ءبىر جىلدىق ءبىلىم جەتىلدىرۋ كۋرسىندا ىلىمدەرىن تولىقتىراتىن بولدى», دەدى باس ءمۇفتي.
ەرجان قاجى مالعاجى ۇلى «نۇر مۇباراك» تەك يمامداردى دايىنداپ قانا قويماي, جاس عالىمداردى دا عىلىمعا بەيىمدەۋى ءتيىس ەكەنىن قاپەرگە سالدى. شاكىرت تاربيەلەيتىن ۇستازداردىڭ, كىتاپ جازاتىن عالىمداردىڭ, بىلىكتى اۋدارماشىلار توبىن قالىپتاستىرۋ قاجەتتىگىن ءسوز ەتتى. ستۋدەنتتەردى ءدىني عۇلامالاردىڭ ەڭبەكتەرىن زەرتتەۋگە ۇندەدى.
«سان عاسىردان بەرى ۇرپاقتان-ۇرپاققا جالعاسىپ كەلە جاتقان, دىنىمىزبەن بىتە قايناسقان ءداستۇردى دە تانىپ-ءبىلۋ, ارنايى ءپان رەتىندە وقىتىپ, ونى حالىققا جەتكىزۋ – باستى جۇمىستارىمىزدىڭ ءبىرى. ەندەشە, داستۇرمەن سۋسىنداعان ۇرپاق ەلجاندى بولىپ وسەدى. شاكىرتتەرگە تەك ءبىلىم بەرىپ قانا قويماي, ولاردى پاراساتتى, جاقسى ازامات ەتىپ تاربيەلەۋ – بۇگىنگى زاماننىڭ تالابى. بۇگىنگى كونفەرەنتسيا جۇمىسى شاكىرتتەر مەن عالىمداردى وسىناۋ ىزگىلىك پەن يماندىلىققا, عىلىم جولىن تاڭداۋعا ۇندەيدى دەگەن سەنىمدەمىن. ءداستۇرلى باسقوسۋ ناتيجەلى بولعاي! كونفەرەنتسيا جۇمىسىنا ساتتىلىك تىلەيمىن», دەپ ءسوزىن تۇيىندەدى ەرجان قاجى مالعاجى ۇلى.
حالىقارالىق جيىنعا بۇۇ قوعامدىق اقپارات دەپارتامەنتىنىڭ وكىلى ۆلاستيميل سامەك, ماسكەۋ يسلام ۋنيۆەرسيتەتىنىڭ رەكتورى دامير حايرەتدينوۆ, پروفەسسور, فيلولوگيا عىلىمدارىنىڭ دوكتورى ءابساتتار دەربىسالى, مىسىر مادەنيەت ورتالىعىنىڭ ديرەكتورى اشراف ءدارۋيش, قازاقستان ءدىن ىستەرى اگەنتتىگىنىڭ وكىلى اينۇر ابدىراسىلقىزى, ت.ب. عالىمدار مەن وقىتۋشىلار قاتىستى. كونفەرەنتسيانى «نۇر مۇباراك» ۋنيۆەرسيتەتىنىڭ رەكتورى, اكادەميك ماحمۇد فاھمي حيجازي جۇرگىزدى.
«ەگەمەن-اقپارات».
باسقوسۋدا باس ءمۇفتي ەرجان قاجى مالعاجى ۇلى بايانداما جاسادى. ەلباسىنىڭ قامقورلىعىمەن اشىلعان «نۇر مۇباراك» ۋنيۆەرسيتەتى الەمدىك باسەكەگە قابىلەتتى بەدەلدى وقۋ ورداسىنا اينالۋى ءتيىس ەكەنىن ايتتى. قمدب توراعاسى مىسىر ساپارى اياسىندا قول جەتكىزگەن جەتىستىكتەر تۋرالى باياندادى. «ءبىزدىڭ وسى ساپارىمىزدا قازاقستاننان كەلەتىن شاكىرتتەردى ءال-ازھاردا جەتىلدىرۋ كۋرسىنان ءوتكىزسەك دەگەن ءوتىنىشىمىز ماقۇلداندى. بۇدان بىلاي, وسى كەلىسىم نەگىزىندە «نۇر مۇباراكتا» وقيتىن 10 ستۋدەنتىمىز مىسىردا ءبىر جىلدىق ءبىلىم جەتىلدىرۋ كۋرسىندا ىلىمدەرىن تولىقتىراتىن بولدى», دەدى باس ءمۇفتي.
ەرجان قاجى مالعاجى ۇلى «نۇر مۇباراك» تەك يمامداردى دايىنداپ قانا قويماي, جاس عالىمداردى دا عىلىمعا بەيىمدەۋى ءتيىس ەكەنىن قاپەرگە سالدى. شاكىرت تاربيەلەيتىن ۇستازداردىڭ, كىتاپ جازاتىن عالىمداردىڭ, بىلىكتى اۋدارماشىلار توبىن قالىپتاستىرۋ قاجەتتىگىن ءسوز ەتتى. ستۋدەنتتەردى ءدىني عۇلامالاردىڭ ەڭبەكتەرىن زەرتتەۋگە ۇندەدى.
«سان عاسىردان بەرى ۇرپاقتان-ۇرپاققا جالعاسىپ كەلە جاتقان, دىنىمىزبەن بىتە قايناسقان ءداستۇردى دە تانىپ-ءبىلۋ, ارنايى ءپان رەتىندە وقىتىپ, ونى حالىققا جەتكىزۋ – باستى جۇمىستارىمىزدىڭ ءبىرى. ەندەشە, داستۇرمەن سۋسىنداعان ۇرپاق ەلجاندى بولىپ وسەدى. شاكىرتتەرگە تەك ءبىلىم بەرىپ قانا قويماي, ولاردى پاراساتتى, جاقسى ازامات ەتىپ تاربيەلەۋ – بۇگىنگى زاماننىڭ تالابى. بۇگىنگى كونفەرەنتسيا جۇمىسى شاكىرتتەر مەن عالىمداردى وسىناۋ ىزگىلىك پەن يماندىلىققا, عىلىم جولىن تاڭداۋعا ۇندەيدى دەگەن سەنىمدەمىن. ءداستۇرلى باسقوسۋ ناتيجەلى بولعاي! كونفەرەنتسيا جۇمىسىنا ساتتىلىك تىلەيمىن», دەپ ءسوزىن تۇيىندەدى ەرجان قاجى مالعاجى ۇلى.
حالىقارالىق جيىنعا بۇۇ قوعامدىق اقپارات دەپارتامەنتىنىڭ وكىلى ۆلاستيميل سامەك, ماسكەۋ يسلام ۋنيۆەرسيتەتىنىڭ رەكتورى دامير حايرەتدينوۆ, پروفەسسور, فيلولوگيا عىلىمدارىنىڭ دوكتورى ءابساتتار دەربىسالى, مىسىر مادەنيەت ورتالىعىنىڭ ديرەكتورى اشراف ءدارۋيش, قازاقستان ءدىن ىستەرى اگەنتتىگىنىڭ وكىلى اينۇر ابدىراسىلقىزى, ت.ب. عالىمدار مەن وقىتۋشىلار قاتىستى. كونفەرەنتسيانى «نۇر مۇباراك» ۋنيۆەرسيتەتىنىڭ رەكتورى, اكادەميك ماحمۇد فاھمي حيجازي جۇرگىزدى.
«ەگەمەن-اقپارات».
