«رەسەيلىك جۋرناليست تيگران كەوساياننىڭ قورلاۋشى جانە وبەكتيۆتى ەمەس سوزدەرى نازار اۋدارادى. مۇمكىن, ونىڭ مالىمدەمەسى رەسەيلىك قوعامنىڭ بەلگىلى ءبىر بولىگىنىڭ جانە ساياسي يستەبليشمەنتتىڭ كوزقاراستارىن كورسەتەتىن شىعار, بىراق ەلدەرىمىز اراسىنداعى ىنتىماقتاستىقتىڭ رۋحى مەن مازمۇنىنا جانە مەملەكەت باسشىلارى دەڭگەيىندەگى كەلىسىمدەرگە سايكەس كەلمەيدى. مۇنداي سوزدەر تاتۋ كورشىلىك قارىم-قاتىناستىڭ اتموسفەراسىن ۋلاندىرادى جانە ستراتەگيالىق سەرىكتەستىكتىڭ قارسىلاستارىنىڭ «پايداسىنا» تۇسەدى. ول قازاقستانعا كىرۋ ءۇشىن جاعىمسىز ادامداردىڭ تىزىمىنە ەنگىزىلەدى دەپ ويلايمىن», دەدى ايبەك سمادياروۆ.
بۇعان دەيىن رەسەيلىك تەلەجۇرگىزۋشى, بەلگىلى رەجيسسەر تيگران كەوسايان قازاقستانعا سەس كورسەتە سويلەگەن ۆيدوسى تاراعان ەدى.
وندا ول «ۋكرايناعا قاراپ, جاقسىلاپ ويلانىڭدار, وڭ-سولدارىڭدى دۇرىستاپ تانىڭدار» دەگەن ماعىنادا قاتقىل ءۇن قاتقان.
