قازاقستان • 27 ءساۋىر، 2022

بيۋروكراتيالىق كەدەرگىلەرگە جول بەرىلمەيدى

70 رەت كورسەتىلدى

مەملەكەت باسشىسى قاسىم-جومارت توقاەۆتىڭ «مەملەكەتتىك اپپارات­تىڭ قىزمەتىن بيۋروكراتيادان ارىلتۋ شارالارى تۋرالى» جارلىعىنا سايكەس، اگەنتتىك بارلىق اكىمشىلىك راسىمدەرگە تالداۋ جاساپ، ءار جارتى جىل سا­يىن ونىڭ ناتيجەسىن، ياعني بيۋروكراتيا كورىنىستەرىن الدىن الۋ بويىنشا ناقتى ۇسىنىستاردى پرەزيدەنت اكىمشىلىگىنە ەنگىزەدى. بيۋروكراتيالىق كەدەرگىلەرگە جول بەرىلمەيدى.

مەملەكەت باسشىسى «جاڭا قازاق­ستان» تۇجىرىمداماسىن ۇسىندى. «ادام – مەملەكەت ءۇشىن ەمەس، مەملەكەت – ادام ءۇشىن» ۇعىمى العا شىعۋعا ءتيىس ەكەنىن ايتتى. مەملەكەتتىك قىزمەت ساپالى، كەدەرگىسىز ءارى ۋاقتىلى كورسەتىلىپ، ەلدىڭ مۇددەسى ءبىرىنشى ورىندا تۇرۋعا ءتيىس.

تۇركىستان وبلىسىنا ارنايى ىسسا­پار­­مەن كەلگەن مەملەكەتتىك قىز­مەت ىستەرى اگەنتتىگىنىڭ توراعاسى دارحان جازىق­باەۆ وبلىس اكتيۆىمەن، مەملەكەت­تىك قىزمەتشىلەرىمەن كەزدەسۋدە وسىلاي دەدى. سونداي-اق جيىندا اگەنتتىك توراعاسى جۇرگىزىلىپ جاتقان رەفورمالاردى وڭتايلى جۇزەگە اسىرۋدا اگەنتتىك الدىندا تۇرعان بىرقاتار ماسەلەنى باياندادى. كورسەتىلەتىن مەملەكەتتىك قىزمەتتەردىڭ باسىم كوپشىلىگى وڭىرلەردە ۇسىنىلاتىنىن ەسكەرە وتىرىپ، ولاردى ءتيىمدى ءارى ساپالى جۇزەگە اسىرۋ قاجەت­تىگىن العا تارتتى. «ەلىمىزدىڭ كەز كەلگەن ازاماتى مەملەكەتتىك قىزمەتتەردى ءوزى قالاعان وڭىردە نەمەسە ولاردى ۇسىناتىن مەكەمەدە الۋ مۇمكىندىگىنە يە بولۋعا ءتيىس. سونداي-اق مەملەكەتتىك قىزمەت كورسەتۋ مەرزىمدەرىن ساقتاماۋ جانە راسىمدەرىن بۇزۋ سەكىلدى ماسەلەلەردىڭ الدىن الۋ، مەملەكەتتىك قىزمەتتى وڭ­تاي­لى باعىتتا ۇيىمداستىرۋ شارالارىن قولعا الۋ قاجەت»، دەي كەلە اگەنت­تىك توراعاسى مەملەكەتتىك قىزمەتكە ىرىك­تەۋدى جەڭىلدەتۋ بويىنشا جاسالىپ جات­قان بىرقاتار ۇسىنىسقا توقتالدى. «جوعارى وقۋ ورىندارى مەن كوللەدجدەر­دە مەملەكەت ەسەبىنەن ءبىلىم الىپ، وقۋ ۇلگەرى­مىنىڭ ورتاشا بالى جوعارى كورسەت­كى­ش­تەگى مامان يەسى اتانعان جاستاردى اۋداندىق جانە اۋىلدىق دەڭگەيلەردەگى تو­مەنگى لاۋازىمدىق مەملەكەتتىك قىز­مەتكە كون­كۋرستىق ىرىكتەۋسىز قابىلداۋ ۇسى­ن­ى­لىپ وتىر. بۇل قادام جاس مامان­داردىڭ ەل وڭىرلەرىنە ورالىپ، ونىڭ دامۋىنا ۇلەس قوسۋىنا جول اشىپ، ايماقتاردا كادر تاپشىلىعىن ازايتۋعا ىقپال ەتەدى دەپ ويلايمىز»، دەدى ول.

كەزدەسۋ بارىسىندا ءوڭىردىڭ مەملە­كەت­تىك قىزمەتشىلەرى بىرقاتار وزەكتى ماسە­لەنى قوزعاپ، ۇسىنىستارىن جەتكىزدى. كەي­بىر اۋدانداردا مەملەكەتتىك قىزمەتشى سانى حالىق سانىنا ساي ەمەس ەكەنى، ولاردىڭ قۇقىعىن قورعاۋ باعىتىنداعى تۇيتكىلدەر ايتىلدى. مەملەكەتتىك قىزمەتشىلەردىڭ ءبىلىمىن، قوعاممەن بايلانىس ورناتۋداعى شەبەرلىگىن كوتەرۋ، ەلدىڭ ماسەلەسىنە جەدەل ءۇن قاتۋ جولدارى تالقىلاندى. سونىمەن بىرگە اگەنتتىك توراعاسىنا جاڭا تۇركىستان وبلىسىن قۇرۋ بارىسىنداعى الگوريتم مەن ءىس-شارالار باياندالدى. بۇل ورايدا ەلىمىزدە جاڭا وبلىستاردى قالىپتاستىرۋدا تۇركى­ستان ءوڭىرىنىڭ تاجىريبەسى دە نازار­عا الىناتىن بولدى. تۇركىستان قالا­سىندا تۇرعىنداردى قابىلداپ، وتىنىش­تەرىن تىڭداعان اگەنتتىك توراعاسى ءىسسا­پار اياسىندا قوجا احمەت ياساۋي اتىن­داعى حالىقارالىق قازاق-تۇرىك ۋني­ۆەر­سيتەتىنىڭ وقىتۋشى-پروفەسسورلار قۇرامىمەن جانە جاس مەملەكەتتىك قىز­مەتشىلەر مەكتەبىنىڭ ستۋدەنتتەرىمەن كەزدەستى. بۇگىندە وبلىستاعى مەملەكەتتىك قىزمەتشىلەردىڭ 500-دەيى – وسى وقۋ ورنىنىڭ تۇلەكتەرى ەكەنىن ايتا كەتەلىك.

ورداباسى اۋدانى جانە كەنتاۋ قالا­سىندا ازاماتتاردى جەكە قابىلداپ، مەملەكەتتىك قىزمەت كورسەتۋ ساپاسىمەن تانىسقان اگەنتتىك توراعاسىنىڭ ءىسساپارى شىمكەنت قالاسىندا جالعاستى. مەملەكەتتىك قىزمەتشىلەرمەن كەزدەسۋدە دارحان جازىقباەۆ پرەزيدەنت قويعان بىرقاتار مىندەتكە توقتالىپ، مەم­لەكەتتىك قىزمەت كورسەتۋ بيۋروكرا­تيالىق، ءفورمالدى پرينتسيپتەرگە ەمەس، ناقتى ناتيجەگە باعدارلانۋ كەرەك­تىگىن ايتتى. «مەملەكەتتىك قىزمەت بيۋرو­كراتياعا جول بەرمەيتىن، حالىقتىڭ قا­جەتىنە باعدارلانعان سەرۆيستىك سيپات­تا ۇيىمداستىرىلعان كەزدە قالىپتاسقان ولقىلىقتار ەڭسەرىلىپ، مەملەكەتتىك اپپاراتتىڭ جۇمىسى جاڭا دەڭگەيگە كوتەرىلەرى انىق. جاسالىپ جاتقان رەفور­مالاردىڭ بارلىعى دا ەل يگىلىگىنە باعىت­تالىپ وتىر. مەملەكەتتىك قىز­مەتتى تۇبەگەيلى جاڭعىرتۋدىڭ دا باستى ماقساتى – «حالىق ۇنىنە قۇلاق اساتىن» مەملەكەتتىك اپپارات قالىپتاستىرۋ»، دەدى د.جازىقباەۆ. سونىمەن قاتار اگەنتتىك توراعاسى جاڭا رەداكتسياداعى ادەپ كودەكسىندە كورسەتىلگەن اشىقتىق، ادىلدىك، ادالدىق، سىپايىلىق، ادال نيەتتىلىك جانە كليەنتكە باعدارلانۋ قاعيدالارىنا باسا نازار اۋدارۋعا شاقىردى. مەملەكەتتىك قىزمەتشى مەم­لەكەتتىك ورگاننىڭ وكىلى رەتىندە ونىڭ ابىرويى مەن بەدەلىنە نۇقسان كەلتىرەتىن ارەكەتتەرگە، سىبايلاس جەمقورلىققا، مۇددەلەر قاقتىعىسىنا، قوعام تاراپىنان، سونىمەن قاتار الەۋمەتتىك جەلىلەردە سىنعا ۇشىرايتىن ارەكەتتەرگە جول بەرمەۋگە ءتيىس ەكەندىگىن اتاپ ءوتتى. ال شىمكەنت قالاسىنىڭ اكىمى مۇرات ايتەنوۆ «حالىق ۇنىنە قۇلاق اساتىن مەملەكەت» قاعيداسىنا سايكەس قالادا «ادامدار – اكىمگە» فورماتىنان «اكىم – حالىققا» قاعيداتىنا كوشۋ باعىتىندا جۇيەلى جۇمىستار اتقارىلىپ جاتقانىن اتاپ ءوتتى. «مەملەكەت باسشىسىنىڭ تاپسىرماسىنا سايكەس 2022 جىلدىڭ 1-توق­سانىندا قالادا 72 كەزدەسۋ وت­كىزىلىپ، وندا 374 ماڭىزدى ماسەلە كوتەرىل­دى. كەزدەسۋلەردە كوتەرىلگەن ماسە­لە­لەردىڭ 78-ءى قاناعاتتاندىرىلدى، 249-ى جىل سوڭىنا دەيىن شەشىمىن تابادى، ال 48 ماسەلەنى شەشۋ ۇزاق مەرزىمدى قاجەت ەتەدى»، دەدى قالا اكىمى.

ءىسساپار بارىسىندا دارحان جازىق­باەۆ Ten qogam الەۋمەتتىك قولداۋ ورتالىعىندا مۇمكىندىگى شەكتەۋ­لى ازاماتتارعا ء«بىر تەرەزە» قاعيداسى بويىنشا ۇسىنىلاتىن مەملەكەتتىك قىزمەتتىڭ ساپاسىمەن، «I-shymkent 109»، «ديسپەتچەرلىك قىزمەت» جانە حالىققا قىزمەت كورسەتۋ ورتالىقتارىنىڭ جۇمى­سىمەن تانىستى. «جاستار رەسۋرستىق ورتالىعىندا» وتكەن ەركىن فورماتتاعى پىكىر الماسۋ كەزىندە جاستاردىڭ تول­عاندىرعان سۇراعىنا جاۋاپ بەرىپ، ولار­دى تالاپشىل، ەڭبەكقور ءارى ادال بولۋعا، ۇزدىكسىز ءبىلىم الۋعا شاقىردى.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار