جالپى, جاڭا قازاقستان دەگەندى قازىر حالىق ادىلەتتى قازاقستان دەپ قابىلداپ جاتىر عوي. مەن دە سولاي قابىلدايمىن. قاڭتار وقيعاسىنان كەيىن مەملەكەت باسشىسى قاسىم-جومارت توقاەۆ قولعا العان جۇمىستاردىڭ بارلىعىن ناتيجەلى اتقاردى, مۇنىڭ بارلىعىن حالىق ءبىلىپ, قولداپ وتىر. پرەزيدەنت پارتيا قۇرامىنان شىعىپ, تىزگىنىن حالىققا تاپسىرعانداي بولدى. ويتكەنى پارتيا توراعالىعىنا ءماجىلىس توراعاسىن سايلادى. ال ماجىلىستە حالىقتىڭ سايلاعان وكىلدەرى وتىر. سول سەبەپتى, Amanat پارتياسىن حالىقتىڭ جايىن ويلاعان پارتيا دەپ ەسەپتەيمىن. امانات دەگەننىڭ ءوزى قاسيەتتى ءسوز.
ەندى, ەكى پارتيانىڭ قوسىلىپ قىزمەت اتقارۋى الەمدىك تاجىريبەدە بار نارسە. ماسەلەن, جاپونيانىڭ ليبەرال-دەموكراتيالىق پارتياسى, گەرمانيانىڭ جەتەكشى پارتيالارى ءبىر-بىرىنە قوسىلعانىنان حاباردارمىز. بۇل پروتسەستەر دەموكراتيالىق مەملەكەتكە ءتان قۇبىلىس. ءبىزدىڭ ەلىمىزدە دە جۇزەگە اسۋدا, تاۋەلسىز مەملەكەت ەكەنىمىزدىڭ ءبىر كورسەتكىشى.
Adal پارتياسىنا كەلەتىن بولساق, سوڭعى 5-6 جىلدا ەلگە تانىلدى. وزدەرىنىڭ اۋقىمدى جوبالارى بار, ەلدىڭ جاعدايىنا الاڭداپ, پىكىرلەرىن ءبىلدىرىپ, قاراپايىم ازاماتتارعا قولداۋ كورسەتكەنىن بىلەمىز. بۇل پارتيا كەزىندە اۋداندىق ءماسليحاتتاردا 26 مانداتقا يە بولعان, قارقىندى دامىپ كەلە جاتقان پارتيا بولدى. ءۇش قۇرىلتايىن وتكىزدى. الداعى ۋاقىتتا ەكى پارتيانىڭ بىرىككەن جۇمىسى بۇدان دا ناتيجەلى بولادى دەپ ۇمىتتەنەمىن. پارتيا قۇرامىندا ەلگە تانىمال قوعام بەلسەندىلەرى, حالىققا جاناشىر ازاماتتار بار. حالىقتىڭ ءسوزىن سويلەيتىن پارتيا – مەنىڭ پارتيام!
ساۋلە دوسجان,
قازاقستاننىڭ ەڭبەك سىڭىرگەن قايراتكەرى, جازۋشى
