الەم • 26 ءساۋىر، 2022

رەسەيدە بەلگىسىز بىرەۋ بالاباقشادا اتىس شىعاردى

29 رەت كورسەتىلدى

قارۋلانعان ەر ادام بالاباقشاعا كەلىپ، سول جەردە وق جاۋدىرعان. قۇربان بولعانداردىڭ اراسىندا بالالار دا بار، دەپ حابارلايدى Egemen.kz تاسس اگەنتتىگىنە سىلتەمە جاساپ.

قايعىلى وقيعا ۋليانوۆ وبلىسىندا بولدى.

«اتىس بالاباقشادا بولدى. ءتورت ادام قازا تاپتى»، دەپ حابارلادى وبلىس اكىمدىگىنىڭ ءباسپاسوز قىزمەتى.

دەرەككوزدىڭ حابارلاۋىنشا، اتىس سەبەبى تۇرمىستىق جانجال بولۋى مۇمكىن. اتىس بالالار دەمالىپ جاتقان كەزدە بولعان. 

وندا كورسەتىلگەندەي، وق اتۋشىنىڭ جەكە باسىن انىقتاۋ ازىرگە قيىن بولىپ وتىر. بالاباقشانىڭ تاعى ءبىر قىزمەتكەرى وق جاراقاتىن العان. ءوڭىردىڭ دەنساۋلىق ساقتاۋ مينيسترلىگى زارداپ شەككەن ادامعا بارلىق قاجەتتى مەديتسينالىق كومەك تولىق كولەمدە كورسەتىلىپ جاتقانىن ناقتىلادى. وقيعا تۋرالى اقپاراتتى ايماق ۇكىمەتىنىڭ ءباسپاسوز قىزمەتى دە راستادى. ۆەدومستۆو وق جاۋدىرعان ادامنىڭ ءوز-وزىنە قول جۇمساعانىن ايتتى.

«سۇمدىق قىلمىس بولعان ۆەشكايمداعى جاعداي جونىندە اتقارۋشى بيلىك وكىلدەرىمەن جانە دەپۋتاتتىق كورپۋسپەن سويلەستىم. الدىن الا اقپارات بويىنشا، 2016 جانە 2017 جىلى تۋعان ەكى ءبۇلدىرشىن مەن بالا كۇتۋشى قازا تاپتى»، دەپ جازدى وبلىستاعى مەملەكەتتىك دۋمانىڭ دەپۋتاتى سەرگەي موروزوۆ Telegram كانالىندا.

وبلىس گۋبەرناتورىنىڭ ءباسپاسوز قىزمەتى ايماق باسشىسى مارقۇمداردىڭ وتباسىنا شۇعىل كومەك كورسەتۋدى تاپسىرعانىن حابارلادى. قازىرگى ۋاقىتتا گۋبەرناتوردىڭ وكىمىمەن ءبىرىنشى ۆيتسە-گۋبەرناتور يگور ەدەل مەن ۆيتسە-گۋبەرناتور الەكساندر كوروبكو وقيعا ورنىنا بەت الدى.

«الدىن الا اقپارات بويىنشا، قارۋ وق جاۋدىرۋشىعا ەمەس، باسقا ادامعا تيەسىلى بولعان»، دەدى كوروبكو.



سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار