مەملەكەتتىك كىرىستەر كوميتەتىنىڭ مالىمەتىنشە, بيىلعى 6 مامىردان باستاپ قازاقستان اۋماعىنان قارا جانە ءتۇستى مەتالداردىڭ سىنىقتارى مەن قالدىقتارىن سىرتقا اكەتۋگە تىيىم سالىنادى.
«بۇل شەكتەۋ يندۋستريا جانە ينفراقۇرىلىمدىق دامۋ ءمينيسترىنىڭ 2022 جىلعى 6 مامىردان باستاپ كۇشىنە ەنەتىن «قارا جانە ءتۇستى مەتالداردىڭ سىنىقتارى مەن قالدىقتارىن تاسىمالداۋدىڭ كەيبىر ماسەلەلەرى تۋرالى» بۇيرىعىمەن بەلگىلەنگەن.
بۇل رەتتە, بۇيرىق قولدانىسقا ەنگىزىلگەن كۇنگە دەيىن قازاقستان مەن ەاەو كەدەندىك زاڭناماسىنا سايكەس ەكسپورتتىڭ كەدەندىك ءراسىمى بويىنشا ورنالاستىرىلعان جانە شىعارىلعان تاۋارلار قازاقستاننىڭ اۋماعىنان كەدەرگىسىز اكەتۋگە جاتاتىنىن حابارلايمىز», دەلىنگەن قارجى مينيسترلىگىنىڭ حابارلامادا.
