تەرگەۋ بارىسىندا كومپانيانىڭ بۇرىنعى قارجى ديرەكتورى 2018 جىلدىڭ اقپانىنان 2021 جىلدىڭ ساۋىرىنە دەيىنگى ارالىقتا 5 كومپانيانىڭ ەسەپشوتىنا اقشا اۋدارۋ ارقىلى قاراجات ۇرلاعان, سونداي-اق وزىنە جالپى سوماسى 467 ميلليوننان استام تەڭگەنى قۇرايتىن اۆانس بەرگەنى انىقتالدى.
وسىلايشا ول «كسەلل» اق-نا اسا ءىرى كولەمدە زيان كەلتىرىپ, قىلمىستىق قۇقىق بۇزۋشىلىق جاساعان. جەدەل-ىزدەستىرۋ شارالارى بارىسىندا كومپانيانىڭ بۇرىنعى قارجى ديرەكتورى ۇرلانعان اقشانى الماتىداعى بۋكمەكەرلىك كەڭسەلەردە ءباس تىگىپ, جۇمساعانى انىقتالدى.
سوت ۇكىمىمەن ازامات م.شوكەي قازاقستان رەسپۋبليكاسى قىلمىستىق كودەكسىنىڭ 189 بابى 4-بولىگى 2-تارماعى بويىنشا كىنالى دەپ تانىلىپ, 7 جىل مەرزىمگە باس بوستاندىعىنان ايىرۋ جازاسىنا كەسىلدى.
سونداي-اق ول 10 جىل مەرزىمگە قارجىلىق جاۋاپكەرشىلىكپەن بايلانىستى قىزمەتتەردى اتقارۋ قۇقىعىنان ايىرىلدى.
