ءتارتىپ ساقشىلارى قاۋىپسىزدىكتى قامتاماسىز ەتۋگە دايىن بولىپ شىقتى

بۇگىن, 10 ءساۋىر كۇنى ەلىمىزدەگى كۇش جانە ءتارتىپ قۇرالدارىنىڭ قوعامدىق ءتارتىپ پەن قاۋىپسىزدىكتى قامتاماسىز ەتۋ جونىندەگى مىندەتتەردى ورىنداۋعا دايىندىعىن تەكسەرۋگە ارنالعان رەسپۋبليكالىق جيىن وتكىزىلدى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى حابارلادى. اۋقىمى جاعىنان تەڭدەسسىز بۇل جيىن ەلىمىزدىڭ 12 وبلىسى مەن الماتى قالاسىندا ءبىر مەزگىلدە جۇرگىزىلدى. جيىنعا ىشكى ىستەر مينيسترلىگى ىشكى ىستەر ورگاندارى مەن ىشكى ىستەر اسكەري قىزمەتكەرلەرىنەن بولەك, توتەنشە جاعدايلار مينيسترلىگىنىڭ ءورت قىزمەتى مەن باسقا دا بولىمشەلەرىنىڭ, كولىك جانە باسقا دا ورگانداردىڭ قىزمەتكەرلەرى, قارۋلى كۇشتەر اسكەري قىزمەتكەرلەرى قاتىستى. جيىندى پرەزيدەنت كومەكشىسى – قاۋىپسىزدىك كەڭەسىنىڭ حاتشىسى قايرات قوجامجاروۆ باسقاردى. ونىڭ ءجۇرۋ بارىسىن قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ باقىلادى. جيىن ءوزىنىڭ ماقساتىنا جەتتى, مەملەكەتتىك ورگانداردىڭ ءوزارا بىرلەسكەن ءىس قيمىلى پىسىقتالىپ, پوليتسەيلەر مەن اپاتتى-قۇتقارۋ قىزمەتىنىڭ تەحنيكامەن جاراقتاندىرىلۋ جايى, ولاردىڭ جۇمىستارىنداعى داعدىلار, سونداي-اق كۇشتەر مەن قۇرالداردى بەكىتىلگەن ءنورماتيۆتى مەرزىم شەڭبەرىندە باسقا جاقتارعا اۋىستىرۋ جونىندەگى ارەكەتتەردىڭ جۇزەگە اسىرىلۋ دەڭگەيى تەكسەرىلدى. جيىن بىتكەننەن كەيىن بارلىق كۇشتەر مەن قۇرالدار وزدەرىنىڭ تۇراقتى ورىندارىنا قايتارىلدى. پرەمەر-مينيستر كارىم ءماسىموۆ ىشكى ىستەر مينيسترلىگى مەن باسقا دا مەملەكەتتىك ورگانداردىڭ جيىن بارىسىنداعى ءىس-قيمىلىنا تۇتاستاي العاندا وڭ باعا بەردى. مۇرات ايتقوجا. دەرەككوز: ىشكى ىستەر مينيسترلىگىنىڭ ءباسپاسوز قىزمەتى.