تۇزەۋ مەكەمەسىندەگى جاڭا تسەحتا بالىق وڭدەلەدى

اتىراۋداعى  ۋگ-157/11 تۇزەۋ مەكەمەسىندە بالىق وڭدەۋ تسەحى جۇمىس ىستەي باستادى. بۇل تۋرالى وبلىستىق پروكۋراتۋرا حابارلادى. اتالعان تسەحتا ازىرگە 10 جازاسىن وتەۋشى جۇمىسقا ورنالاستىرىلدى. جازاسىن وتەۋشىلەر قارا بالىقتاردى وڭدەپ, كۇنىنە 1000 دانا بالىق قۇتىسىن شىعارۋمەن اينالىسادى. دايىن ونىمدەر ەلىمىزدەگى تۇزەۋ مەكەمەلەرىنە جونەلتىلەدى. جاقىن ارادا ءوندىرىستى كەڭەيتۋ ارقىلى جۇمىسشىلار سانىن 30-عا دەيىن كوبەيتۋ جوسپارلانۋدا. قازىرگى ۋاقىتتا اتالعان مەكەمەدە 230 سوتتالعان ايەل جازاسىن وتەۋدە, ولاردىڭ 80-ءى اقىلى جۇمىسپەن قامتىلعان. ونىڭ ىشىندە «ەڭبەك-اتىراۋ» رمك-نىڭ توسەك جابدىقتارىن تىگۋ جانە شىعارۋ تىگىن تسەحىندا – 35, نان ونىمدەرىن شىعاراتىن شاعىن تسەحتا –5, ىشكى جوندەۋ جۇمىستارىندا كەلىسىم-شارتپەن 19 سوتتالعان ادام جۇمىسقا تارتىلعان.    سونداي-اق, وسى مەكەمەنىڭ اۋماعىندا 2013 جىلدان بەرى «ەر-تري» جشس تىگىن تسەحىن اشىپ, 21 سوتتالۋشى  جۇمىسپەن قامتىلدى. جولداسبەك شوپەعۇل. اتىراۋ وبلىسى. دەرەككوز: وبلىستىق پروكۋراتۋرا. فوتو: www. Forumtyurem.net.