«بايقوڭىر اۋدانى اكىمى اپپاراتىنىڭ تەڭگەرىمىندە ەكى سۋبۇرقاق نىسانى بار. بيىل اۋدان اكىمدىگى ولاردى قايتا جاڭارتۋدى جوسپارلامايدى», دەلىنگەن حابارلامادا.
سارىارقا اۋدانىندا بارلىق سۋبۇرقاقتار اكىمدىك قاراماعىندا ەمەس. 10 نىساننىڭ بىرەۋى نۇر-سۇلتان قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارماسىنىڭ تەڭگەرىمىندە. بۇل رەتتە سۋبۇرقاقتاردىڭ كاسكادى بيىل اكىمدىكتىڭ بالانسىنا بەرىلەدى. اۋداندا ء«ومىر اعاشى»,«سيرەنەۆىي» فونيانى, اباي-جەلتوقسان, «اقجايىق», «اتىراۋ», «جاستار تەاترى», ماسكەۋ كوشەسىندەگى سكۆەردەگى, «اينالمالى دوپ», ءاليا مولداعۇلوۆا ەسكەرتكىشىندەگى سۋبۇرقاقتار ورنالاسقان.
«الماتى اۋدانىندا دا سۋبۇرقاقتار ىسكە قوسىلىپ, قايتا قالپىنا كەلتىرىلىپ جاتىر. اۋدان اكىمدىگىنىڭ بالانسىندا 9 سۋبۇرقاق پەن سۋبۇرقاق كەشەنى بار. ولار – «پرەزيدەنتتىك ساياباق«, «قازاق ەلى», «ازىرەت سۇلتان», وتان قورعاۋشىلار الاڭىنداعى سۋبۇرقاق كەشەندەرى, تاۋەلسىزدىك سارايى جانىنداعى, «بەيبىتشىلىك جانە كەلىسىم» سارايىنىڭ جانىنداعى سۋبۇرقاقتار. سونىمەن قاتار ب.مومىش ۇلى داڭعىلىنداعى وقۋشىلار سارايىنداعى فونتان, ب.مومىش ۇلى ەسكەرتكىشى جانىنداعى سكۆەردە ورنالاسقان سۋبۇرقاق جانە ستۋدەنتتەر ساياباعىنداعى «اق بۇلاق» سۋبۇرقاعى», دەپ جازدى ۆەدومستۆودان.
سۋبۇرقاقتار سانى بويىنشا ءابسوليۋتتى رەكوردشى - ەسىل اۋدانى. اۋداندا بارلىعى 27 سۋبۇرقاق كەشەنى بار, وعان 46 سۋبۇرقاق كىرەدى. ونىڭ ەكەۋى تولىق قايتا قۇرۋدى قاجەت ەتەدى.
