مارتەبەلى جيىندى اشىپ, ءسوز سويلەگەن قورعانىس ءمينيسترىنىڭ ورىنباسارى سۇلتان كامالادينوۆ, اتالعان ءىس-شارانىڭ ماقساتى – بيىل داتالى كەزەڭگە يەك ارتىپ وتىرعان قازاقستان رەسپۋبليكاسى قارۋلى كۇشتەرىنىڭ قۇرىلۋ جانە دامۋ تاريحى تۋرالى تىڭ دەرەكتەردى ناسيحاتتاۋ, سونداي-اق ەلدىڭ اسكەري قاۋىپسىزدىگىن نىعايتۋداعى اسكەري-ساياسي باسشىلىقتىڭ ءرولىن كورسەتۋ ەكەنىن اتاپ ءوتتى.
كورمە سورەسىنە قويىلعان ەكسپوناتتار قاتارىندا, قازاقستان رەسپۋبليكاسى قارۋلى كۇشتەرىن قۇرۋ جانە تۇڭعىش قورعانىس ءمينيسترىن تاعايىنداۋ تۋرالى جارلىق پەن وعان قول قويۋ كەزىن بەينەلەيتىن ينستاللياتسيالىق ءمۇسىن, سونىمەن قاتار م.ب.گرەكوۆ اتىنداعى اسكەري سۋرەتشىلەر ستۋدياسى سۋرەتشىلەرىنىڭ تۋىندىلارى قويىلىپ, ەڭ باستىسى بۇگىنگى قازاقستان اسكەرىنىڭ الەۋەتى كورەرمەن نازارىنا ۇسىنىلادى.
ءىس-شارا بارىسىندا, پرەزيدەنت مۇراعاتىنىڭ اۆتورلىق ۇجىمى مەن قورعانىس مينيسترلىگى ازىرلەگەن «قازاقستان رەسپۋبليكاسىنىڭ قارۋلى كۇشتەرى. 1991-2001: قۇجاتتار مەن ماتەريالدار جيناعى» اتتى كىتاپتىڭ تۇساۋى كەسىلىپ, تانىستىرىلىمى جاسالدى.
مادەني شارا بارىسىندا, ۇلتتىق اسكەري-پاتريوتتىق ورتالىقتىڭ ءانسامبلى, ورتالىق اسكەري وركەسترى ارتىستەرى, «جاس سارباز» بالالار ستۋدياسىنىڭ تاربيەلەنۋشىلەرى, سونداي-اق قۇرمەت قاراۋىلى روتاسى ءوز ونەرلەرىن كوپشىلىككە ۇسىندى.
