قازاقستان رەسپۋبليكاسى ۇكىمەتىنىڭ قاۋلىسى № 301

2014 جىلعى 2 ءساۋىر استانا, ۇكىمەت ءۇيى ۇلتتىق الدىن الۋ تەتىگى قاتىسۋشىلارىنىڭ الدىن الا بولۋ بويىنشا شىعىستارىن وتەۋ قاعيدالارىن بەكىتۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان ۇلتتىق الدىن الۋ تەتىگى قاتىسۋشىلارىنىڭ الدىن الا بولۋ بويىنشا شىعىستارىن وتەۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ  پرەمەر-ءمينيسترى   س. احمەتوۆ. قازاقستان رەسپۋبليكاسى ۇكىمەتىنىڭ  2014 جىلعى 2  ساۋىردەگى №301 قاۋلىسىمەن بەكىتىلگەن ۇلتتىق الدىن الۋ تەتىگى قاتىسۋشىلارىنىڭ الدىن الا بولۋ بويىنشا شىعىستارىن وتەۋ قاعيدالارى 1. جالپى ەرەجەلەر 1. وسى ۇلتتىق الدىن الۋ تەتىگى قاتىسۋشىلارىنىڭ الدىن الا بولۋ بويىنشا شىعىستارىن وتەۋ قاعيدالارى (بۇدان ءارى  – قاعيدالار) 1997 جىلعى 13 جەلتوقسانداعى قازاقستان رەسپۋبليكاسى قىلمىستىق-اتقارۋ كودەكسىنىڭ 21-1-بابىنا, 2009 جىلعى ءى8 قىركۇيەكتەگى «حالىقتىق دەنساۋلىعى جانە دەن­ساۋ­لىق ساقتاۋ جۇيەسى تۋرالى» قازاقستان رەسپۋبليكاسى كودەكسىنىڭ 184-1-بابىنا, «الكوگوليزمگە, ناشاقورلىق پەن ۋىتقۇمارلىق دەرتىنە شالدىققان اۋرۋلاردى ەرىكسىز ەمدەۋ تۋرالى» 1995 جىلعى 7 ساۋىردەگى قازاقستان رەسپۋبليكاسى زاڭىنىڭ 10-1-بابىنا, «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» 1999 جىلعى 30 ناۋرىزداعى قازاقستان رەسپۋبليكاسى زاڭىنىڭ 46-10-بابىنا, «قازاقستان رەسپۋبليكاسىنداعى بالانىڭ قۇقىقتارى تۋرالى» 2002 جىلعى 8 تامىزداعى قازاقستان رەسپۋبليكاسى زاڭىنىڭ 47-1-بابىنا, «كامە­لەتكە تولماعاندار اراسىنداعى قۇقىق بۇزۋشىلىقتاردىڭ پروفيلاكتيكاسى مەن بالالاردىڭ قاداعالاۋسىز جانە پاناسىز قالۋىنىڭ الدىن الۋ تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ 27-بابىنا سايكەس ازىرلەندى. قاعيدالار قازاقستان رەسپۋبليكاسىنىڭ شەگىندە ۇلتتىق الدىن الۋ تەتىگى قاتىسۋشىلارىنىڭ الدىن الا بولۋ بويىنشا شىعىستارىن وتەۋ ءتارتىبى مەن شارتتارىن ايقىندايدى. 2. ۇلتتىق الدىن الۋ تەتىگى قاتىسۋشىلارىنىڭ الدىن الا شىعىستارىن وتەۋ ءتارتىبى 2. ۇلتتىق الدىن الۋ تەتىگى قاتىسۋشىلارىنىڭ الدىن الا بولۋ بويىنشا شىعىستارىن وتەۋ ءتيىستى قارجى جىلىنا كوزدەلگەن رەسپۋبليكالىق بيۋدجەت قاراجاتى ەسەبىنەن جۇرگىزىلەدى. 3. الدىن الا بولۋعا جاتاتىن ۇيىمدار مەن مەكەمەلەردىڭ تىزبەسى مەن مەرزىم­دەرىن, سونداي-اق الدىن الا بولۋدى وتكىزۋ ءۇشىن ۇلتتىق الدىن الۋ تەتىگى توبىنىڭ قاتىسۋشىلارىنىڭ قۇرامىن ايقىندايتىن قازاقستان رەس­پۋب­­لي­كاسىنداعى ادام قۇقىقتارى جونىندەگى ۋاكىل جانىنداعى ۇيلەستىرۋ كەڭەسىنىڭ (بۇدان ءارى – ۇيلەستىرۋ كەڭەسى) حاتتاماسى, ۇستەمە شىعىنداردى قوسا العاندا, اقشا قاراجاتىنىڭ شىعىندارى وندىرىلگەنىن راستايتىن قۇجاتتار, سونداي-اق بولۋ تۋرالى ەسەپتى دايىنداۋعا بايلانىستى شىعىستار الدىن الا بولۋ بويىنشا شىعىستاردى رەسپۋبليكالىق بيۋدجەت قاراجاتى ەسەبىنەن وتەۋ ءۇشىن نەگىز بولىپ تابىلادى. 4.ۇيلەستىرۋ كەڭەسى حاتتاماسىنىڭ كوشىرمەسى ءتيىستى جىلعى 10 قاڭتاردان كەشىكتىرىلمەي بيۋدجەتتىك باعدارلامانىڭ اكىمشىسىنە جىبەرىلەدى. 5. بيۋدجەتتىك باعدارلامانىڭ اكىمشىسى ۇلتتىق الدىن الۋ تەتىگىنىڭ قاتىسۋشىلارىنا مىناداي شىعىستاردى وتەيدى: 1) ۇلتتىق الدىن الۋ تەتىگى قاتىسۋشىسىنىڭ باسقا جەرگە شىعۋىنا بايلانىستى, ونىڭ ىشىندە ۇيلەستىرۋ كەڭەسىنىڭ جۇمىسىنا قاتىسۋى بويىنشا شىعىستار: الدىن الا بولۋ ورنىندا بولعان ءاربىر كۇن ءۇشىن الدىن الۋ تەتىگىنىڭ قاتىسۋشىسىنا ەكى ايلىق ەسەپتىك كورسەتكىش مولشەرىندە تاۋلىكاقى تولەنەدى; ۇسىنىلعان راستاۋ قۇجاتتارى (فيسكالدىق چەك, كاسسالىق كىرىس وردەرى, شوت-فاكتۋرا, شوت, جۇكقۇجات, حابارلاما قاعاز, تۇرۋ ءۇشىن قۇجاتتاردى دارا كاسىپكەر ۇسىنعان جاعدايدا, ادامنىڭ م ۇلىكتى جالعا بەرۋگە قۇقىعىن راستايتىن قۇجاتتار (جالعا بەرۋ شارتى, پاتەنت, كۋالىك) جانە مەيمانحانالىق قىزمەت بەرۋشى ۇسىناتىن باسقا دا راستايتىن قۇجاتتار قوسىمشا ۇسىنىلا­دى) بويىنشا تۇرعىن ءۇي-جايدى جالداۋ بويىنشا, بۇل رەتتە تۇرعىن ءۇي-جايدى تاۋلىگىنە جالداۋ بويىنشا شىعىستار سوماسى استانا, الماتى, اتىراۋ, اقتاۋ جانە بايقوڭىر قالالارىندا ايلىق ەسەپتىك كورسەتكىشتىڭ جەتى ەسەلەنگەن مولشەرىنەن, وبلىس ورتالىقتارى مەن وبلىستىق ماڭىزى بار قالالاردا ايلىق ەسەپتىك كورسەتكىشتىڭ التى ەسەلەنگەن مولشەرىنەن, اۋدان ورتالىقتارى مەن اۋداندىق ماڭىزى بار قالالاردا ايلىق ەسەپتىك كورسەت­كىشتىڭ ءتورت ەسەلەنگەن مولشەرىنەن, اۋىلدىق وكرۋگتەردە ايلىق ەسەپتىك كورسەتكىشتىڭ ەكى ەسەلەنگەن مولشەرىنەن اسپاۋعا ءتيىس; راستايتىن قۇجاتتار بولماعان جاعدايدا, تۇرعىن ءۇي-جايدى جالداۋ بويىنشا شىعىستار تاۋلىكاقى نورماسىنىڭ 50 پايىزى مولشەرىندە وتەلەدى; بولۋ ورنىنا جانە تۇراقتى جۇمىس ورنىنا كەرى جول ءجۇرۋ بويىنشا - ۇسىنىلعان جول ءجۇرۋ قۇجاتتارىنىڭ نەگىزىندە تەمىرجولمەن جول جۇرگەندە - كۋپەلى ۆاگوننىڭ ءتاريفى بويىنشا (تومەندە ورنالاسقان جۇمساق ديۆاندارى بار, كۇيىن رەتتەيتىن وتىرۋعا ارنالعان قۇرىلعىلى جۇمساق كرەسلولارى بار ەكى ورىندىق كۋپەلى ۆاگونداردى (سۆ), سونداي-اق «تۋريست» جانە «بيزنەس» جۇردەك پويىزدار كلاستارىن قوسپاعاندا); سۋ جولدارى بويىنشا, تاس جول مەن توپىراقتى جولدار بويىنشا - وسى جەردە قالىپتاسقان جول ءجۇرۋ قۇنى بويىنشا; وسى شىعىستاردى راستايتىن قۇجاتتار بولعان كەزدە, بولۋ ورنىنا جانە جۇمىس (قىزمەت) ورنىنا كەرى جول ءجۇرۋ كەزىندە جول ءجۇرۋ بيلەتتەرى مەن قوناق ۇيلەردەگى ورىندى برونداۋ, سونداي-اق پويىزبەن جول ءجۇرۋ كەزىندە توسەك-ورىن جابدىقتارىن پايدالانۋ قۇنى; بولۋ ورنىنا جانە نەگىزگى جۇمىس (قىزمەت) ورنىنا كەرى جول ءجۇرۋ قۇجاتتارى بولماعان كەزدە شىعىستار كولىكپەن (اۋە كولىگىن قوسپاعاندا) ءجۇرۋدىڭ ەڭ تومەنگى قۇنى بويىنشا وتەلەدى; تەمىرجول ستانتسياسى, كەمەجاي, اۋەجاي ەلدى مەكەننىڭ شەگىنەن تىس جەردە ورنالاسسا, راستايتىن قۇجاتتار بولعان كەزدە, ولارعا اۆتوكولىكپەن (تاكسيدەن باسقا) جول ءجۇرۋ بويىنشا; ۇلتتىق الدىن الۋ تەتىگى قاتىسۋشىسىنىڭ كۇن سايىن تۇراقتى تۇراتىن جەرىنە قايتۋعا مۇمكىندىگى بار جەردە الدىن الا بولۋ كەزىندە شىعىستار مىناداي تارتىپپەن وتەلەدى: ەگەر ۇلتتىق الدىن الۋ تەتىگىنىڭ قاتىسۋشىسى جۇمىس كۇنى اياقتالعاننان كەيىن ءوز ەركىمەن بولۋ جەرىندە قالاتىن بولسا, وندا تۇرعىن ءۇي-جايدى جالداۋ تۋرالى اقتايتىن قۇجاتتاردى ۇسىنعان كەزدە تاۋلىكتىك جانە كولىكتىك شىعىستار وسى قاعيدالاردىڭ 5-تارماعىنىڭ 1) تارماقشاسىندا كوزدەلگەن مولشەردە وتەلەدى; ەگەر ۇلتتىق الدىن الۋ تەتىگىنىڭ قاتىسۋشىسى كۇن سايىن نەگىزگى جۇمىس (قىزمەت) ورنىنا قايتىپ كەلەتىن بولسا, وندا تاۋلىكاقى تولەنبەي, جول ءجۇرۋ قۇجاتتارى بولعان كەزدە كولىكتىك شىعىستار عانا وتەلەدى; 2) ۇلتتىق الدىن الۋ تەتىگىنىڭ ءاربىر قاتىسۋشىسىنا الدىن الا بولۋدىڭ قورىتىندىلارى بويىنشا جىل سايىنعى شوعىرلاندىرىلعان بايانداما ءۇشىن جيناقتالعان ماتەريالداردى وڭدەۋدى, ۇسىنىستار مەن ۇسىنىمدار, اقپارات دايىنداۋدى قوسا العاندا, بولۋدىڭ قورىتىندىلارى بويىنشا ەسەپتى دايىنداۋعا بايلانىستى ەڭ تومەنگى ءبىر جالاقى مولشەرىندەگى شىعىستار; 3) كەڭسە تاۋارلارىن ساتىپ الۋعا ارنالعان, تەلەفون بايلانىسىن, ينتەرنەت پەن پوچتا قىزمەتتەرىن پايدالانعانى ءۇشىن شىعىستاردى قامتيتىن, الدىن الا بولۋدى جۇزەگە اسىراتىن ۇلتتىق الدىن الۋ تەتىگىنىڭ ءاربىر قاتىسۋشىسىنا ەڭ تومەنگى ەكى ايلىق ەسەپتىك كورسەتكىشتەن اسپايتىن مولشەردەگى جۇكقۇجات شىعىستارى. 6. ۇلتتىق الدىن الۋ تەتىگى قاتىسۋشىسىنىڭ باسقا جەرگە بارۋىنا بايلانىستى شىعىستار مىناداي تارتىپپەن وتەلۋگە جاتادى: 1)  الدىن الا بولۋ ورنىندا (بۇدان ءارى - بولۋ ورنى) ناقتى بولعان ۋاقىتى ۇلتتىق الدىن الۋ تەتىگى توبىنىڭ باسشىسى بەرەتىن الدىن الا بولۋ قاتىسۋشىسىنىڭ كۋالىگىندەگى بولۋ ورنىنا كەلۋ كۇنى جانە بولۋ ورنىنان كەتۋ كۇنى تۋرالى بەلگىلەر بويىنشا ايقىندالادى. ەگەر ۇلتتىق الدىن الا بولۋدىڭ قاتىسۋشىسى ءارتۇرلى ەلدى مەكەندەردە الدىن الا بولۋدى جۇزەگە اسىراتىن بولسا, كەلۋ كۇنى مەن كەتۋ كۇنى تۋرالى بەلگىلەر ولاردىڭ ارقايسىسىندا جاسالادى. ءتيىستى بەلگىلەر بولاتىن مەكەمەلەر مەن ۇيىمداردىڭ كادر قىزمەتتەرىندە قويىلادى; 2)  الدىن الا بولۋدان كەيىن باسقا جەرگە (بۇدان ءارى - بولۋ ورنى) شىعاتىن جانە نەگىزگى جۇمىس ورنىندا (قىزمەتىندە) بولاتىن ۇلتتىق الدىن الۋ تەتىگىنىڭ قاتىسۋشىلارىن تىركەۋدى ۇلتتىق الدىن الۋ تەتىگى توبىنىڭ باسشىسى ارنايى جۋرنالدا جۇرگىزەدى; 3) الدىن الا بولۋ ءۇشىن جىبەرىلەتىن ۇلتتىق الدىن الۋ تەتىگى قاتىسۋشى­سىنىڭ نەگىزگى جۇمىس ورنىنان (قىزمەتىنەن) پويىزدىڭ, اۆتوبۋستىڭ نەمەسە باسقا دا كولىك قۇرالىنىڭ جونەلتىلەتىن كۇنى بارۋ ورنىنا شىعۋ كۇنى, ال اتالعان كولىكتىڭ ۇلتتىق الدىن الۋ تەتىگى قاتىسۋشىسىنىڭ نەگىزگى جۇمىس ورنىنا (قىزمەتىنە) كەلگەن كۇنى - كەلۋ كۇنى بولىپ ەسەپتەلەدى. شىعۋ كۇنى كولىك قۇرالىن 24 ساعاتتى قوسا العانعا دەيىن جونەلتكەن كەزدە اعىمداعى تاۋلىكتەر, 0 ساعاتتان باستاپ جانە ودان كەشىرەك - كەيىنگى تاۋلىكتەر بولىپ ەسەپتەلەدى; 4) ەگەر جونەلتۋ ستانتسياسى ەلدى مەكەننىڭ شەگىنەن تىسقارى ورنالاسسا, وندا باسقا جەرگە شىعۋ كۇنى كولىكتىڭ جونەلتۋ جەرىنە جەتۋى ءۇشىن قاجەتتى ۋاقىتتى ەسكەرە وتىرىپ, جوعارىدا اتالعان تاسىلمەن ەسەپتەلەدى. پويىز, اۆتوبۋس نەمەسە باسقا دا كولىك قۇرالى ۋاقتىلى كەلمەگەن نەمەسە جونەلتىلمەگەن جاعدايدا, تاسىمالداۋشى جولاۋشىنىڭ ءوتىنىشى بويىنشا وعان پويىزدىڭ, اۆتوبۋستىڭ نەمەسە باسقا دا كولىك قۇرالىنىڭ كەشىگۋى تۋرالى كۋالاندىراتىن قۇجاتتى بەرەدى; 5) ۇلتتىق الدىن الۋ تەتىگى قاتىسۋشىسىنىڭ باسقا جەرگە شىعۋ كۇنىن جانە نەگىزگى جۇمىس (قىزمەت) ورنىنا كەلۋ كۇنىن قامتيتىن الدىن الا بولۋ ۋاقىتى ىشىندە نەگىزگى جۇمىس (قىزمەت) ورنى ساقتالادى جانە قازاقستان رەسپۋبليكاسىنىڭ ەڭبەك كودەكسى 149-بابىنىڭ 1 جانە 2-تارماقتارىنا سايكەس جالاقى تولەنەدى. 7. ۇلتتىق الدىن الۋ تەتىگى توبىنىڭ باسشىسى الدىن الا بولۋ كەزىندەگى اقشا قاراجاتىنىڭ ناقتى شىعىستارى تۋرالى ەسەپتى بيۋدجەتتىك باعدار­لامانىڭ اكىمشىسىنە اي سايىن, ەسەپتى ايدان كەيىنگى ايدىڭ 5-كۇنىنەن كەشىك­تىر­مەي تاپسىرىس حاتپەن جىبەرەدى. ەسەپكە الدىن الا بولۋ ماقساتىندا باسقا جەرگە بارۋعا, بولۋدىڭ قورىتىندىسى بويىنشا ەسەپ دايىنداۋعا, وتكىزىلگەن بولۋلار, وسى قاعيدالارعا سايكەس تولەنۋگە ءتيىس ۇستەمە شىعىستار تۋرالى اقپاراتقا بايلانىستى شىعىستاردى راستايتىن قۇجاتتار قوسا بەرىلەدى. 8. قازاقستان رەسپۋبليكاسىنداعى ادام قۇقىقتارى جونىندەگى ۋاكىل ۇلتتىق الدىن الۋ تەتىگى قاتىسۋشىلارىنىڭ الدىن الا بولۋدى جۇرگىزۋ كەزىندەگى شىعىستارى تۋرالى راستاۋدى بيۋدجەتتىك باعدارلامانىڭ اكىمشىسىنە اي سايىن, ەسەپتى ايدان كەيىنگى ايدىڭ 5-كۇنىنەن كەشىكتىرمەي جىبەرەدى. 9. بيۋدجەتتىك باعدارلامانىڭ اكىمشىسى وسى قاعيدالاردىڭ 7 جانە 8-تارماقتارىندا كورسەتىلگەن قۇجاتتاردى العان ساتتەن باستاپ 10 جۇمىس كۇنىنەن كەشىكتىرمەي, ۇلتتىق الدىن الۋ تەتىگى قاتىسۋشىسىنىڭ شىعىستارىن وتەۋدى ۇلتتىق الدىن الۋ تەتىگىنىڭ قاتىسۋشىسىنا تيەسىلى سومانى ۇلتتىق الدىن الۋ تەتىگى توبىنىڭ باسشىسى ۇسىنعان جانە ءتيىستى بانك نەمەسە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىم راستاعان سومانى ونىڭ اعىمداعى بانك نەمەسە وزگە شوتىنا ەسەپتەۋ ارقىلى جۇرگىزەدى.