اتاپ ايتقاندا, تۋريزم باسقارماسىنىڭ باسشىسى بولىپ پرەزيدەنتتىك جاستار كادر رەزەرۆىنىڭ مۇشەسى دانيار وتەشوۆ تاعايىندالدى.
دانيار وتەشوۆ ق. ساتباەۆتىڭ اتىنداعى قازاق ۇلتتىق تەحنيكالىق ۋنيۆەرسيتەتىن «قۇرىلىس» ماماندىعى, نازارباەۆ ۋنيۆەرسيتەتىن «ىسكەرلىك اكىمشىلىك» ماماندىعى بويىنشا بىتىرگەن. اعىلشىن ءتىلىن ەركىن مەڭگەرگەن.
ەڭبەك جولىن 2014 جىلى «اتاش-سەرۆيس» جشس ديرەكتورى رەتىندە باستادى. 2015 جىلدان 2017 جىلعا دەيىن «اقتاۋ-ازيمۋت» جشس ديرەكتورىنىڭ ورىنباسارى بولدى. 2017 جىلى اقتاۋ قالالىق قۇرىلىس ءبولىمىنىڭ سەكتور مەڭگەرۋشىسى, 2017 جىلدىڭ تامىز ايىنان باستاپ قازىرگى تاڭعا دەيىن «اقتاۋ-ازيمۋت» جشس ديرەكتورى قىزمەتىن اتقاردى.
ىشكى ساياسات باسقارماسىنىڭ باسشىسى بولىپ نۇرتاس سالي تاعايىندالدى.
نۇرتاس سالي «مەملەكەتتىك جانە جەرگىلىكتى باسقارۋ» ماماندىعى بويىنشا ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن.
ەڭبەك جولىن 2014 جىلى «ماڭعىستاۋ-مەديا» جشس-دا كونتەنت-مەنەدجەرى بولىپ باستاعان. 2014-2017 جىلدارى – ماڭعىستاۋ وبلىسى ىشكى ساياسات باسقارماسىنىڭ باس مامانى. 2017 - 2019 جىلدارى ماڭعىستاۋ وبلىسى ىشكى ساياسات باسقارماسىنىڭ ءبولىم باسشىسى, 2019 جىلدان 2022 جىلعا دەيىن ىشكى ساياسات باسقارماسى باسشىسىنىڭ ورىنباسارى بولىپ جۇمىس ىستەدى.
2022 جىلدىڭ ناۋرىز ايىنان قازىرگى ۋاقىتقا دەيىن ماڭعىستاۋ وبلىسىنىڭ جاستار ساياساتى ماسەلەلەرى باسقارماسى باسشىسىنىڭ مىندەتىن اتقاردى.
ءوڭىر باسشىسى نۇرلان نوعاەۆ باسقارمالار ۇجىمدارىنا جاڭا باسشىلاردى تانىستىرىپ, ەڭبەكتەرىنە تابىس تىلەدى.
