اۆتوحقكو-دا مينيسترلەر جۇرگىزۋشى كۋالىگىن الۋ جانە اۆتوكولىككە مەملەكەتتىك تىركەۋ ءنومىر بەلگىسىن دايىنداۋعا تاپسىرىستى اۆتوماتتاندىرۋ ۇردىسىمەن تانىستى.
بيومەتريا تەحنولوگياسىن جانە جاڭا GPS-قۇرالىن قولدانۋدىڭ ناتيجەسىندە سىبايلاس جەمقورلىقتىڭ الدىن الىپ, جۇرگىزۋشى كۋالىگىن الۋ پروتسەسىنىڭ اشىقتىعى قامتاماسىز ەتىلدى.
№1 حقكو-دا «ازاماتتارعا ارنالعان ۇكىمەتتىڭ» توراعاسى سۇيەنىش ءابدىلدين جەكە كۋالىك بەرەتىن اۆتوماتتاندىرىلعان تەرمينالدى كورسەتتى. تەرمينال بيومەتريالىق جۇيەمەن جابدىقتالعان, سۋرەتكە ءتۇسىرۋ فۋنكتسياسى بار, ينتەرفەيسى دە تۇسىنىكتى. سول ارقىلى كۋالىكتى الۋعا ءوتىنىش بەرىپ, سۋرەتكە ءتۇسىپ, قولتاڭباڭىزدىڭ ۇلگىسىن قالدىرىپ, QR-كودپەن مەملەكەتتىك باج تولەۋگە بولادى.
سونداي-اق جەكە كۋالىكتى «ۇلتتىق اقپاراتتىق تەحنولوگيالار» اق ماماندارى جاساعان egov.kz پورتالى ارقىلى الۋ مۇمكىندىگى دە قاراستىرىلىپ جاتىر.
مەكەمەلەردىڭ باسشىلارى شەتەلدەن قازاقستانعا ۇزاق ۋاقىتقا كەلىپ جاتقان ءىت-ماماندار ءتيىستى پروتسەدۋرالاردان وتەتىن احقو ەكسپات-ورتالىعىنا باردى. وندا جسن الۋ, ءموبيلدى ازاماتتار بازاسىنا تىركەلۋ, ەتسق رەسىمدەۋ, زاڭدى تۇلعانى تىركەۋ, بانك شوتىن اشۋ, تۇرعىلىقتى جەرگە ۋاقىتشا تىركەۋ, ءتىپتى قازاقستاندىق SIM-كارتا ساتىپ الۋ سياقتى قىزمەتتەر كورسەتىلەدى. مۇنداي ورتالىقتىڭ ارتىقشىلىعى سول – بارلىق قىزمەتتى ءبىر جەردەن الىپ, ۋاقىت ۇنەمدەۋگە بولادى.
پوليتسيا دەپارتامەنتىنىڭ جەدەل باسقارۋ ورتالىعىندا باعدات مۋسين مەن مارات احمەتجانوۆ ىشكى ىستەر ورگاندارىنداعى تسيفرلاندىرۋدى دامىتۋ جوسپارلارىن, ءىىم-ءنىڭ پەرسپەكتيۆالى جوبالارىن – «احۋالدىق-ساراپتامالىق ورتالىعى» مەن «سەرگەك» ءموبيلدى قوسىمشاسىن» قاراستىردى.
ءىىم ساراپتاما ورتالىعى قىلمىستىڭ الدىن الۋ ماقساتىندا كريمينالوگيالىق بولجام قالىپتاستىرۋمەن اينالىسادى. جۇرگىزۋشىلەردى تارتىپكە باعىندىرىپ, جول ەرەجەسىن بۇزۋدىڭ الدىن الۋعا باعىتتالعان ءموبيلدى قوسىمشا – جول قوزعالىسىن اۆتوماتتى قاداعالاۋ فۋنكتسيونالى.
«تسيفرلاندىرۋ قازاقستاندىقتاردىڭ ءومىرىن جەڭىلدەتىپ, مەملەكەتتىك قىزمەت كورسەتۋ مەرزىمىن قىسقارتىپ, ساپاسىن ارتتىرادى. جۋىردا قۇجاتتاردى رەسىمدەۋ ۋاقىتى ايتارلىقتاي قىسقارىپ, پروتسەستەردىڭ بارلىعى اشىق جانە جاريالى بولىپ, سىبايلاس جەمقورلىق دەڭگەيىن تومەندەتۋگە جول اشادى. بىراق ناتيجە ساپالى بولۋ ءۇشىن تسيفرلاندىرۋ بارىسىندا بارلىق مەملەكەتتىك ورگاندار جۇمىلا جۇمىس ىستەۋ قاجەت. ءبىز ءىىم باسشىلىعىمەن وسى باعىتتا ءوزارا ىمىراعا كەلىپ, حالىققا جايلى جانە قاۋىپسىز ورتا قالىپتاستىرۋ جوبالارىن تالقىلادىق. ەڭ الدىمەن, تسيفرلىق قۇجاتتاردى مويىنداۋدان باستايتىن بولدىق», دەدى تسيفرلىق دامۋ, يننوۆاتسيالار جانە اەروعارىش ءمينيسترى.
«يننوۆاتسيالاردى ەنگىزۋ پوليتسيا قىزمەتىن بيۋروكراتيادان ارىلتۋعا, سىبايلاس جەمقورلىق تاۋەكەلدەرىن ازايتۋعا, سونداي-اق ىشكى ىستەر ورگاندارى جۇمىسىنىڭ اشىقتىعىن قامتاماسىز ەتۋگە مۇمكىندىك بەرەدى. الدا ازاماتتاردىڭ قاۋىپسىزدىگىن قامتاماسىز ەتۋگە باعىتتالعان كوپتەگەن جوبا بار, ءىىم ولاردى ءتسدياوم جانە جەرگىلىكتى اتقارۋشى ورگاندارمەن ىنتىماقتاستىقتا ىسكە اسىراتىن بولادى», دەدى ىشكى ىستەر ءمينيسترى.
كەڭەس قورىتىندىسى بويىنشا ىشكى ىستەر ورگاندارىن ودان ءارى تسيفرلاندىرۋ جانە ءتسدياوم جانە «ازاماتتارعا ارنالعان ۇكىمەت» مك قاتىسۋىمەن پوليتسيا قىزمەتىنە يننوۆاتسيالار ەنگىزۋ بويىنشا شەشىمدەر قابىلداندى.
