«پروينفلياتسيالىق تاۋەكەلدەردىڭ كۇشەيۋىن ەسكەرسەك, قازاقستاننىڭ ينفلياتسيا بولجامى ءوسۋ جاعىنا قاراي قايتا قارالۋدا. بيىل ناۋرىزدا قازاقستاندا ينفلياتسيا 12%-عا دەيىن جەدەلدەپ, 2016 جىلعى قىركۇيەكتەن باستاپ ەڭ جوعارى مانگە جەتتى», دەدى ۆيتالي تۋتۋشكين ءماجىلىستىڭ جالپى وتىرىسى بارىسىندا.
ونىڭ ايتۋىنشا, ازىق-ت ۇلىك تاۋارلارى ينفلياتسياعا ەرەكشە اسەر ەتكەن, مۇنداعى باعا ءوسىمى 15,4%-عا دەيىن جەدەلدەگەن.
«ناۋرىزدا ءبىز الەۋمەتتىك ماڭىزى بار ازىق-ت ۇلىك تاۋارلارىنىڭ بىردەن قىمباتتاپ كەتكەنىن بايقادىق, بۇل رەسەيدەن يمپورتتاۋعا تىيىم سالۋ اياسىندا بىرقاتار ازىق-ت ۇلىك تاۋارىنىڭ دەفيتسيتىنە بايلانىستى ورىن الدى. سونىڭ اسەرىنەن ناۋرىزدىڭ ەكىنشى اپتاسىندا ازىق-ت ۇلىك تاۋارلارى باعاسى 5,6%-عا ءوستى. وسىدان كەيىن الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ اپتا ىشىندەگى ءوسىمى ناۋرىزدىڭ سوڭعى اپتاسىندا 1,3%, ءساۋىردىڭ ءبىرىنشى جانە ەكىنشى اپتاسىندا قاتارىنان 0,9% بولىپ, بىرتىندەپ تۇراقتانا باستادى», دەدى ۆ. تۋتۋشكين.
