«قارجى پيراميداسىنا قاتىستى ءىس بويىنشا تاعى ءۇش فيگۋرانت انىقتالدى. ماسەلە «MUDARABAN CAPITAL» سەرىكتەستىگىنىڭ قاتىسۋشىلارى – بۇعان دەيىن «كەپىلمەن بوساتۋ» بۇلتارتپاۋ شاراسى تاڭدالعان ش. جانە ت.ەسىمدى ازاماتتار, سونداي-اق سوتقا دەيىنگى تەرگەۋ بارىسىنا «ۇيقاماققا» الىنعان م. جانە ك.ەسىمدى ازاماتتار تۋراسىندا بولىپ وتىر», دەدى ۆەدومستۆودان.
ەسكە سالايىق, اتالعان تۇلعالار قر قىلمىستىق كودەكسىنىڭ 217-بابى 3-بولىگى بويىنشا الماتى قالالىق پوليتسيا دەپارتامەنتى تەرگەۋ باسقارماسى تەرگەپ جاتقان قىلمىستىق ءىس بويىنشا كۇدىكتى رەتىندە تانىلعان ەدى.
«الماتى قالالىق پوليتسيا دەپارتامەنتى قىلمىستىق ءىستى قارجى پيراميداسىن قۇرۋ جانە ۇيىمداستىرۋ فاكتىسى بويىنشا «ASTEX.KZ» جشس جانە «ACD technology» جشس-لاردىڭ لاۋازىمدى تۇلعالارىنىڭ ۇستىنەن ازاماتتار توبى بەرگەن ۇجىمدىق ارىز نەگىزىندە تىركەگەن بولاتىن», دەدى قالالىق پوليتسيا دەپارتامەنتى باستىعىنىڭ ورىنباسارى رۋستام ابدراحمانوۆ.
انىقتالعانداي, 2009 جىلدىڭ اقپانى مەن 2021 جىلدىڭ قاڭتارى ارالىعىندا اتالعان جشس-لاردىڭ لاۋازىمدى تۇلعالارى مەملەكەتتىك ساتىپ الۋلارعا قاتىسۋ جەلەۋىمەن اقشا قاراجاتىن تارتۋ ءۇشىن جەكە جانە زاڭدى تۇلعالارمەن بىرلەسكەن قىزمەت تۋرالى كەلىسىمشارتتار جاساسقان.
«ەكىجاقتى قۇجاتقا سايكەس فيرمالار ءاربىر سالىمشىعا اي سايىن سالىنعان سۋممادان 20 پايىز تولەپ وتىرۋى ءتيىس بولعان. 5 ملرد تەڭگە كولەمىندەگى اقشا قاراجاتى «ASTEX.KZ» جشس-عا 162 سالىمشىدان وزگە كومپانيا - «MUDARABAن CAPITAL» جشس-دان ءتۇسىپ وتىرعان», دەپ ناقتىلادى ۆەدومستۆونىڭ ءباسپاسوز قىزمەتىنەن.
ەسكە سالايىق, اتالعان ىسكە قاتىسى بار دەگەن كۇدىكپەن تانىمال ۆاينەرلەر مەيىرجان تورەباەۆ پەن مەيىرحان شەرنيازوۆ كۇدىكتى رەتىندە ۇستالعان بولاتىن.
كەيىن تەرگەۋ سوتى ەكەۋىنە قاتىستى «كەپىلمەن بوساتۋ» تۇرىندەگى بۇلتارتپاۋ شاراسىن سانكتسيالادى. ءۇشىنشى كۇدىكتى – تاعى ءبىر تانىمال ۆاينەر ازيمجان سايدباەۆقا ىزدەۋ جاريالاندى.
15 ءساۋىر كۇنى باس پروكۋروردىڭ ورىنباسارى اسەت شىنداليەۆ قارجى پيراميداسىن قۇرۋ ءىسى بويىنشا تەرگەۋ اياقتالعانىن ءمالىم ەتكەن ەدى.
«قازىر ءىس بويىنشا تەرگەۋ اياقتالدى, ياعني تانىستىرۋ كەزەڭى ءوتىپ جاتىر. وسى قىلمىسقا قاتىستى بارلىق كۇدىكتىنىڭ ءىس-قيمىلىنا باعا بەرىلىپ, ولارعا ايىپ تاعىلدى. بۇل راسىمدەر اياقتالعاننان كەيىن, ونى پروكۋرورعا جولدايدى. ءوز كەزەگىندە پروكۋرور ءىستى سوتقا باعىتتايدى», دەگەن ەدى باس پروكۋروردىڭ ورىنباسارى.
