Energyprom ساراپشىلارىنىڭ ەسەبىنە سايكەس, 2022 جىلعى قاڭتار–ناۋرىزدا بالىق جانە ونى قايتا وڭدەۋ ونىمدەرىنىڭ ءوندىرىسى 2021 جىلعى ۇقساس كەزەڭگە قاراعاندا قىسقاردى.
«جاس, سالقىنداتىلعان نەمەسە مۇزداتىلعان بالىق ءوندىرىسى ءبىر جىلدا 17,4%-عا, 10,1 مىڭ تونناعا دەيىن تومەندەدى. دايىندالعان جانە قايتا وڭدەلگەن بالىقتى, سونداي-اق ۋىلدىرىقتى جانە ونىڭ الماستىرعىشتارىن شىعارۋ 2 ەسە, ياعني 2,4 مىڭ تونناعا دەيىن ازايدى», دەپ مالىمدەدى زەرتتەۋشىلەر.
2022 جىلعى ناۋرىزدىڭ قورىتىندىسى بويىنشا جاس نەمەسە توڭازىتىلعان بالىقتىڭ باعاسى 2021 جىلعى ناۋرىزبەن سالىستىرعاندا 11,2%-عا ءوستى, مۇزداتىلعان بالىق 9,1%-عا قىمباتتادى, ال وڭدەلگەن جانە كونسەرۆىلەنگەن بالىق ءبىر جىلدا بىردەن 15,5%-عا ءوستى.
ساراپشىلاردىڭ ايتۋىنشا, ءبىر اي ىشىندە بالىقتىڭ باعاسى 2022 جىلدىڭ اقپانىمەن سالىستىرعاندا 2,9%-عا, مۇزداتىلعانى - 2,1%-عا, وڭدەلگەن جانە كونسەرۆىلەنگەن بالىقتارعا بىردەن 4%-عا ءوستى.
2021 جىلدىڭ ناۋرىزىمەن سالىستىرعاندا سۋىق ىستالعان سكۋمبريا باعاسى 11,9%-عا, كگ ءۇشىن 2,6 مىڭ تەڭگەگە دەيىن ءوستى, تۇزدالعان مايشاباق بىردەن 19%-عا, كگ ءۇشىن 1,2 مىڭ تەڭگەگە دەيىن قىمباتتادى, ال شپروتتار 13,3%-عا, 240 گر ءۇشىن 674 تەڭگەگە دەيىن ءوستى.
ساراپشىلاردىڭ ەسەپتەۋىنشە, ءبىر قازاقستاندىققا بالىق پەن تەڭىز ونىمدەرىن تۇتىنۋدىڭ ورتاشا كولەمى 2021 جىلى 14,8 كگ قۇرادى, بۇل 2020 جىلمەن سالىستىرعاندا 2,1%-عا از.
