قازاقستان رەسپۋبليكاسى ۇكىمەتىنىڭ قاۋلىسى №55

2014 جىلعى 4 اقپان استانا, ۇكىمەت ءۇيى «شىعۋ ۆيزالارىن ۇزارتۋ جانە بەرۋ» مەملەكەتتىك كورسەتىلەتىن قىزمەت ستاندارتىن بەكىتۋ تۋرالى «مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 6-بابىنىڭ 3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان «شىعۋ ۆيزالارىن ۇزارتۋ جانە بەرۋ» مەملەكەتتىك كورسەتىلەتىن قىزمەت ستاندارتى بەكىتىلسىن. 2. «شىعۋ ۆيزالارىن ۇزارتۋ جانە بەرۋ» مەملەكەتتىك قىزمەت ستاندارتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 28 اقپانداعى № 200 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2011 ج., № 22, 279-قۇجات) كۇشى جويىلدى دەپ تانىلسىن. 3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى   س. احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 4 اقپانداعى №55 قاۋلىسىمەن بەكىتىلگەن «شىعۋ ۆيزالارىن ۇزارتۋ جانە بەرۋ» مەملەكەتتىك كورسەتىلەتىن قىزمەت ستاندارتى 1. جالپى ەرەجەلەر 1. «شىعۋ ۆيزالارىن ۇزارتۋ جانە بەرۋ» مەملەكەتتىك كورسەتىلەتىن قىزمەتى (بۇدان ءارى – مەملەكەتتىك كورسەتىلەتىن قىزمەت). 2. مەملەكەتتىك كورسەتىلەتىن قىزمەت ستاندارتىن قازاقستان رەسپۋبليكاسى ىشكى ىستەر مينيسترلىگى (بۇدان ءارى – مينيسترلىك) ازىرلەدى. 3. مەملەكەتتىك كورسەتىلەتىن قىزمەتتى مينيسترلىكتىڭ كوشى-قون پوليتسياسىنىڭ اۋماقتىق بولىمشەلەرى (بۇدان ءارى – كورسەتىلەتىن قىزمەتتى بەرۋشى) كورسەتىلەتىن قىزمەتتى الۋشىنىڭ تۇرعىلىقتى جەرى بويىنشا كورسەتەدى. 2. مەملەكەتتىك قىزمەت كورسەتۋ ءتارتىبى 4. مەملەكەتتىك قىزمەت كورسەتۋ مەرزىمدەرى: 1) كورسەتىلەتىن قىزمەتتى بەرۋشىگە قۇجاتتاردىڭ توپتاماسىن تاپسىرعان ساتتەن باستاپ – 5 (بەس) جۇمىس كۇنى; 2) قۇجاتتاردىڭ توپتاماسىن تاپسىرۋ ءۇشىن بارىنشا رۇقسات ەتىلەتىن كۇتۋ ۋاقىتى – 30 (وتىز) مينۋت; 3) بارىنشا رۇقسات ەتىلەتىن قىزمەت كورسەتۋ ۋاقىتى – 10 (ون) مينۋت. 5. مەملەكەتتىك قىزمەت كورسەتۋ نىسانى – قاعاز تۇرىندە. 6. مەملەكەتتىك قىزمەت كورسەتۋ ناتيجەسى – شەتەلدىك پاسپورتقا نە ازاماتتىعى جوق ادامنىڭ كۋالىگىنە تولتىرىلعان ۆيزالىق جاپسىرمانى جاپسىرۋ جولىمەن قازاقستان رەسپۋبليكاسىنىڭ ۆيزالارىن («G2», «ە1», «ە2», «ە3», «D8» «ك1», «ك2», «ك3», «L1», «L2», «م1», «م2», «ر8» ساناتتارى) ۇزارتۋ, قازاقستان رەسپۋبليكاسىنىڭ ۆيزالارىن ( «G2», «G4», «J3», «L1», «ر1», «ر2», «ر3», «ر4», «ر5», «ر6», «ر7», «ر8» ساناتتارى) بەرۋ. 7. مەملەكەتتىك قىزمەت اقىلى تۇردە كورسەتىلەدى. مەملەكەتتiك قىزمەت كورسەتiلگەنi ءۇشiن مەملەكەتتىك باج الىنادى, ول 2008 جىلعى 10 جەلتوقسانداعى «سالىق جانە بيۋدجەتكە تولەنەتiن باسقا دا مiندەتتi تولەمدەر تۋرالى» (سالىق كودەكسi) قازاقستان رەسپۋبليكاسى كودەكسiنiڭ 538-بابىنا سايكەس مەملەكەتتiك باج تولەۋ كۇنىنە بەلگىلەنگەن ايلىق ەسەپتىك كورسەتكىش مولشەرىنەن 50 پايىز­دى قۇرايدى. مەملەكەتتىك باج تولەمنىڭ مولشەرى مەن كۇنىن راستايتىن قۇجات (تۇبىرتەك) بەرەتىن قازاقستان رەسپۋبليكاسىنىڭ بانكتىك مەكەمەلەرى ارقىلى تولەنەدى. 8. كورسەتىلەتىن قىزمەتتى بەرۋشىنىڭ جۇمىس كەستەسى – دۇيسەنبiدەن باستاپ سەنبiنى قوسا العاندا (دۇيسەنبi – جۇما, ساعات 13-00-دەن 14-30-عا دەيiن تۇسكi اسقا ۇزiلiسپەن ساعات 9-00-دەن 18-00-گە دەيiن, سەنبiدە ساعات 9-00-دەن 13-00-گە دەيiن), دەمالىس – قازاقستان رەسپۋبليكاسىنىڭ ەڭبەك زاڭناماسىنا سايكەس جەكسەنبى جانە مەرەكە كۇندەرى. مەملەكەتتiك كورسەتىلەتىن قىزمەت الدىن الا جازىلۋسىز جانە جەدەلدەتىپ قىزمەت كورسەتۋسiز كەزەك تارتiبiمەن كورسەتىلەدى. 9. كورسەتىلەتىن قىزمەتتى الۋشى جەكە ءوتىنىش بىلدىرگەن كەزدە مەملەكەتتىك قىزمەت كورسەتۋگە قاجەتتى قۇجاتتار تىزبەسى: 1) كورسەتىلەتىن قىزمەتتى الۋشىنىڭ ۆيزالاردى ۇزارتۋ/بەرۋ تۋرالى جازباشا ءوتىنىشى; 2) شەتەلدىك پاسپورت نە ازاماتتىعى جوق ادامنىڭ كۋالىگى; 3) مەملەكەتتىك باجدى تولەگەنى تۋرالى تۇبىرتەك; 4) «G2» ساناتىنداعى ۆيزالاردى (ەمدەلۋگە) بەرۋ ءۇشىن - كورسەتىلەتىن قىزمەتتى الۋشىنى ستاتسيونارلىق جاعدايلاردا ەمدەۋ قاجەتتىلىگىن نە كورسەتىلەتىن قىزمەتتى الۋشىنىڭ جاقىن تۋىستارىنىڭ ستاتسيونارلىق ەمدەۋدە بولۋىن راستايتىن قازاقستان رەسپۋبليكاسىنىڭ مەديتسينالىق ۇيىمدارى بەرگەن قۇجاتتار قوسىمشا ۇسىنىلادى. «G2» ساناتىنداعى ۆيزالاردى ۇزارتۋ ءۇشىن دەنساۋلىق ساقتاۋ سالاسىنداعى ۋاكىلەتتى ورگاننىڭ نەمەسە ونىڭ وبلىستارداعى, استانا جانە الماتى قالالارىنداعى اۋماقتىق بولىمشەلەرىنىڭ جازباشا ءوتىنىشى ۇسىنىلادى; 5) «G4» ساناتىنداعى ۆيزالاردى بەرۋ ءۇشىن (قازاقستان رەسپۋبليكاسىندا تۇراقتى تۇراتىن كامەلەتكە تولماعان جانە شەتەلگە ۋاقىتشا شىعۋعا نيەت بىلدىرگەن شەتەلدىكتەرگە) قازاقستان رەسپۋبليكاسى ازاماتتارىنىڭ, قازاقستان رەسپۋبليكاسىندا تۇراقتى تۇراتىن شەتەلدىكتەر مەن ازاماتتىعى جوق ادامداردىڭ – ولاردىڭ اتا-انالارىنىڭ (قامقورشىلاردىڭ, قورعانشىلاردىڭ) وتىنىشتەرى قوسىمشا ۇسىنىلادى; 6) «J3» ساناتىنداعى ۆيزالاردى بەرۋ ءۇشىن (تۇراقتى تۇرۋعا – ىشكى ىستەر ورگاندارى بەرەتىن «J3» ساناتىنداعى ۆيزالاردى ەتنيكالىق قازاقتارعا جانە وسى مەملەكەتتىك كورسەتىلەتىن قىزمەت ستاندارتىنا 1-قوسىمشادا كورسەتىلگەن مەملەكەتتەردىڭ ازاماتتارىنا) قوسىمشا ۇسىنىلادى: قازاقستان رەسپۋبليكاسىندا تۇراقتى تۇرۋعا قالدىرۋ تۋرالى قۇجاتتاردى تاپسىرعانىن راستايتىن ىشكى ىستەر ورگاندارىنىڭ انىقتاماسى; ەتنيكالىق قازاقتارعا – ولاردىڭ ۇلتتىق تيەسىلىگىن راستايتىن قۇجاتتار قوسىمشا ۇسىنىلادى; 7) «D8» ساناتىنداعى ۆيزالاردى ۇزارتۋ ءۇشىن قازاقستان رەسپۋبليكاسى قورعانىس مينيسترلىگىنىڭ جازباشا ءوتىنىشى قوسىمشا ۇسىنىلادى; 8) «ە1», «ە2», «ە3» (ميسسيونەرلىك) ساناتتارىنداعى ۆيزالاردى ۇزارتۋ ءۇشىن - ءدىني قىزمەت سالاسىندا مەملەكەتتىك رەتتەۋدى جۇزەگە اسىراتىن ۋاكىلەتتى ورگانمەن كەلىسىلگەن, قازاقستان رەسپۋبليكاسىنىڭ اۋماعىندا تىركەلگەن ءدىني بىرلەستىكتىڭ جازباشا ءوتىنىشى قوسىمشا ۇسىنىلادى; 9) «K1», «K2», «K3» (وتباسىن بىرىكتىرۋگە) ساناتتارىنداعى ۆيزالاردى ۇزارتۋ ءۇشىن وسى ساناتتاعى باستاپقى ۆيزانى بەرگەن قازاقستان رەسپۋبليكاسى سىرتقى ىستەر مينيسترلىگىنىڭ شەت ەلدەردەگى مەكەمەلەرىنىڭ ءوتىنىشى نەگىزىندە شاقىرۋشى تاراپتىڭ جازباشا ءوتىنىشى قوسىمشا ۇسىنىلادى; 10) «L1», «L2» (وقۋعا) ساناتتارىنداعى ۆيزالاردى ۇزارتۋ ءۇشىن كورسەتىلەتىن قىزمەتتى الۋشى وقىپ جۇرگەن قازاقستان رەسپۋبليكاسىندا تىركەلگەن ءبىلىم بەرۋ نەمەسە وقۋ ورىندارى ماسەلەلەرى جونىندەگى ۋاكىلەتتى ورگاننىڭ نە حالىقارالىق ۇيىمنىڭ زاڭدى تۇلعاسىنىڭ, كورسەتىلەتىن قىزمەتتى الۋشى وقۋ پراكتيكاسىنان نەمەسە تاعىلىمدامادان ءوتىپ جاتقان قازاقستان رەسپۋبليكاسىندا اككرەديتتەلگەن ونىڭ وكىلدىگىنىڭ جازباشا ءوتىنىشى قوسىمشا ۇسىنىلادى; 11) «M1» (جۇمىسقا) ساناتىنداعى ۆيزالاردى ۇزارتۋ ءۇشىن مىنالار قوسىمشا ۇسىنىلادى: وسى ساناتتاعى باستاپقى ۆيزانى بەرگەن قازاقستان رەسپۋبليكاسى سىرتقى ىستەر مينيسترلىگىنىڭ شەت ەلدەردەگى مەكەمەلەرىنىڭ ءوتىنىشى نەگىزىندە شاقىرۋشى تاراپتىڭ جازباشا ءوتىنىشى; جۇمىسقا ورنالاستىرۋعا نەمەسە شەتەلدىك جۇمىس كۇشىن تارتۋعا رۇقسات, ەگەر مۇنداي رۇقسات «قازاقستان رەسپۋبليكاسىنا شەتەلدىك جۇمىس كۇشىن تارتۋعا ارنالعان كۆوتانى بەلگىلەۋ قاعيدالارى» تۋرالى قازاقستان رەسپۋبليكاسى ۇكىمەتىنىڭ 2012 جىلعى 13 قاڭتارداعى № 45 قاۋلىسىنا سايكەس تالاپ ەتىلەتىن بولسا; 12) «م2» («م1» ساناتىنداعى ۆيزاسى بار ادامداردىڭ اسىراۋىنداعى وتباسى مۇشەلەرىنە) ساناتىنداعى ۆيزانى ۇزارتۋ ءۇشىن قوسىمشا: وسى ساناتتاعى باستاپقى ۆيزانى بەرگەن قازاقستان رەسپۋبليكاسى سىرتقى ىستەر مينيسترلىگىنىڭ شەت ەلدەردەگى مەكەمەلەرىنىڭ ءوتىنىشى نەگىزىندە شاقىرۋشى تاراپتىڭ جازباشا ءوتىنىشى; اسىراۋىندا كورسەتىلەتىن قىزمەتتى الۋشى بار ادامعا بەرىلگەن نەمەسە ۇزارتىلعان «M1» ساناتىنداعى ۆيزالاردىڭ كوشىرمەسى قوسىمشا ۇسىنىلادى; 13) «ر1» ساناتىنداعى ۆيزالاردى (قازاقستان رەسپۋبليكاسىنان تىس جەرگە تۇراقتى تۇرۋعا شىققان كەزدە قازاقستان رەسپۋبليكاسىندا تۇراقتى تۇراتىن شەتەلدىكتەر مەن ازاماتتىعى جوق ادامدارعا) بەرۋ ءۇشىن قوسىمشا: ءوتىنىش-ساۋالناما; شىعاتىنداردان زاڭ بويىنشا اليمەنتتەر الۋعا قۇقىعى بار قازاقستان رەسپۋبليكاسىندا تۇراتىن ادامداردان (اتا-اناسى جانە ەگەر بىرلەسكەن نەكەدەن كامەلەتكە تولماعان بالالارى بولسا, بۇرىنعى جۇبايلارى) ولاردىڭ شىعۋىنا قارسىلىعى جوق ەكەنى تۋرالى نوتاريات كۋالاندىرعان ءوتىنىش. كورسەتىلەتىن قىزمەتتى الۋشى قانداي دا ءبىر سەبەپتەرمەن مۇنداي وتىنىشتەردى الا الماعان جاعدايلاردا ماسەلە سوت تارتىبىمەن شەشىلەدى; ون سەگىز جاسقا تولماعان ادامداردىڭ اتا-اناسىنىڭ (قامقورشىسىنىڭ, قورعانشىسىنىڭ) بىرەۋىمەن شەتەلدىكپەن نەمەسە ازاماتتىعى جوق اداممەن تۇرعىلىقتى تۇرۋعا بىرگە شىعۋى كەزىندە – قازاقستان رەسپۋبليكاسىندا تۇراتىن ەكىنشى اتا-اناسىنىڭ نوتاريات كۋالاندىرعان كەلىسىمى. كەلىسىمى بولماعان كەزدە كامەلەتكە تولماعان بالانىڭ شىعۋى سوت تارتىبىمەن شەشىلۋى مۇمكىن; 14) «ر7» ساناتىنداعى ۆيزالاردى (فورس-ماجورلى جاعدايلارعا بايلانىستى ۆيزانىڭ جارامدىلىق مەرزىمى نەمەسە ۆيزاسىز بولۋعا رۇقسات ەتىلگەن مەرزىم اياقتالعانعا دەيىن شىقپاعان شەتەلدىكتەرگە) بەرۋ ءۇشىن فورس-ماجورلىق جاعدايلاردىڭ باستالعانىن, پويىزدىڭ ءجۇرۋىن نەمەسە وزگە دە كولىك قۇرالىنىڭ كەشىگۋىن نەمەسە رەيستىڭ توقتاتىلۋىن راستايتىن قوسىمشا قۇجاتتار ۇسىنىلادى; 15) «ر8» ساناتىنداعى ۆيزالاردى (قازاقستان رەسپۋبليكاسىنىڭ اۋماعىندا اۋىر نەمەسە وتە اۋىر قىلمىستار جاساعان شەتەلدىكتەرگە قاتىستى) بەرۋ ءۇشىن قىلمىستىق قۋدالاۋ ورگانى بەرگەن ءوتىنىشتى تىركەۋ تۋرالى حابارلاما-تالونى قوسىمشا ۇسىنىلادى. «ر8» ساناتىنداعى ۆيزالاردى ۇزارتۋ ءۇشىن الدىن الا تەرگەۋدى جۇزەگە اسىراتىن ورگاننىڭ نە قىلمىستىق ءىس قارالىپ جاتقان سوتتىڭ جازباشا ءوتىنىشى ۇسىنىلادى. 16) «ر2», «ر3», «ر4», «ر5» ساناتتارىنداعى ۆيزالار شەتەلدىكتىڭ قازاقستان رەسپۋبليكاسىندا ودان ءارى بولۋى ءۇشىن نەگىزدەردىڭ جوق ەكەندىگى تۋرالى ىشكى ىستەر ورگاندارى قورىتىندىسىنىڭ نەگىزىندە بەرىلەدى. بۇل رەتتە وسى تارماقتىڭ 1) تارماقشاسىندا كورسەتىلگەن قۇجات تالاپ ەتىلمەيدى; 17) «ر6» ساناتىنداعى ۆيزالار قازاقستان رەسپۋبليكاسى ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ وتىنىشتەرى نەگىزىندە بەرىلەدى. بۇل رەتتە وسى تارماقتىڭ 1) تارماقشاسىندا كورسەتىلگەن قۇجات تالاپ ەتىلمەيدى. بارلىق قۇجاتتار قابىلدانعاننان كەيىن كورسەتىلەتىن قىزمەتتى الۋشىعا وسى مەملەكەتتىك كورسەتىلەتىن قىزمەت ستاندارتىنا 3-قوسىمشاعا سايكەس نىسان بويىنشا قۇجاتتاردىڭ قابىلدانعانى تۋرالى قولحات بەرىلەدى. 10. شىعۋ ۆيزالارىن بەرۋ بويىنشا كورسەتىلەتىن قىزمەتتى الۋشىعا مەملەكەتتىك قىزمەتتى كورسەتۋدەن باس تارتۋ ءۇشىن نەگىزدەر: 1) ەگەر ونى قىلمىستىق جاۋاپتىلىققا تارتۋ ءۇشىن نەگىزدەر بولسا – ءىس بويىنشا ءىس جۇرگىزۋ اياقتالعانعا دەيىن; 2) ەگەر ول قىلمىس جاساعانى ءۇشىن سوتتالسا – جازاسىن وتەگەنگە دەيىن نەمەسە جازادان بوساتىلعانعا دەيىن; 3) ەگەر ول سوتتىڭ وعان جۇكتەگەن مىندەتتەمەلەرىن ورىنداۋدان جالتارسا – مىندەتتەمەلەر ورىندالعانعا دەيىن. 3. مەملەكەتتىك قىزمەتتى كورسەتۋ ماسەلەلەرى بويىنشا كورسەتىلەتىن قىزمەتتى بەرۋشىنىڭ شەشىمدەرىنە, ارەكەتتەرىنە (ارەكەتسىزدىگىنە) شاعىمدانۋ ءتارتىبى 11. كورسەتىلەتىن قىزمەتتى بەرۋشىنىڭ شەشىمدەرىنە, ارەكەتتەرىنە (ارەكەتسىزدىگىنە) شاعىمدانعان جاعدايدا, شاعىم مەملەكەتتىك كورسەتىلەتىن قىزمەت ستاندارتىنىڭ 14-تارماعىندا كورسەتىلگەن مەكەنجاي بويىنشا كورسەتىلەتىن قىزمەتتى بەرۋشى باسشىسىنىڭ اتىنا نە مىنا مەكەنجاي بويىنشا مينيسترلىك باسشىسىنىڭ اتىنا بەرىلەدى: 010000, استانا قالاسى, تاۋەلسىزدىك داڭعىلى 1, تەلەفون: 8 (7172) 71-40-33, 71-40-03. شاعىم پوشتا ارقىلى جازباشا نىساندا نەمەسە قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا ەلەكتروندىق تۇردە نە كورسەتىلەتىن قىزمەتتى بەرۋشىنىڭ نەمەسە مينيسترلىكتىڭ كەڭسەسى ارقىلى جۇمىس كۇندەرى قولما قول قابىلدانادى. قابىلدانعان شاعىم ىشكى ىستەر ورگاندارىنىڭ جەكە جانە زاڭدى تۇلعالاردىڭ شاعىمدارى مەن وتىنىشتەرىن ەسەپكە الۋ جۋرنالىندا تىركەلەدى. شاعىمنىڭ قابىلدانعانىن راستايتىن قۇجات كۇنى مەن ۋاقىتى, وتىنىشتى/شاعىمدى قابىلداعان ادامنىڭ تەگى جانە اتى-ءجونى, سونداي-اق بەرىلگەن شاعىمعا جاۋاپ الۋ مەرزىمى مەن ورنى جانە شاعىمدى قاراۋ بارىسى تۋرالى بىلۋگە بولاتىن لاۋازىمدى ادامداردىڭ بايلانىس دەرەكتەرى كورسەتىلگەن تالون بولىپ تابىلادى. كورسەتىلەتىن قىزمەتتى الۋشىنىڭ شاعىمىندا: جەكە تۇلعا – ونىڭ تەگى, اتى, اكەسىنىڭ اتى, پوشتالىق مەكەنجايى; زاڭدى تۇلعا – ونىڭ اتاۋى, پوشتالىق مەكەنجايى, شىعىس ءنومىرى جانە كۇنى كورسەتىلەدى. وتىنىشكە كورسەتىلەتىن قىزمەتتى الۋشى قول قويۋعا ءتيىس. كورسەتىلەتىن قىزمەتتى بەرۋشىنىڭ اتىنا كەلىپ تۇسكەن كورسەتىلەتىن قىزمەتتى الۋشىنىڭ شاعىمى ونى تىركەگەن كۇننەن باستاپ بەس جۇمىس كۇنى ىشىندە قارالۋعا جاتادى. شاعىمدى قاراۋ ناتيجەلەرى تۋرالى دالەلدى جاۋاپ كورسەتىلەتىن قىزمەتتى الۋشىعا پوشتا بويىنشا جولدانادى نە كورسەتىلەتىن قىزمەتتى بەرۋشىنىڭ كەڭسەسىندە قولما قول بەرىلەدى. كورسەتىلگەن مەملەكەتتىك قىزمەتتىڭ ناتيجەلەرىمەن كەلىسپەگەن جاعدايدا كورسەتىلەتىن قىزمەتتى الۋشى مەملەكەتتىك كورسەتىلەتىن قىزمەتتەردىڭ ساپاسىن باعالاۋ جانە باقىلاۋ جونىندەگى ۋاكىلەتتى ورگانعا شاعىممەن جۇگىنە الادى. مەملەكەتتىك كورسەتىلەتىن قىزمەتتىڭ ساپاسىن باعالاۋ جانە باقىلاۋ جونىندەگى ۋاكىلەتتى ورگاننىڭ اتىنا كەلىپ تۇسكەن كورسەتىلەتىن قىزمەتتى الۋشىنىڭ شاعىمى ونى تىركەگەن كۇننەن باستاپ ون بەس جۇمىس كۇنى ىشىندە قارالادى. 12. كورسەتىلگەن مەملەكەتتىك قىزمەتتىڭ ناتيجەلەرىمەن كەلىسپەگەن جاعدايلاردا كورسەتىلەتىن قىزمەتتى الۋشىنىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن سوتقا جۇگىنۋگە قۇقىعى بار. 4. مەملەكەتتىك قىزمەت كورسەتۋدىڭ ەرەكشەلىكتەرى ەسكەرىلگەن وزگە دە تالاپتار 13. دەنساۋلىق جاعدايىنا بايلانىستى كورسەتىلەتىن قىزمەتتى بەرۋشىگە جەكە ءوزى كەلۋىنە مۇمكىندىگى جوق كورسەتىلەتىن قىزمەتتى الۋشىلاردان مەملەكەتتىك قىزمەت كورسەتۋ ءۇشىن قاجەتتى قۇجاتتاردى قابىلداۋ جانە قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە شىعۋ ءۇشىن قۇجاتتار بەرۋ كورسەتىلەتىن قىزمەتتى الۋشىنىڭ تۇرعىلىقتى جەرىنە بارىپ جۇرگىزىلەدى. 14. مەملەكەتتiك قىزمەت كورسەتۋ ورىندارىنىڭ مەكەنجايلارى مينيسترلىكتىڭ mvd.gov.kz ينتەرنەت-رەسۋرسىندا ورنالاستىرىلادى. 15. كورسەتىلەتىن قىزمەتتى الۋشىنىڭ مەملەكەتتىك قىزمەت كورسەتۋ ءتارتىبى مەن مارتەبەسى تۋرالى اقپاراتتى مەملەكەتتىك قىزمەت كورسەتۋ ماسەلەلەرى بويىنشا بىرىڭعاي بايلانىس-ورتالىعى ارقىلى قاشىقتىقتان قولجەتىمدىلىك رەجيمىندە الۋعا مۇمكىندىگى بار. 16. مەملەكەتتىك قىزمەت كورسەتۋ ءتارتىبى تۋرالى اقپاراتتى بىرىڭعاي بايلانىس ورتالىعىنىڭ 1414 تەلەفونى بويىنشا, مينيسترلىكتىڭ mvd.gov.kz ينتەرنەت-رەسۋرسىندا كورسەتىلگەن كورسەتىلەتىن قىزمەتتى بەرۋشىلەردىڭ تەلەفوندارى بويىنشا نە مينيسترلىكتىڭ 8 (7172) 71-56-08, 71-44-98 تەلەفوندارى بويىنشا الۋعا بولادى. «شىعۋ ۆيزالارىن ۇزارتۋ جانە بەرۋ» مەملەكەتتىك كورسەتىلەتىن قىزمەت ستاندارتىنا 1-قوسىمشا ازاماتتارعا «J3» ساناتىنداعى ۆيزالاردى ىشكى ىستەر ورگاندارى بەرەتىن مەملەكەتتەر ءتىزىمى 1) اۆستراليا 2) اۆستريا رەسپۋبليكاسى 3) امەريكا قۇراما شتاتتارى 4) بەلگيا كورولدىگى 5) بىرىككەن اراب امىرلىكتەرى 6) بولگاريا رەسپۋبليكاسى 7) برازيليا فەدەراتيۆتىك رەسپۋبليكاسى 8) گەرمانيا فەدەراتيۆتىك رەسپۋبليكاسى 9) گرەك رەسپۋبليكاسى 10) دانيا كورولدىگى 11) جاڭا زەلانديا 12) جاپونيا 13) يزرايل مەملەكەتى 14) يوردان حاشيميت كورولدىگى 15) يرلانديا رەسپۋبليكاسى 16) يسلانديا رەسپۋبليكاسى 17) يسپانيا كورولدىگى 18) يتاليا رەسپۋبليكاسى 19) كانادا 20) كاتار مەملەكەتى 21) كيپر رەسپۋبليكاسى 22) كورەيا رەسپۋبليكاسى 23) لاتۆيا رەسپۋبليكاسى 24) ليتۆا رەسپۋبليكاسى 25) ليحتەنشتەين كنيازدىگى 26) ليۋكسەمبۋرگ ۇلى گەرتسوگتىگى 27) ۆەنگريا رەسپۋبليكاسى 28) مالايزيا فەدەراتسياسى 29) مالتا رەسپۋبليكاسى 30) موناكو كنيازدىگى 31) نيدەرلاندى كورولدىگى 32) نورۆەگيا كورولدىگى 33) ومان سۇلتاندىعى 34) پولشا رەسپۋبليكاسى 35) پورتۋگاليا رەسپۋبليكاسى 36) رۋمىنيا 37) ساۋد ارابياسى كورولدىگى 38) سينگاپۋر رەسپۋبليكاسى 39) سلوۆاك رەسپۋبليكاسى 40) سلوۆەنيا رەسپۋبليكاسى 41) ۇلىبريتانيا جانە سولتۇستىك يرلانديا قۇراما كورولدىگى 42) فينليانديا رەسپۋبليكاسى 43) فرانتسۋز رەسپۋبليكاسى 44) حورۆاتيا رەسپۋبليكاسى 45) چەح رەسپۋبليكاسى 46) شۆەيتساريا كونفەدەراتسياسى 47) شۆەتسيا كورولدىگى 48) ەستون رەسپۋبليكاسى «شىعۋ ۆيزالارىن ۇزارتۋ جانە بەرۋ» مەملەكەتتىك كورسەتىلەتىن قىزمەت ستاندارتىنا 2-قوسىمشا كورسەتىلەتىن قىزمەتتى الۋشىدان قۇجاتتاردى قابىلداۋ تۋرالى قولحات وسى قولحات______________________________________ (ت.ا.ءا. كورسەتىلسىن) بەرىلدى جانە «شىعۋ ۆيزالارىن ۇزارتۋ جانە بەرۋ» مەملەكەتتىك كورسەتىلەتىن قىزمەت ستاندارتىمەن بەكىتىلگەن تىزبەگە سايكەس ______________ ساناتىنداعى ۆيزانى بەرۋ/ۇزارتۋ ءۇشىن قۇجاتتار قابىلداعانىن راستايدى. وسى قولحات ءاربىر تاراپ ءۇشىن ءبىر-بىردەن 2 دانادا جاسالدى. ورىنداۋشى: ت.ا.ءا. _____________________ تەلەفونى ___________________ الدىم: ت.ا.ءا. ____________ كورسەتىلەتىن قىزمەتتى الۋشىنىڭ قولى 20 ___ جىلعى «_____»__________