قازاقستان رەسپۋبليكاسى ۇكىمەتىنىڭ قاۋلىسى №54

2014 جىلعى 4 اقپان استانا, ۇكىمەت ءۇيى «قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەۋ» مەملەكەتتىك كورسەتىلەتىن قىزمەت ستاندارتىن بەكىتۋ جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى «مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 6-بابىنىڭ 3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان «قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەۋ» مەملەكەتتىك كورسەتىلەتىن قىزمەت ستاندارتى بەكىتىلسىن. 2. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىستەر مەن تولىقتىرۋلار ەنگىزىلسىن: 1) «قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 28 ناۋرىزداعى № 361 قاۋلىسىندا (قازاقستان رەسپۋبليكاسىنىڭ ءپۇاج-ى, 2012 ج., № 37, 508-قۇجات): كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەۋ قاعيدالارىندا: 5-تارماق مىناداي رەداكتسيادا جازىلسىن: «5. قازاقستان رەسپۋبليكاسىنان تۇراقتى تۇرعىلىقتى جەرگە كەتۋ ىشكى ىستەر ورگاندارى شىعۋعا ارنالعان قۇجاتتاردى رەسىمدەگەننەن كەيىن جۇزەگە اسىرىلادى.»; 7-تارماقتا: ءبىرىنشى ابزاتس مىناداي رەداكتسيادا جازىلسىن: «7. قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋ ءۇشiن قازاقستان رەسپۋبليكاسى ازاماتتارىنىڭ وزدەرi نەمەسە ولاردىڭ زاڭدى وكiلدەرi تۇرعىلىقتى جەرى بويىنشا ىشكى ىستەر ورگاندارىنا مىناداي قۇجاتتاردى ۇسىنادى:»; مىناداي مازمۇنداعى 7) تارماقشامەن تولىقتىرىلسىن: «7) بيۋدجەتكە مەملەكەتتiك باجدىڭ تولەنگەنiن راستايتىن قۇجاتتىڭ كوشiرمەسi. كەتۋ جونىندە ءوتىنىش بىلدىرگەن ادامنىڭ ءوتىنىشى بويىنشا وسى تارماقتىڭ 3) جانە 6) تارماقشالارىندا كورسەتىلگەن ادامداردا قازاقستان رەسپۋبليكاسىنىڭ اۋماعىندا تىركەۋدىڭ جوق ەكەنى تۋرالى اقپارات «جەكە تۇلعالار» مەملەكەتتىك دەرەكتەر قورى مالىمەتتەرىنىڭ نەگىزىندە ۇسىنىلادى.»; 8-تارماق مىناداي رەداكتسيادا جازىلسىن: «8 ءوتىنىش بەرۋشىنىڭ تۇراقتى تۇرعىلىقتى جەرى بويىنشا ىشكى ىستەر ورگاندارى قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋ تۋرالى ءوتiنiش بiلدiرگەن ازاماتتاردا قازاقستان رەسپۋبليكاسىنىڭ شەگىنەن تىس كەتۋىنە باس تارتۋ ءۇشىن نەگiزدەردiڭ جوق ەكەندىگىنە تەكسەرۋ جۇرگiزەدi. مۇددەلi مەملەكەتتiك ورگاندار قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋ تۋرالى ءوتiنiش بiلدiرگەن ازاماتتارعا قاتىستى ىشكى ىستەر ورگاندارىنىڭ سۇراۋ سالۋلارىن مەملەكەتتىك ورگاندارعا سۇراۋ سالۋ تۇسكەن ساتتەن باستاپ كۇنتىزبەلىك ون كۇن ىشىندە قارايدى.»; 9-تارماقتىڭ ەكىنشى بولىگى مىناداي رەداكتسيادا جازىلسىن: «قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتەتىن قازاقستان رەسپۋبليكاسىنىڭ ازاماتتارىنا ولاردىڭ جاسىنا قاراماستان, قازاقستان رەسپۋبليكاسى ازاماتىنىڭ پاسپورتى رەسىمدەلەدى. ولاردىڭ جەكە كۋالىكتەرى قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەگەن ىشكى ىستەر ورگانىنا تاپسىرىلادى.»; 10-تارماقتىڭ توعىزىنشى بولىگى مىناداي رەداكتسيادا جازىلسىن: «قازاقستان رەسپۋبليكاسىنىڭ شەت ەلدەردەگى مەكەمەلەرى قۇجاتتار قوسا بەرىلگەن ءوتىنىشتى قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەۋ ءۇشىن ءوتىنىش بەرۋشىنىڭ قازاقستان رەسپۋبليكاسىنداعى سوڭعى تىركەلگەن جەرى بويىنشا ۋاكىلەتتى ورگانعا جىبەرەدى. ىشكى ىستەر ورگانى كەلىپ تۇسكەن قۇجاتتاردى قارايدى جانە ءوتىنىش بەرگەن ساتتە قازاقستان رەسپۋبليكاسىنىڭ اۋماعىندا ءوتىنىش بەرۋشىنىڭ تۇراقتى تىركەۋىنىڭ بولۋىنا قاراماستان, قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە رۇقساتتى رەسىمدەۋ تۋرالى شەشىم قابىلدايدى.»; 2) «كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىن جانە كوشى-قون باقىلاۋىن جۇزەگە اسىرۋ, سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىندا (قازاقستان رەسپۋبليكاسىنىڭ ءپۇاج-ى, 2012 ج., № 29, 388-قۇجات): كورسەتىلگەن قاۋلىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىندا: 14-تارماق مىناداي رەداكتسيادا جازىلسىن: «14. بيزنەس-كوشىپ كەلۋشىلەر قازاقستان رەسپۋبليكاسىنىڭ زاڭىندا بەلگىلەنگەن مىندەتتەردى ورىنداماعان جاعدايدا, ىشكى ىستەر ورگاندارى جەرگىلىكتى اتقارۋشى ورگانداردىڭ ءوتىنىش حاتى نەگىزىندە بيزنەس-كوشىپ كەلۋشىلەردىڭ بولۋ مەرزىمىن قىسقارتۋ تۋرالى شەشىم قابىلدايدى.»; 3) «ىشكى كوشىپ-قونۋشىلاردى تىركەۋ قاعيدالارىن بەكىتۋ جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 1 جەلتوقسانداعى № 1427 قاۋلىسىندا (قازاقستان رەسپۋبليكاسىنىڭ ءپۇاج-ى, 2012 ج., № 5, 93-قۇجات): كورسەتىلگەن قاۋلىمەن بەكىتىلگەن ىشكى كوشىپ-قونۋشىلاردى تىركەۋ قاعيدالارىندا: 2-تارماقتىڭ 2) تارماقشاسى مىناداي رەداكتسيادا جازىلسىن: «2) ۋاكىلەتتى ورگان (بۇدان ءارى – ۋاكىلەتتى ورگان) – ىشكى كوشىپ-قونۋشىلاردى تۇرعىلىقتى جەرى بويىنشا ەسەپكە الۋدى جانە تىركەۋدى جۇزەگە اسىراتىن مەملەكەتتىك ورگان;». 3. مىنالاردىڭ: 1) «قازاقستان رەسپۋبليكاسىنان تىس جەرلەرگە تۇراقتى تۇرۋعا شىعۋ ءۇشىن قۇجاتتار رەسىمدەۋ» مەملەكەتتىك قىزمەت ستاندارتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 28 اقپانداعى № 199 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2011 ج., № 22, 278-قۇجات); 2) «قازاقستان رەسپۋبليكاسىنان تىس جەرلەرگە تۇراقتى تۇرۋعا شىعۋ ءۇشىن قۇجاتتار رەسىمدەۋ» مەملەكەتتىك قىزمەت ستاندارتىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 28 اقپانداعى № 199 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسى ۇكىمەتىنىڭ 2013 جىلعى 21 قاڭتارداعى № 21 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2013 ج., № 1, 207-قۇجات) كۇشى جويىلدى دەپ تانىلسىن 4. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى      س. احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 4 اقپانداعى №54 قاۋلىسىمەن بەكىتىلگەن «قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى  جەرگە كەتۋگە ارنالعان قۇجاتتاردى رەسىمدەۋ» مەملەكەتتىك كورسەتىلەتىن قىزمەت  ستاندارتى 1. جالپى ەرەجەلەر 1. «قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەۋ» مەملەكەتتىك كورسەتىلەتىن قىزمەتى (بۇدان ءارى – مەملەكەتتىك كورسەتىلەتىن قىزمەت). 2. مەملەكەتتىك كورسەتىلەتىن قىزمەت ستاندارتىن قازاقستان رەسپۋبليكاسى ىشكى ىستەر مينيسترلىگى (بۇدان ءارى – مينيسترلىك) ازىرلەدى. 3. مەملەكەتتىك كورسەتىلەتىن قىزمەتتى مينيسترلىكتىڭ اۋماقتىق كوشى-قون پوليتسياسىنىڭ بولىمشەلەرى (بۇدان ءارى – كورسەتىلەتىن قىزمەتتى بەرۋشى) كورسەتىلەتىن قىزمەتتى الۋشىنىڭ تۇرعىلىقتى جەرى بويىنشا كورسەتەدى. 2. مەملەكەتتىك قىزمەت كورسەتۋ ءتارتىبى 4. مەملەكەتتىك قىزمەت كورسەتۋ مەرزىمدەرى: 1) كورسەتىلەتىن قىزمەتتى بەرۋشىگە قۇجاتتاردىڭ توپتاماسىن تاپسىرعان ساتتەن باستاپ – كۇنتىزبەلىك 30 (وتىز) كۇن; 2) قۇجاتتاردىڭ توپتاماسىن تاپسىرۋ ءۇشىن رۇقسات ەتىلەتىن ەڭ ۇزاق كۇتۋ ۋاقىتى – 30 (وتىز) مينۋت; 3) رۇقسات ەتىلەتىن ەڭ ۇزاق قىزمەت كورسەتۋ ۋاقىتى – 10 (ون) مينۋت. 5. كورسەتىلەتىن مەملەكەتتىك قىزمەتتىڭ نىسانى – قاعاز تۇرىندە. 6. مەملەكەتتىك كورسەتىلەتىن قىزمەت ناتيجەسى – كورسەتىلەتىن قىزمەتتى الۋشى پاسپورتىنىڭ ۆيزالار ءۇشiن كوزدەلگەن بەتتەرiندە بەلگiلەنگەن ۇلگiدەگi ءمورتابان قويۋ, ول ۆيزالىق مورمەن جانە مينيسترلىكتىڭ ىشكى ىستەر دەپارتامەنتى كوشi-قون پوليتسياسى باسقارماسى باستىعىنىڭ قول قويۋىمەن بەكiتiلەدى. 7. مەملەكەتتىك قىزمەت اقىلى كورسەتىلەدى. مەملەكەتتiك قىزمەت كورسەتiلگەنi ءۇشiن مەملەكەتتىك باج الىنادى, ول «سالىق جانە بيۋدجەتكە تولەنەتiن باسقا دا مiندەتتi تولەمدەر تۋرالى» (سالىق كودەكسi) 2008 جىلعى 10 جەلتوقسانداعى قازاقستان رەسپۋبليكاسى كودەكسiنiڭ 538-بابىنا سايكەس مەملەكەتتiك باج تولەۋ كۇنىنە بەلگiلەنگەن ايلىق ەسەپتiك كورسەتكiش مولشەرىنەن 100 پايىزدى قۇرايدى. مەملەكەتتiك باج قازاقستان رەسپۋبليكاسىنىڭ بانك مەكەمەلەرi ارقىلى تولەنەدi, ولار تولەمنiڭ مولشەرi مەن كۇنiن راستايتىن قۇجات (تۇبiرتەك) بەرەدى. 8. كورسەتىلەتىن قىزمەتتى بەرۋشىنىڭ جۇمىس كەستەسى – دۇيسەنبiدەن باستاپ سەنبiنى قوسا العاندا (دۇيسەنبi – جۇما, ساعات 13-00-دەن 14-30-عا دەيiن تۇسكi ۇزiلiسپەن ساعات 9-00-دەن 18-00-گە دەيiن, سەنبi ساعات 9-00-دەن 13-00-گە دەيiن), دەمالىس – قازاقستان رەسپۋبليكاسىنىڭ ەڭبەك زاڭناماسىنا سايكەس جەكسەنبى جانە مەرەكە كۇندەرى. مەملەكەتتiك كورسەتىلەتىن قىزمەت الدىن الا جازىلۋسىز جانە جەدەلدەتىپ قىزمەت كورسەتۋسiز كەزەك تارتiبiمەن كورسەتىلەدى. 9. كورسەتىلەتىن قىزمەتتى الۋشى (بالالار جانە سوت ارەكەتكە قابىلەتسىز دەپ تانىعان ازاماتتار, ولاردىڭ زاڭدى وكiلدەرi (اتا-اناسى, قامقورشىلارى, قورعانشىلارى ءۇشىن) جەكە ءوتىنىش بىلدىرگەن كەزدە مەملەكەتتىك قىزمەت كورسەتۋ ءۇشىن قاجەتتى قۇجاتتار تىزبەسى: 1) ءوتiنiش-ساۋالناما; 2) كورسەتىلەتىن قىزمەتتى الۋشىنىڭ جەكە كۋالiگi, پاسپورتى, ون التى جاسقا تولماعان بالالاردىڭ تۋ تۋرالى كۋالىگى; 3) كەتەتىن ادامداردان زاڭ بويىنشا اليمەنتتەر الۋعا قۇقىعى بار قازاقستان رەسپۋبليكاسىندا تۇراتىن ادامداردان (اتا-اناسى جانە ەگەر بiرلەسكەن نەكەدەن كامەلەتكە تولماعان بالالارى بولسا, بۇرىنعى جۇبايلارى) ولاردىڭ شىعۋىنا قارسىلىعى جوق ەكەنi تۋرالى نوتاريات كۋالاندىرعان ءوتiنiش. كورسەتىلەتىن قىزمەتتى الۋشى قانداي دا بiر سەبەپتەرمەن مۇنداي وتiنiشتەردi الا الماعان جاعدايلاردا ماسەلە سوت تارتiبiمەن شەشiلەدi; 4) اسكەري ەسەپتەن شىعارىلعانى جانە اسكەري بيلەتiن تاپسىرعانى تۋرالى انىقتاما; 5) ون جاسقا تولعان بالانىڭ اتا-اناسىمەن نە وزگە دە زاڭدى وكiلدەرىمەن كەتۋى تۋرالى شەشiم قابىلداۋ كەزiندە ونىڭ پiكiرiن ەسەپكە الۋ تۋرالى قامقورشىلىق جانە قورعانشىلىق ورگاندارىنىڭ قورىتىندىسى; 6) ون سەگىز جاسقا تولماعان قازاقستان رەسپۋبليكاسى ازاماتتارىنىڭ اتا-اناسىنىڭ (قامقورشىسىنىڭ, قورعانشىسىنىڭ) بiرiمەن تۇراقتى تۇرعىلىقتى جەرگە بiرگە شىعۋى كەزiندە – قازاقستان رەسپۋبليكاسىنىڭ اۋماعىندا تۇراتىن ەكiنشi اتا-اناسىنىڭ نوتاريات كۋالاندىرعان كەلiسiمi. اتا-اناسىنىڭ بiرiنiڭ كەلiسiمi بولماعان كەزدە كامەلەتكە تولماعان بالانىڭ شىعۋى سوت تارتiبiمەن شەشiلۋi مۇمكiن; 7) بيۋدجەتكە مەملەكەتتiك باج تولەگەنiن راستايتىن قۇجاتتىڭ كوشiرمەسى. كورسەتىلەتىن قىزمەتتى الۋشىنىڭ ءوتiنiشi بويىنشا وسى تارماقتىڭ 3) جانە 6) تارماقشالارىندا كورسەتiلگەن ادامداردىڭ قازاقستان رەسپۋبليكاسىنىڭ اۋماعىندا تiركەۋi جوق ەكەنi تۋرالى اقپاراتتى «جەكە تۇلعالار» مەملەكەتتiك دەرەكتەر قورىنىڭ مالiمەتتەرi نەگiزiندە كورسەتىلەتىن قىزمەتتى بەرۋشى ۇسىنادى. بارلىق قۇجاتتار قابىلدانعاننان كەيىن كورسەتىلەتىن قىزمەتتى الۋشىعا وسى مەملەكەتتىك كورسەتىلەتىن قىزمەت ستاندارتىنىڭ قوسىمشاعا سايكەس نىسان بويىنشا كورسەتىلەتىن قىزمەتتى الۋشىدان قۇجاتتاردى قابىلداۋ تۋرالى قولحات بەرىلەدى. بۇل رەتتە ولاردىڭ جەكە تۇلعالارى كۋالاندىرىلعاننان كەيىن كورسەتىلەتىن قىزمەتتى الۋشىنىڭ جەكە كۋالىگى, پاسپورتى, ون التى جاسقا تولماعان بالالاردىڭ تۋ تۋرالى كۋالىكتەرى قايتارىلادى. مەملەكەتتىك كورسەتىلەتىن قىزمەتتىڭ ناتيجەسىن الۋ ءۇشىن كەلەتىن كۇنى كورسەتىلەتىن قىزمەتتى الۋشىعا ءوتىنىش-ساۋالنامادا كورسەتىلگەن بايلانىس تەلەفوندارى ارقىلى حابارلانادى. 10. ەگەر: 1) مەملەكەتتiك جانە زاڭمەن قورعالاتىن وزگە دە قۇپيانى قۇرايتىن مالiمەتتەردi بiلسە جانە ءوزiنiڭ قازاقستان رەسپۋبليكاسىنان تىس جەرلەرگە شىعۋ فاكتiسi تۋرالى تيiستi ۋاكiلەتتi ورگاندارعا حابارلاماسا – وسى ءمان-جايلاردىڭ قولدانىلۋى توقتاتىلعانعا دەيiن; 2) قىلمىس جاساعان دەگەن كۇدiكپەن ۇستالسا نە ايىپتالۋشى رەتiندە جاۋاپقا تارتىلسا – iس بويىنشا شەشiم شىعارىلعانعا نەمەسە سوت ۇكiمi زاڭدى كۇشiنە ەنگەنگە دەيiن; 3) قىلمىس جاساعانى ءۇشiن سوتتالسا – جازاسىن وتەگەنگە نەمەسە جازادان بوساتىلعانعا دەيiن; 4) وزiنە سوت جۇكتەگەن مiندەتتەردi ورىنداۋدان جالتارسا – وسى مiندەتتەمەلەر توقتاتىلعانعا دەيiن; 5) مەرزiمدi اسكەري قىزمەتiن وتكەرiپ جاتسا – وسى قىزمەتتi وتكەرۋ اياقتالعانعا دەيiن نەمەسە «اسكەري قىزمەت جانە اسكەري قىزمەتشiلەردiڭ مارتەبەسi تۋرالى» قازاقستان رەسپۋبليكاسىنىڭ زاڭىنا سايكەس ودان بوساتىلعانعا دەيiن; 6) قازاقستان رەسپۋبليكاسىنان شىعۋ ءۇشiن قۇجاتتاردى رەسiمدەۋ كەزiندە ءوزi تۋرالى كورiنەۋ جالعان مالiمەتتەر حابارلاسا – باس تارتۋ ءۇشiن نەگiز بولعان سەبەپتەردi جويعانعا جانە شىنايى مالiمەتتەر ۇسىنعانعا دەيiن; 7) ازاماتتىق سوت iسiن جۇرگiزۋدە جاۋاپكەر بولىپ تابىلسا – سوت شەشiمi زاڭدى كۇشiنە ەنگەنگە دەيiن; 8) سالىقتىق بەرەشەگi بولسا, وعان مەملەكەتتiك قىزمەتتi كورسەتۋدەن باس تارتۋ ءۇشىن نەگىزدەر بولىپ تابىلادى. 3. مەملەكەتتىك قىزمەت كورسەتۋ ماسەلەلەرى بويىنشا كورسەتىلەتىن قىزمەتتى بەرۋشىنىڭ شەشىمدەرىنە, ارەكەتتەرىنە (ارەكەتسىزدىگىنە) شاعىمدانۋ ءتارتىبى 11. كورسەتىلەتىن قىزمەتتى بەرۋشىنىڭ شەشىمدەرىنە, ارەكەتتەرىنە (ارەكەتسىزدىگىنە) شاعىمدانعان جاعدايدا, شاعىم مەملەكەتتىك كورسەتىلەتىن قىزمەت ستاندارتىنىڭ 14-تارماعىندا كورسەتىلگەن مەكەنجاي بويىنشا كورسەتىلەتىن قىزمەتتى بەرۋشى باسشىسىنىڭ اتىنا نە مىنا مەكەنجاي بويىنشا مينيسترلىك باسشىسىنىڭ اتىنا بەرىلەدى 010000, استانا قالاسى, تاۋەلسىزدىك داڭعىلى 1, تەلەفون: 8 (7172) 71-40-33, 71-40-03. شاعىم پوشتا ارقىلى جازباشا نىساندا نەمەسە قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا ەلەكتروندىق تۇردە نە كورسەتىلەتىن قىزمەتتى بەرۋشىنىڭ نەمەسە مينيسترلىكتىڭ كەڭسەسى ارقىلى جۇمىس كۇندەرى قولما قول بەرىلەدى. قابىلدانعان شاعىم ىشكى ىستەر ورگاندارىنىڭ جەكە جانە زاڭدى تۇلعالاردىڭ شاعىمدارى مەن وتىنىشتەرىن ەسەپكە الۋ جۋرنالىندا تىركەلەدى. شاعىمنىڭ قابىلدانعانىن راستايتىن قۇجات كۇنى مەن ۋاقىتى, وتىنىشتى/شاعىمدى قابىلداعان ادامنىڭ تەگى جانە اتى-ءجونى, سونداي-اق بەرىلگەن شاعىمعا جاۋاپ الۋ مەرزىمى مەن ورنى جانە شاعىمدى قاراۋ بارىسى تۋرالى بىلۋگە بولاتىن لاۋازىمدى ادامداردىڭ بايلانىس دەرەكتەرى كورسەتىلگەن تالون بولىپ تابىلادى. كورسەتىلەتىن قىزمەتتى الۋشىنىڭ شاعىمىندا: جەكە تۇلعا – ونىڭ تەگى, اتى, اكەسىنىڭ اتى, پوشتالىق مەكەنجايى; زاڭدى تۇلعا – ونىڭ اتاۋى, پوشتالىق مەكەنجايى, شىعىس ءنومىرى جانە كۇنى كورسەتىلەدى. وتىنىشكە كورسەتىلەتىن قىزمەتتى الۋشى قول قويۋعا ءتيىس. كورسەتىلەتىن قىزمەتتى بەرۋشىنىڭ اتىنا كەلىپ تۇسكەن كورسەتىلەتىن قىزمەتتى الۋشىنىڭ شاعىمى ونى تىركەگەن كۇننەن باستاپ بەس جۇمىس كۇنى ىشىندە قارالۋعا جاتادى. شاعىمدى قاراۋ ناتيجەلەرى تۋرالى دالەلدى جاۋاپ كورسەتىلەتىن قىزمەتتى الۋشىعا پوشتا بويىنشا جولدانادى نە كورسەتىلەتىن قىزمەتتى بەرۋشىنىڭ كەڭسەسىندە قولما قول بەرىلەدى. كورسەتىلگەن مەملەكەت قىزمەتتىڭ ناتيجەلەرىمەن كەلىسپەگەن جاعدايدا كورسەتىلەتىن قىزمەتتى الۋشى مەملەكەتتىك كورسەتىلەتىن قىزمەتتەردىڭ ساپاسىن باعالاۋ جانە باقىلاۋ جونىندەگى ۋاكىلەتتى ورگانعا شاعىممەن جۇگىنە الادى. مەملەكەتتىك كورسەتىلەتىن قىزمەتتىڭ ساپاسىن باعالاۋ جانە باقىلاۋ جونىندەگى ۋاكىلەتتى ورگاننىڭ اتىنا كەلىپ تۇسكەن كورسەتىلەتىن قىزمەتتى الۋشىنىڭ شاعىمى ونى تىركەگەن كۇننەن باستاپ ون بەس جۇمىس كۇنى ىشىندە قارالادى. 12. كورسەتىلگەن مەملەكەتتىك قىزمەتتىڭ ناتيجەلەرىمەن كەلىسپەگەن جاعدايلاردا, كورسەتىلەتىن قىزمەتتى الۋشىنىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن سوتقا جۇگىنۋگە قۇقىعى بار. 4. مەملەكەتتىك قىزمەتتى كورسەتۋدىڭ ەرەكشەلىكتەرى ەسكەرىلگەن وزگە دە تالاپتار 13. دەنساۋلىق جاعدايىنا بايلانىستى كورسەتىلەتىن قىزمەتتى بەرۋشىگە جەكە ءوزى كەلۋىنە مۇمكىندىگى جوق كورسەتىلەتىن قىزمەتتى الۋشىلاردان مەملەكەتتىك قىزمەت كورسەتۋ ءۇشىن قاجەتتى قۇجاتتاردى قابىلداۋ جانە قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە شىعۋ ءۇشىن قۇجاتتار بەرۋ كورسەتىلەتىن قىزمەتتى الۋشىنىڭ تۇرعىلىقتى جەرىنە بارىپ جۇرگىزىلەدى. 14. مەملەكەتتiك قىزمەت كورسەتۋ ورىندارىنىڭ مەكەنجايلارى مينيسترلىكتىڭ mvd.gov.kz ينتەرنەت-رەسۋرسىندا ورنالاستىرىلادى. 15. كورسەتىلەتىن قىزمەتتى الۋشىنىڭ مەملەكەتتىك قىزمەت كورسەتۋ ءتارتىبى مەن مارتەبەسى تۋرالى اقپاراتتى مەملەكەتتىك قىزمەت كورسەتۋ ماسەلەلەرى بويىنشا بىرىڭعاي بايلانىس-ورتالىعى ارقىلى قاشىقتىقتان قولجەتىمدىلىك رەجيمىندە الۋعا مۇمكىندىگى بار. 16. مەملەكەتتىك قىزمەت كورسەتۋ ءتارتىبى تۋرالى اقپاراتتى بىرىڭعاي بايلانىس ورتالىعىنىڭ 1414 تەلەفونى بويىنشا, مينيسترلىكتىڭ mvd.gov.kz ينتەرنەت-رەسۋرسىندا كورسەتىلگەن كورسەتىلەتىن قىزمەتتى بەرۋشىلەردىڭ تەلەفوندارى بويىنشا نە مينيسترلىكتىڭ 8 (7172) 71-56-08, 71-44-98 تەلەفوندارى بويىنشا الۋعا بولادى. «قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەۋ» مەملەكەتتىك كورسەتىلەتىن قىزمەت ستاندارتىنا  قوسىمشا كورسەتىلەتىن قىزمەتتى الۋشىدان قۇجاتتاردى قابىلداۋ تۋرالى قولحات وسى قولحات ____________________________________ (ت.ا.ءا. كورسەتىلسىن) بەرىلدى جانە «قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەۋ» مەملەكەتتىك كورسەتىلەتىن قىزمەت ستاندارتىمەن بەكىتىلگەن تىزبەگە سايكەس قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان رۇقساتتى رەسىمدەۋ ءۇشىن قۇجاتتاردىڭ قابىلدانعانىن راستايدى. وسى قولحات ءار تاراپ ءۇشىن ءبىر-بىردەن 2 دانادا جاسالدى. ورىنداۋشى: ت.ا.ءا. _____________________ تەلەفونى___________________ الدىم: ت.ا.ءا. _______________ كورسەتىلەتىن قىزمەت الۋشىنىڭ قولى 20 ___ جىلعى «_____»__________