ەلباسى نۇرسۇلتان نازارباەۆتىڭ قولداۋىمەن ورتا جانە جوعارى ءبىلىم بەرۋ مەكەمەلەرىنىڭ ماتەريالدىق-تەحنيكالىق بازاسى جىلدان-جىلعا نىعايىپ كەلەدى. ونىڭ ىشىندە شالعاي وڭىرلەردەگى كاسىپتىك ءبىلىم بەرۋ مەكەمەلەرىن دە ايتۋعا بولادى.
وتكەن اپتانىڭ سوڭى شەمونايحالىق شاكىرتتەر ءۇشىن شات-شادىمان قۋانىشپەن اياقتالدى. اۋدانداعى گۋمانيتارلىق-تەحنيكالىق كوللەدج ستۋدەنتتەرى ەندى بارلىق تالاپقا ساي كەلەتىن جاڭا عيماراتتا وقۋعا مۇمكىندىك الدى.
– مەملەكەت باسشىسى ەلىمىزدىڭ كوركەيۋىنە, وركەندەۋىنە ۇلەس قوسۋى ءۇشىن جاستاردىڭ ەڭ الدىمەن ساپالى بىلىمگە يە بولۋى قاجەتتىگىن ءجىتى نازاردا ۇستاپ, وعان بارلىق جاعدايدى جاساپ وتىر. ونىڭ ايقىن دالەلى – بۇگىنگى جاڭا دا جارىق وقۋ عيماراتىنىڭ شاكىرتتەردىڭ يگىلىگىنە بەرىلۋى, – دەدى ءوڭىر باسشىسى بەردىبەك ساپارباەۆ.
عيماراتتىڭ اشىلۋ سالتاناتىندا ايماق باسشىسى زاماناۋي ءبىلىم الۋعا مەملەكەت تاراپىنان بارلىق جاعداي جاسالىپ وتىرعانىن, «بولاشاق» باعدارلاماسى ارقىلى كوپتەگەن جاستار شەتەلدىڭ وزىق وقۋ ورىندارىندا ءبىلىم الىپ جاتقانىن, كوللەدج ستۋدەنتتەرىنىڭ دە ساپالى بىلىمگە ۇمتىلۋى قاجەتتىگىن اتاپ ءوتتى.
شەمونايحا اۋدانىنىڭ ورتالىعىندا ورنالاسقان كوللەدجدىڭ ءوڭىر جاستارىن ءبىلىم نارىمەن سۋسىنداتىپ كەلە جاتقانىنا ون جىلدان اسا ۋاقىت بولدى. 2002 جىلى قۇرىلعان كوللەدج قابىرعاسىندا شاكىرتتەر ون التى ماماندىق بويىنشا وقىتىلادى. ولاردىڭ باسىم بولىگى جوعارى سۇرانىسقا يە بولىپ سانالاتىن تەحنيكالىق قىزمەت كورسەتۋ سالاسىن يگەرىپ شىعادى.
جاڭا وقۋ عيماراتى مىڭ ادامعا ەسەپتەلگەن. وسىعان دەيىن ىسكە العىسىز بولىپ تۇرعان ەسكى ءۇيدى زامان تالابىنا ساي كۇردەلى جوندەۋدەن وتكىزۋگە بيۋدجەت تاراپىنان 180 ميلليون تەڭگە ءبولىنگەن ەكەن. وندا گەولوگيا, تاۋ-كەن ءىسى, اۆتوكولىك جوندەۋ, تەحنيكالىق قىزمەت كورسەتۋ, قۇرال-جابدىقتار, تەحنيكالىق ءتارتىپ, مۋلتيمەديالىق كابينەتتەر مەن ەلەكترشى, دانەكەرلەۋشى, اۆتوكولىك جوندەۋ, تەمىر جونۋ, قۇرىلىس شەبەرحانالارى, سونداي-اق, مۇراجاي, كىتاپحانا, ءماجىلىس زالى, اسحانا, ديزاين ستۋدياسى جانە سپورت زالى ورنالاسقان. عيماراتتىڭ بەسىنشى قاباتىندا 40 ستۋدەنتكە ارنالعان سىڭعىرلاعان زاماناۋي جاتاقحانا مەن جاس مامان-وقىتۋشىلارعا ارنالعان ءتورت پاتەر بار.
قازىرگى كەزدە كوللەدجدە 800-گە جۋىق ستۋدەنت ءبىلىم الادى, جەتپىسكە جۋىق ادام جۇمىسپەن قامتىلعان.
كوللەدج ديرەكتورى سۆەتلانا بۋدنەتسكايانىڭ ايتۋىنشا, تۇلەكتەر وقۋ ورنىنىڭ الەۋمەتتىك سەرىكتەسى بولىپ تابىلاتىن ءتۇرلى كاسىپورىنداردا وندىرىستىك تاجىريبەدەن ءوتىپ, جۇمىسقا ورنالاسۋ مۇمكىندىگىنە يە. ماسەلەن, تاۋ-كەن سالاسى بويىنشا كوللەدجدى بىتىرۋشىلەردىڭ 50 پايىزى «قازاقمىس» كورپوراتسياسىنا, 20 پايىزى نيكولاەۆسكي بايىتۋ فابريكاسىنا جانە باسقا دا گەولوگيالىق كەن ءوندىرۋ مەكەمەلەرىنە جۇمىسقا ورنالاسقان.
دۋمان اناش,
«ەگەمەن قازاقستان».
شىعىس قازاقستان وبلىسى,
شەمونايحا اۋدانى.
وتكەن اپتانىڭ سوڭى شەمونايحالىق شاكىرتتەر ءۇشىن شات-شادىمان قۋانىشپەن اياقتالدى. اۋدانداعى گۋمانيتارلىق-تەحنيكالىق كوللەدج ستۋدەنتتەرى ەندى بارلىق تالاپقا ساي كەلەتىن جاڭا عيماراتتا وقۋعا مۇمكىندىك الدى.
– مەملەكەت باسشىسى ەلىمىزدىڭ كوركەيۋىنە, وركەندەۋىنە ۇلەس قوسۋى ءۇشىن جاستاردىڭ ەڭ الدىمەن ساپالى بىلىمگە يە بولۋى قاجەتتىگىن ءجىتى نازاردا ۇستاپ, وعان بارلىق جاعدايدى جاساپ وتىر. ونىڭ ايقىن دالەلى – بۇگىنگى جاڭا دا جارىق وقۋ عيماراتىنىڭ شاكىرتتەردىڭ يگىلىگىنە بەرىلۋى, – دەدى ءوڭىر باسشىسى بەردىبەك ساپارباەۆ.
عيماراتتىڭ اشىلۋ سالتاناتىندا ايماق باسشىسى زاماناۋي ءبىلىم الۋعا مەملەكەت تاراپىنان بارلىق جاعداي جاسالىپ وتىرعانىن, «بولاشاق» باعدارلاماسى ارقىلى كوپتەگەن جاستار شەتەلدىڭ وزىق وقۋ ورىندارىندا ءبىلىم الىپ جاتقانىن, كوللەدج ستۋدەنتتەرىنىڭ دە ساپالى بىلىمگە ۇمتىلۋى قاجەتتىگىن اتاپ ءوتتى.
شەمونايحا اۋدانىنىڭ ورتالىعىندا ورنالاسقان كوللەدجدىڭ ءوڭىر جاستارىن ءبىلىم نارىمەن سۋسىنداتىپ كەلە جاتقانىنا ون جىلدان اسا ۋاقىت بولدى. 2002 جىلى قۇرىلعان كوللەدج قابىرعاسىندا شاكىرتتەر ون التى ماماندىق بويىنشا وقىتىلادى. ولاردىڭ باسىم بولىگى جوعارى سۇرانىسقا يە بولىپ سانالاتىن تەحنيكالىق قىزمەت كورسەتۋ سالاسىن يگەرىپ شىعادى.
جاڭا وقۋ عيماراتى مىڭ ادامعا ەسەپتەلگەن. وسىعان دەيىن ىسكە العىسىز بولىپ تۇرعان ەسكى ءۇيدى زامان تالابىنا ساي كۇردەلى جوندەۋدەن وتكىزۋگە بيۋدجەت تاراپىنان 180 ميلليون تەڭگە ءبولىنگەن ەكەن. وندا گەولوگيا, تاۋ-كەن ءىسى, اۆتوكولىك جوندەۋ, تەحنيكالىق قىزمەت كورسەتۋ, قۇرال-جابدىقتار, تەحنيكالىق ءتارتىپ, مۋلتيمەديالىق كابينەتتەر مەن ەلەكترشى, دانەكەرلەۋشى, اۆتوكولىك جوندەۋ, تەمىر جونۋ, قۇرىلىس شەبەرحانالارى, سونداي-اق, مۇراجاي, كىتاپحانا, ءماجىلىس زالى, اسحانا, ديزاين ستۋدياسى جانە سپورت زالى ورنالاسقان. عيماراتتىڭ بەسىنشى قاباتىندا 40 ستۋدەنتكە ارنالعان سىڭعىرلاعان زاماناۋي جاتاقحانا مەن جاس مامان-وقىتۋشىلارعا ارنالعان ءتورت پاتەر بار.
قازىرگى كەزدە كوللەدجدە 800-گە جۋىق ستۋدەنت ءبىلىم الادى, جەتپىسكە جۋىق ادام جۇمىسپەن قامتىلعان.
كوللەدج ديرەكتورى سۆەتلانا بۋدنەتسكايانىڭ ايتۋىنشا, تۇلەكتەر وقۋ ورنىنىڭ الەۋمەتتىك سەرىكتەسى بولىپ تابىلاتىن ءتۇرلى كاسىپورىنداردا وندىرىستىك تاجىريبەدەن ءوتىپ, جۇمىسقا ورنالاسۋ مۇمكىندىگىنە يە. ماسەلەن, تاۋ-كەن سالاسى بويىنشا كوللەدجدى بىتىرۋشىلەردىڭ 50 پايىزى «قازاقمىس» كورپوراتسياسىنا, 20 پايىزى نيكولاەۆسكي بايىتۋ فابريكاسىنا جانە باسقا دا گەولوگيالىق كەن ءوندىرۋ مەكەمەلەرىنە جۇمىسقا ورنالاسقان.
دۋمان اناش,
«ەگەمەن قازاقستان».
شىعىس قازاقستان وبلىسى,
شەمونايحا اۋدانى.
