قازاقستاندىق ديپلوماتتىڭ ساپارى

قازاقستاننىڭ يوردان حاشيميت كورولدىگىندەگى ەلشىسى جانە ليۆاندا ەلشىلىك قىزمەتتى قوسا اتقارۋشى بولات ءسار­سەن­باەۆ ليۆاندا جۇمىس ساپارىمەن بولدى. ساپارى اياسىندا ديپ­لومات ليۆان پرەمەر-ءمينيسترى تاممام ساليامنىڭ قابىل­داۋىندا بولدى, دەپ حابارلادى قر ءسىم-ءىنىڭ ءباسپاسوز قىزمەتى. ب.سارسەنباەۆ ت.ساليامدى پرە­مەر-مينيستر لاۋازىمىنا تاعا­ي­ىندالۋىمەن جانە ليۆان­نىڭ جاڭا ۇكىمەت قۇرامىن ءساتتى قالىپتاستىرعانىمەن قۇت­تىق­تادى. قازاقستاندىق ديپلومات ەلىمىزدىڭ بارلىق سالالارداعى قارقىندى دامۋىنا, سونداي-اق, حا­لىقارالىق ارەناداعى جەتىس­تىكتەرىنە اسا ءمان بەرە وتىرىپ, ەلباسىنىڭ قازاقستان حال­قىنا ارناعان جولداۋى, «قازاق­ستان-2050» ستراتەگياسى تۋرالى اڭگى­مەلەپ, ەلىمىزدىڭ 2014-2020 جىل­دارعا ارنالعان سىرتقى سايا­سات تۇجىرىمداماسىمەن تانىستىردى. ب.سارسەنباەۆ ليۆان پرەمەر-مينيسترىنە قازاقستان تاراپىنىڭ VII استانا ەكونوميكالىق فورۋ­مىنا قاتىسۋ تۋرالى شا­قىرۋ حاتىن تابىس ەتتى. ءوز كەزەگىندە ت.ساليام قا­زاق­ستاننىڭ جەتكەن جەتىستىكتەرىن جوعارى باعالاي وتىرىپ, پەرسپەكتيۆالى سالالارداعى ەكىجاقتى قارىم-قاتىناستاردى ودان ءارى ىلگەرىلەتۋگە مۇددەلىلىگىن تانىتتى. سونىمەن قاتار, ەلباسىنىڭ «قازاقستان-2050» ستراتەگياسىن اسا كولەمدى, تەرەڭ ماعىنالى, قوعام ءومىرىنىڭ بارلىق سالالارىن قامتيتىن جانە بولاشاققا باعىتتالعان باعدارلاما ەكەنىنە نازار اۋداردى. ليۆاندىق ساياساتكەر ەلىمىزدە ۇيىمداستىرىلۋى جوس­پارلانىپ وتىرعان ەكسپو-2017 حالىقارالىق كور­مە­سى­­نىڭ تاقىرىبىنا زور قى­زىعۋ­شى­­لىق تانىتا وتىرىپ, ليۆان­دىق تاراپتىڭ قازاقستاندىق كورمەگە قاتىسۋعا مۇددەلى ەكەنىن جەتكىزدى.