نۇسقاۋلىق ءبىلىم جانە عىلىم مينيسترلىگىنىڭ وبەكتىلەرىنە, سونداي-اق تەرروريستىك تۇرعىدان وسال ءبىلىم جانە عىلىم سالاسىنداعى قىزمەتتى جۇزەگە اسىراتىن وبەكتىلەرگە قولدانىلادى.
وبەكتىلەردىڭ تەرروريزمگە قارسى قورعالۋىن قامتاماسىز ەتۋ جونىندەگى شارالار وبەكتىلەر اۋماعىندا تەرروريزم اكتىلەرىنىڭ جاسالۋىنا كەدەرگى كەلتىرەتىن جاعدايلار جاساۋعا, ىقتيمال تەرروريستىك قاۋىپتەردىڭ سالدارىن بارىنشا ازايتۋعا نەمەسە جويۋعا باعىتتالعان.
وبەكتىلەردىڭ تەرروريزمگە قارسى قورعالۋى كەلەسىدەي رەتتەلەتىن بولادى:
1) وبەكتىلەرگە زاڭسىز كىرۋگە كەدەرگى جاساۋ:
- وبەكتىلەردە وتكىزۋ رەجيمىن ورناتۋ جانە ونى مۇلتىكسىز ساقتاۋ;
- وبەكتىگە زاڭسىز ەنۋدى انىقتاۋعا مۇمكىندىك بەرەتىن قۇرالدارمەن وبەكتىنى ينجەنەرلىك-تەحنيكالىق تۇرعىدان نىعايتۋ.
2) تەرروريزم اكتىلەرىن دايىنداۋ نەمەسە جاساۋ بەلگىلەرىن انىقتاۋ:
- وبەكتىلەردەگى جانە جاقىن ماڭداعى اۋماقتاردى كۇدىكتى ادامدار مەن زاتتاردى انىقتاۋ تۇرعىسىنان باقىلاۋ;
- ستۋدەنتتەر اراسىندا ەكسترەميزمنىڭ الدىن الۋ (قۇقىقتىق ءبىلىم بەرۋ, ەكسترەميزمگە تەرىس ەموتسيونالدى قاتىناستى قالىپتاستىرۋ).
- وبەكتىلەردى ينجەنەرلىك-تەحنيكالىق جاراقتاندىرۋ جوسپارىندا ماتەريالدىق-تەحنيكالىق بازانى جاقسارتۋ.
3) وبەكتىلەردە تەرروريزم اكتىلەرىن جاساۋ ارەكەتتەرىنىڭ جولىن كەسۋ:
- وبەكتىلەردى كۇزەتۋدى جۇزەگە اسىرۋ نەمەسە كۇزەت قىزمەتى سۋبەكتىلەرىمەن شارت جاساسۋ;
- كەلۋشىلەر مەن كولىك قۇرالدارىنىڭ وبەكتىلەرگە كىرۋىنىڭ بەلگىلەنگەن ءتارتىبىن تۇراقتى باقىلاۋدى ۇيىمداستىرۋ;
- ۇجىمدا, ونىڭ ىشىندە پەداگوگيكالىق ۇجىمدا جانە ءبىلىم الۋشىلاردا قاۋىپسىزدىك مادەنيەتىن, تەرروريزمگە قارسى سانانى قالىپتاستىرۋ;
- وبەكتىلەردىڭ تەرروريزمگە قارسى قاۋىپسىزدىگىن قامتاماسىز ەتەتىن بارلىق ءىس-شارالاردى باقىلاۋ.
4) وبەكتىلەردە بولۋى مۇمكىن تەرروريستىك قاۋىپ-قاتەرلەردىڭ سالدارىن بارىنشا ازايتۋ جانە جويۋ:
- ءبىلىم بەرۋ جانە عىلىم وبەكتىلەرىنىڭ ەرەكشەلىكتەرىنە ساي تەرروريستىك سيپاتتاعى ىقتيمال قاتەرلەرگە دەن قويۋ الگوريتمدەرىن ازىرلەۋ.
- وبەكتىدە تەرروريزم اكتىسى جاسالعان جاعدايدا ۋاكىلەتتى ورگانداردى, قىزمەتكەرلەردى, ءبىلىم الۋشىلاردى ۋاقتىلى حاباردار ەتۋدى, سونداي-اق ءبىلىم الۋشىلار مەن تاربيەلەنۋشىلەردىڭ اتا-انالارىن ولاردىڭ ءىس-ارەكەتتەرى بويىنشا حاباردار ەتۋدى ۇيىمداستىرۋ;
- وبەكتىنىڭ تەرروريزمگە قارسى قورعالۋ پاسپورتىن ۋاقىتىلى جاساۋ.
وبەكتىلەردىڭ تەرروريزمگە قارسى قورعالۋىن وبەكتىنىڭ ءبىرىنشى باسشىسى ۇيىمداستىرادى. باسشىنىڭ بۇيرىعىمەن وبەكتىنىڭ تەرروريزمگە قارسى قورعالۋى جونىندەگى ءىس-شارالاردى وتكىزۋدى قامتاماسىز ەتەتىن تۇلعا ايقىندالادى.
بۇيرىق 2022 جىلعى 22 ساۋىردەن باستاپ قولدانىسقا ەنگىزىلەدى.
