دوستاستىق مەملەكەتتەرىنىڭ ساياساتكەرلەرى قازاقستان پرەزيدەنتىنىڭ باستاماشىلىعى تۋرالى

ينتەگراتسيا – ەلدەر بايلانىسىنىڭ وزەگى

ۆلاديمير پۋتين, رەسەي فەدەراتسياسىنىڭ پرەزيدەنتى: ەۋرازيالىق ينتەگراتسيا يدەياسىنىڭ اۆتورى قازاقستان پرەزيدەنتى نۇرسۇلتان نازارباەۆ ەكەنى بەلگىلى. ول بۇل يدەياسىن العاش رەت سوناۋ 1994 جىلى ماسكەۋگە رەسمي ساپارى بارىسىندا م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە جاريا ەتكەن بولاتىن. بۇگىندە بۇل باس­تاما ءوزىنىڭ ومىرشەڭدىگىن ايقىن دالەلدەپ ۇلگەردى. تۇتاستاي العاندا, ەۋرازيالىق ەكونوميكالىق ينتەگراتسيا قازىرگى تاڭدا دۇنيە­جۇزىلىك ساۋدا ۇيىمىنىڭ (دسۇ)  ۇستانىمدارىنا دا نەگىزدەلىپ وتىر. ءبىزدىڭ قاتىناستارىمىزداعى ماڭىزدى فاكتور رەسەي, بەلارۋس جانە قازاقستاننىڭ ەۋرازيالىق ەكونو­ميكالىق ينتەگراتسيا­سى بولماق. بىزدە بۇل جۇمىس جانە وسى بىرلەستىك تۇتاستاي دسۇ ۇس­تانىم­دارىندا قۇرىلعانىن تاعى دا ەسكە سالعىم كەلەدى. دسۇ-نىڭ ەرەجەلەرىن رەسەيدىڭ عانا ەمەس, قازاقستاننىڭ دا, بەلارۋستىڭ دە ەكونوميكالىق ومىرىنە ەنگىزۋ 170 ميلليون ادامى بار جالپى نارىقتا ەۋروپالىق شارۋاشىلىق سۋبەكتىلەرىنىڭ جۇمىسىن جەڭىلدەتەدى.   الەكساندر لۋكاشەنكو, بەلارۋس رەسپۋبليكاسىنىڭ پرەزيدەنتى: – قازاقستان رەسپۋبليكاسى مەن بەلارۋس رەس­پۋب­­­ليكاسى اراسىنداعى دوستىق جانە ارىپتەستىك قاتىناستاردى نىعايتۋ جولىندا ءبىزدىڭ ارامىزدا قالىپتاسقان اشىق جانە سەنىمدى ۇنقاتىسۋدى جوعارى باعالايمىن. ءبىزدىڭ ەلدەرىمىز ءتۇرلى سالالاردا كوپتەگەن بولاشاعى زور جوبالاردى تابىستى جۇزەگە اسىرىپ كەلەدى. قازاقستان-بەلارۋس ىنتىماقتاستىعى تاۋەلسىز مەملەكەتتەر دوستاستىعىنداعى ينتەگراتسيالىق ۇدەرىستەردى دامىتۋعا ىقپال ەتەتىن ماڭىزدى فاكتور بولىپ تابىلادى. نۇرسۇلتان نازارباەۆتىڭ وراسان زور جانە كوپقىرلى تاجىريبەسى ءبىزدىڭ مەملەكەتتەرىمىز اراسىنداعى ءوزارا ءىس-قيمىلدى ودان ءارى كەڭەيتۋگە جاردەمدەسەتىنىنە سەنىمدىمىن.   دميتري مەدۆەدەۆ, رەسەي فەدەراتسياسى ۇكىمەتىنىڭ توراعاسى: – ءبىزدىڭ حالىقتارىمىز عاسىرلار بويى بىرگە ءومىر ءسۇرىپ كەلدى. سوعىستىڭ اۋىرتپالىقتارى مەن تىڭ كوتە­رۋدىڭ قيىنشىلىقتارىن تەڭدەي ءبولىستى. يىققا يىق ءتۇيىستىرىپ ەڭبەك ەتتى, بىرگە ءوسىپ, تۋعان جەردى بىرگە كوتەردى. رەسەيدە ماقساتكەر, تالانتتى, جومارت قازاقستان حالقىن جاقسى بىلەدى جانە قۇرمەت تۇتادى. جانە ءبىز بۇل سەزىمنىڭ ەكى جاقتىڭ حالقىنا دا ورتاق ەكەنىن جاقسى بىلەمىز... وسىنداي ۇلكەن كورسەتكىشتەردىڭ ارتىندا قازاقستان حالقىنىڭ جانە, ارينە, ونىڭ باسشىسى, پرەزيدەنت نۇرسۇلتان ءابىش ۇلى نازارباەۆتىڭ وراسان زور ەڭبەگى تۇرعانى ءسوزسىز. ول قازاقستاننىڭ جاڭا ەلورداسىنا ءوزىنىڭ تەك ەڭبەگىن عانا ەمەس, جانىن سالعانىن ءبارىمىز بىلەمىز. استانانىڭ عاجايىپ گەوساياسي ورنى مەن دامۋ فيلوسوفياسى كوپ جاعدايدا ەۋرازيالىق يدەياسىمەن بايلانىستى ەكەنى بەلگىلى. استانا رەسپۋبليكانىڭ ۇلتتىق بولمىس-ءبىتىمى مەن ونىڭ الەمگە اشىقتىعىن, بارلىق ىلگەرىندى يدەيالار مەن جاڭاشىلدىقتى سەزگىشتىگىن عاجايىپ تۇردە پاش ەتۋدە.   تايىر مانسۇروۆ, ەۋرازەق-تىڭ باس حاتشىسى: كوپشىلىك بىلەتىندەي, قازاقستان پرەزيدەنتى سوناۋ 1994 جىلدىڭ ناۋرىزىندا م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە نەگىزىندە مەملەكەتارالىق ىقپالداستىق جانە وعان اناعۇرلىم دايىن ەلدەردىڭ تىعىز ەكونوميكالىق, گۋمانيتارلىق ينتەگراتسياسى جاتقان «ەۋرازيالىق مەملەكەتتەر وداعىن قالىپتاستىرۋ تۋرالى» (ەاس) جوباسىن تانىستىردى. وسى ەاس جوباسى بويىنشا ەۋرازيا ەلدەرى بىرىگۋىنىڭ نەگىزىندە ەكونوميكا جاتۋى كەرەك دەلىندى. ونىڭ ۇستىنە, ەۋرازيالىق وداق نارىقتىق وزگەرىستەردە, ۇلتتىق قاۋىپسىزدىكتە, الەمدىك ەكونوميكالىق جۇيەگە بىرلەسىپ ەنۋدە كە­لىسىل­گەن قادام-قارەكەتتەردى قولدانۋدى قام­تاما­سىز ەتكەن بولار ەدى.