ءىس-شاراعا 100-دەن استام جاس قاتىسىپ, ولار اسانباي اسقاروۆ اتىنداعى قالالىق دەندروساياباققا 200-دەن استام كوشەت وتىرعىزدى. ا.ورالوۆ بۇل جوبانىڭ باستى ماقساتى ازاماتتاردىڭ ەكولوگيالىق مادەنيەتىن ارتتىرۋ, قورشاعان ورتانى تازا ۇستاۋدى كۇندەلىكتى ءومىر سالتىنا اينالدىرۋ جانە رەسۋرستاردى ۇنەمدى پايدالانۋ مادەنيەتىن دامىتۋ ەكەنىن اتاپ ءوتتى.
«پارتيا كاسىبي ەكولوگتەردى, بەلسەندىلەر مەن ەرىكتىلەردى جۇمىلدىرىپ, جىل بويى ءتۇرلى ەكولوگيالىق اكتسيا وتكىزەتىن بولادى. جاڭا ەكولوگيالىق جوبا ءاربىر وڭىردە, ءاربىر اۋدان مەن اۋىلدا قولداۋ تاباتىنىنا كۇمانىمىز جوق. ويتكەنى جەرىمىزدى تازا ۇستاپ, ەلىمىزدى كوركەيتۋ – باستى مىندەتتەرىمىزدىڭ ءبىرى», دەپ اتاپ ءوتتى ا.ورالوۆ.
سونداي-اق پارتيانىڭ اتقارۋشى حاتشىسى قالالىق ونكولوگيالىق ورتالىقتا بولدى. اتالعان ورتالىقتا Amanat پارتياسىنىڭ سايلاۋالدى باعدارلاماسىن ىسكە اسىرۋ اياسىندا پوزيتروندى-ەميسسيالىق توموگرافيا (پەت) تۇسىرۋگە ارنالعان جابدىق ورناتىلعان.
ورتالىق ۇجىمىمەن كەزدەسۋدە ۇلت دەنساۋلىعى پارتيانىڭ باستى باسىمدىقتارىنىڭ ءبىرى ەكەندىگى ايتىلدى. ەلىمىزدەگى 75 مىڭعا جۋىق مەديتسينا قىزمەتكەرى – پارتيا مۇشەلەرى. بۇل اماناتتىقتاردىڭ جالپى سانىنىڭ شامامەن 10 پايىزىن قۇرايدى.
«پەت زەرتحاناسى بۇعان دەيىن تەك الماتى مەن ەلوردادا بولدى. ەندى شىمكەنتتىڭ جانە وعان جاقىن ورنالاسقان ءوڭىر تۇرعىندارى جولعا ۋاقىت پەن قاراجات شىعىنداماي, زاماناۋي جابدىقتا تەگىن تەكسەرۋدەن وتە الادى. پوزيتروندى-ەميسسيالىق توموگرافيانىڭ بىرەگەيلىگى – ونكولوگيالىق وسكىندەردى ەرتە ساتىسىندا انىقتاۋعا جانە تيىسىنشە ءتيىمدى ەم جۇرگىزۋگە مۇمكىندىك بەرەدى», دەدى قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ باسقارما ءتورايىمى د.قايداروۆا.
سونىمەن قاتار شىمكەنتتە قالاداعى باستاۋىش پارتيا ۇيىمدارى توراعالارىنىڭ جينالىسى ءوتىپ, وندا جەرگىلىكتى جەرلەردە پارتيانىڭ جاڭا جوبالارىن ساپالى جۇزەگە اسىرۋ ماسەلەلەرى تالقىلاندى. بۇگىندە قالادا قۇرامىندا 31 مىڭنان استام پارتيا مۇشەسى بار 51 باستاۋىش پارتيا ۇيىمى جۇمىس ىستەيدى.
وسى كۇنى ا.ورالوۆ شىمكەنتتىڭ پارتيا اكتيۆىمەن دە كەزدەسىپ, ەل پرەزيدەنتىنىڭ جولداۋىندا جاريالانعان رەفورمالاردى ساپالى جۇزەگە اسىرۋ ءۇشىن پارتيا مودەرنيزاتسياسىنىڭ باسىمدىقتارىن تالقىلادى.
«قالامىزدا جۇمىس ىستەمەيتىن, وقىمايتىن جانە جۇمىس تابۋعا تالپىنبايتىن NEET ساناتىنداعى جاستاردىڭ ۇلەسى – 6,7%, ياعني 15 مىڭعا جۋىق ادام. اmanat پارتياسىنىڭ الدىندا وسى ساناتتاعى ادامداردى الەۋمەتتەندىرۋدىڭ ءتيىمدى شەشىمدەرىن ازىرلەۋ بويىنشا قىرۋار جۇمىس تۇر», دەدى كەزدەسۋ بارىسىندا شىمكەنت قالالىق جاستار رەسۋرستىق ورتالىعىنىڭ جەتەكشىسى م.يساحوۆ.
