سەنات بيۋروسىنىڭ كەزەكتى وتىرىسى

كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتى بيۋروسىنىڭ وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى. بيۋرو مۇشەلەرى پالاتانىڭ الداعى 10 ساۋىردە بولاتىن وتىرىسىنىڭ كۇن ءتارتىبىن قارادى. وتىرىستا, اتاپ ايتقاندا, 1999 جىلعى 3 جەلتوقساندا پەكيندە قابىلدانعان وزون قاباتىن بۇزاتىن زاتتار جونىندەگى مونرەال حاتتاماسىنا تۇزە­تۋلەردى راتيفيكاتسيالاۋ تۋرالى جانە قازاقستان مەن قىتاي اراسىنداعى قورعاس وزەنىندە «دوستىق» ورتاق بىرلەسكەن سۋ تورابىن سالۋداعى ىنتىماقتاستىق تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوبالارى قارالاتىن بولدى. سونداي-اق, قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىس ەنگىزۋ تۋرالى زاڭ جوباسىن ء(بىرىنشى وقىلىمدا) قاراۋ جوسپارلانۋدا. بيۋرودا ماجىلىستە ماقۇل­دانعان زاڭ جوبالارىنا سەناتتىڭ باس كوميتەتتەرى بەلگىلەندى. بيۋرو مۇشەلەرى, سونىمەن قاتار, قازاقستان پارلامەنتى سەنا­تىنىڭ دەپۋتاتتارىن حالىق­ارالىق پارلامەنتتىك ۇيىم­دارعا جانە پارلامەنت سەنا­تىنىڭ شەت مەملەكەتتەردىڭ پار­لامەنتتەرىمەن وڭىرلىك ىنتى­ماقتاستىق توپتارىنا جىبەرۋ جونىندەگى ۇسىنىستارىن قارادى جانە ماقۇلدادى. وتىرىس بارىسىندا سەنات اپپاراتىنىڭ باسشىسى الەك­ساندر سۋدين اپپاراتتىڭ 2014 جىلعى ءبىرىنشى توقسانى جۇ­مى­سىنىڭ قورىتىندىلارى تۋرالى حاباردار ەتتى. كەزدەسۋ سوڭىندا سەنات توراعاسى, «نۇر وتان» پارتياسى ساياسي كەڭەسىنىڭ بيۋرو مۇشەسى ق.توقاەۆ بىرقاتار سەناتورلارعا – پارتيا مۇشەلەرىنە جاڭا ۇلگىدەگى پارتيا بيلەتتەرىن تابىس ەتتى.