مەملەكەت باسشىسى نۇرسۇلتان نازارباەۆ ءبىلىم جانە عىلىم ءمينيسترى اسلان ءسارىنجىپوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ا.ءسارىنجىپوۆ مينيسترلىكتىڭ قىزمەتى جانە مەملەكەت باسشىسىنىڭ تاپسىرمالارىن ورىنداۋ ماقساتىندا اتقارىلىپ جاتقان جۇمىستار جونىندە باياندادى.
نۇرسۇلتان نازارباەۆ بيىل ءبىلىم جانە عىلىم سالاسىن دامىتۋعا 1,5 تريلليون تەڭگە بولىنگەنىن اتاپ ءوتتى. الايدا, مەكتەپتە ورىن جەتىسپەۋشىلىگى, ءۇش اۋىسىمدا وقىتۋ ساقتالىپ وتىر, اپاتتى جاعدايداعى مەكتەپتەر ءالى دە بار. وسىعان بايلانىستى قۇرىلىسقا, سونىڭ ىشىندە بيزنەستىڭ الەۋمەتتىك جاۋاپكەرشىلىگى اياسىندا سالىناتىن نىساندارعا بولىنەتىن قاراجاتتىڭ ءتيىمدى پايدالانىلۋىن قاداعالاۋ قاجەت.
– شىعىس قازاقستان وبلىسىندا اپاتتى جاعدايداعى 52 مەكتەپ بار, سويتە تۇرا, 2013 جىلى بيۋدجەتتىك ەمەس قارجى كوزدەرى ەسەبىنەن 1,5 ميلليارد تەڭگەگە وڭىردە بوكس جانە كۇرەس سارايى سالىنعان. وڭتۇستىك قازاقستان وبلىسىندا اپاتتى جاعدايداعى 48 مەكتەپ بار, بىراق بيۋدجەتتىك ەمەس قارجى كوزدەرى مەن جەرگىلىكتى بيۋدجەت ەسەبىنەن 2012-2013 جىلدارى 500 ميلليون تەڭگە سالتانات زالىنا ءبولىپتى. قىزىلوردا وبلىسىندا اپاتتى جاعدايداعى 25 مەكتەپ بار, بىراق وتكەن جىلى مۇزايدىن قۇرىلىسىنا 1,3 ميلليارد تەڭگە جۇمسالعان. بۇل نىسانداردىڭ بارلىعى دا حالىققا قاجەت, بىراق الدىمەن اپاتتى جاعدايداعى مەكتەپتەردى قالپىنا كەلتىرىپ, ءۇش اۋىسىمدا وقىتۋدى جويۋ سياقتى ەڭ قاجەتتىلەرىن انىقتاپ العان ءجون, – دەدى مەملەكەت باسشىسى.
قازاقستان پرەزيدەنتى ۋنيۆەرسيتەتتەردىڭ اۆتونومدى بولۋ قاعيداتتارىن ايقىن ءتۇسىنۋ قاجەتتىگىن دە اتاپ ءوتتى.
– اۆتونومدى بولۋ وقۋ باعدارلامالارىنا, بىلىكتىلىكتى ارتتىرۋ ماسەلەلەرىنە, ءبىلىم ساپاسىنا, تاجىريبەلى وقىتۋشى-پروفەسسورلىق قۇرامدى تارتۋعا قاتىستى. الايدا, كەيبىرەۋلەر اۆتونومدىلىقتى جوعارى وقۋ ورنىنىڭ دەربەستىگى, رەكتورلارىنىڭ وزگەرمەيتىندىگى, ودان ءارى جەكەشەلەنۋى دەپ تۇسىنۋدە. سوندىقتان جوعارى وقۋ ورىندارىنىڭ اۆتونومدى بولۋىنىڭ ماقساتى, مىندەتتەرى جانە شارتتارىنا قاتىستى ناقتى باعداردى ايقىنداپ بەرگەن ءجون, – دەدى مەملەكەت باسشىسى.
نۇرسۇلتان نازارباەۆ ءبىلىم دامۋدىڭ, سونىڭ ىشىندە يننوۆاتسيالىق دامۋدىڭ باستى ماسەلەسىنە اينالىپ وتىرعانىنا توقتالدى.
– جاستاردىڭ مەكتەپتە وقۋىنىڭ, تەحنيكالىق-وندىرىستىك جانە جوعارى ءبىلىم الۋىنىڭ ماڭىزى زور. كومپانيالار مەملەكەتتىڭ كومەگىمەن جاستاردى دايارلاۋ ماسەلەسىن ءوز موينىنا الۋى ءۇشىن ءدۋالدى وقىتۋ جۇيەسىن دامىتقان ءجون. ول ءۇشىن ەۋروپا ەلدەرىنىڭ تاجىريبەسىن تاعى دا مۇقيات زەرتتەۋ قاجەت, – دەدى قازاقستان پرەزيدەنتى.
بۇدان بولەك, مەملەكەت باسشىسى عىلىم سالاسىنا, اسىرەسە, كوبىنە شەشىمدەرىندە شىنايىلىق بولا بەرمەيتىن عىلىمي كەڭەستەر جۇمىسىن جەتىلدىرۋگە ەرەكشە نازار اۋدارۋدى تاپسىردى.
بۇعان قوسا, مەملەكەت باسشىسى مەكتەپكە دەيىنگى ءبىلىم بەرۋمەن قامتۋ, سونداي-اق, ۋنيۆەرسيتەتتەردەگى ءبىلىم بەرۋ ساپاسىن ارتتىرۋ جانە مەملەكەتتىك ءبىلىم گرانتتارىن ءتيىمدى ءبولۋ جۇمىستارىن جالعاستىرۋ تۋرالى تاپسىرما بەردى.
ءبىلىم جانە عىلىم ءمينيسترى مەملەكەت باسشىسى ايتقان ماسەلەلەردى شەشۋگە باعىتتالعان جۇمىستار تۋرالى حاباردار ەتتى.
ا.ءسارىنجىپوۆ «بالاپان» باعدارلاماسى اياسىندا ءۇش جىل ىشىندە بالالاردىڭ مەكتەپكە دەيىنگى بىلىممەن 80% قامتىلعانىن اتاپ ءوتتى. سونداي-اق, ءۇش جىل ىشىندە بارلىق وڭىرلەردە ءۇش اۋىسىمدىق جانە اپاتتى جاعدايداعى مەكتەپتەر ماسەلەسىن شەشۋ جوسپارلانىپ وتىر. تۇرعىندار سانى كوپ ەكى وبلىستا – وڭتۇستىك قازاقستان جانە الماتى وبلىستارىندا بۇل ماسەلە 2017 جىلعا قاراي شەشىمىن تاباتىن بولادى.
كەزدەسۋ قورىتىندىسىندا مەملەكەت باسشىسى بىرقاتار ناقتى تاپسىرمالار بەردى.
ا.ءسارىنجىپوۆ مينيسترلىكتىڭ قىزمەتى جانە مەملەكەت باسشىسىنىڭ تاپسىرمالارىن ورىنداۋ ماقساتىندا اتقارىلىپ جاتقان جۇمىستار جونىندە باياندادى.
نۇرسۇلتان نازارباەۆ بيىل ءبىلىم جانە عىلىم سالاسىن دامىتۋعا 1,5 تريلليون تەڭگە بولىنگەنىن اتاپ ءوتتى. الايدا, مەكتەپتە ورىن جەتىسپەۋشىلىگى, ءۇش اۋىسىمدا وقىتۋ ساقتالىپ وتىر, اپاتتى جاعدايداعى مەكتەپتەر ءالى دە بار. وسىعان بايلانىستى قۇرىلىسقا, سونىڭ ىشىندە بيزنەستىڭ الەۋمەتتىك جاۋاپكەرشىلىگى اياسىندا سالىناتىن نىساندارعا بولىنەتىن قاراجاتتىڭ ءتيىمدى پايدالانىلۋىن قاداعالاۋ قاجەت.
– شىعىس قازاقستان وبلىسىندا اپاتتى جاعدايداعى 52 مەكتەپ بار, سويتە تۇرا, 2013 جىلى بيۋدجەتتىك ەمەس قارجى كوزدەرى ەسەبىنەن 1,5 ميلليارد تەڭگەگە وڭىردە بوكس جانە كۇرەس سارايى سالىنعان. وڭتۇستىك قازاقستان وبلىسىندا اپاتتى جاعدايداعى 48 مەكتەپ بار, بىراق بيۋدجەتتىك ەمەس قارجى كوزدەرى مەن جەرگىلىكتى بيۋدجەت ەسەبىنەن 2012-2013 جىلدارى 500 ميلليون تەڭگە سالتانات زالىنا ءبولىپتى. قىزىلوردا وبلىسىندا اپاتتى جاعدايداعى 25 مەكتەپ بار, بىراق وتكەن جىلى مۇزايدىن قۇرىلىسىنا 1,3 ميلليارد تەڭگە جۇمسالعان. بۇل نىسانداردىڭ بارلىعى دا حالىققا قاجەت, بىراق الدىمەن اپاتتى جاعدايداعى مەكتەپتەردى قالپىنا كەلتىرىپ, ءۇش اۋىسىمدا وقىتۋدى جويۋ سياقتى ەڭ قاجەتتىلەرىن انىقتاپ العان ءجون, – دەدى مەملەكەت باسشىسى.
قازاقستان پرەزيدەنتى ۋنيۆەرسيتەتتەردىڭ اۆتونومدى بولۋ قاعيداتتارىن ايقىن ءتۇسىنۋ قاجەتتىگىن دە اتاپ ءوتتى.
– اۆتونومدى بولۋ وقۋ باعدارلامالارىنا, بىلىكتىلىكتى ارتتىرۋ ماسەلەلەرىنە, ءبىلىم ساپاسىنا, تاجىريبەلى وقىتۋشى-پروفەسسورلىق قۇرامدى تارتۋعا قاتىستى. الايدا, كەيبىرەۋلەر اۆتونومدىلىقتى جوعارى وقۋ ورنىنىڭ دەربەستىگى, رەكتورلارىنىڭ وزگەرمەيتىندىگى, ودان ءارى جەكەشەلەنۋى دەپ تۇسىنۋدە. سوندىقتان جوعارى وقۋ ورىندارىنىڭ اۆتونومدى بولۋىنىڭ ماقساتى, مىندەتتەرى جانە شارتتارىنا قاتىستى ناقتى باعداردى ايقىنداپ بەرگەن ءجون, – دەدى مەملەكەت باسشىسى.
نۇرسۇلتان نازارباەۆ ءبىلىم دامۋدىڭ, سونىڭ ىشىندە يننوۆاتسيالىق دامۋدىڭ باستى ماسەلەسىنە اينالىپ وتىرعانىنا توقتالدى.
– جاستاردىڭ مەكتەپتە وقۋىنىڭ, تەحنيكالىق-وندىرىستىك جانە جوعارى ءبىلىم الۋىنىڭ ماڭىزى زور. كومپانيالار مەملەكەتتىڭ كومەگىمەن جاستاردى دايارلاۋ ماسەلەسىن ءوز موينىنا الۋى ءۇشىن ءدۋالدى وقىتۋ جۇيەسىن دامىتقان ءجون. ول ءۇشىن ەۋروپا ەلدەرىنىڭ تاجىريبەسىن تاعى دا مۇقيات زەرتتەۋ قاجەت, – دەدى قازاقستان پرەزيدەنتى.
بۇدان بولەك, مەملەكەت باسشىسى عىلىم سالاسىنا, اسىرەسە, كوبىنە شەشىمدەرىندە شىنايىلىق بولا بەرمەيتىن عىلىمي كەڭەستەر جۇمىسىن جەتىلدىرۋگە ەرەكشە نازار اۋدارۋدى تاپسىردى.
بۇعان قوسا, مەملەكەت باسشىسى مەكتەپكە دەيىنگى ءبىلىم بەرۋمەن قامتۋ, سونداي-اق, ۋنيۆەرسيتەتتەردەگى ءبىلىم بەرۋ ساپاسىن ارتتىرۋ جانە مەملەكەتتىك ءبىلىم گرانتتارىن ءتيىمدى ءبولۋ جۇمىستارىن جالعاستىرۋ تۋرالى تاپسىرما بەردى.
ءبىلىم جانە عىلىم ءمينيسترى مەملەكەت باسشىسى ايتقان ماسەلەلەردى شەشۋگە باعىتتالعان جۇمىستار تۋرالى حاباردار ەتتى.
ا.ءسارىنجىپوۆ «بالاپان» باعدارلاماسى اياسىندا ءۇش جىل ىشىندە بالالاردىڭ مەكتەپكە دەيىنگى بىلىممەن 80% قامتىلعانىن اتاپ ءوتتى. سونداي-اق, ءۇش جىل ىشىندە بارلىق وڭىرلەردە ءۇش اۋىسىمدىق جانە اپاتتى جاعدايداعى مەكتەپتەر ماسەلەسىن شەشۋ جوسپارلانىپ وتىر. تۇرعىندار سانى كوپ ەكى وبلىستا – وڭتۇستىك قازاقستان جانە الماتى وبلىستارىندا بۇل ماسەلە 2017 جىلعا قاراي شەشىمىن تاباتىن بولادى.
كەزدەسۋ قورىتىندىسىندا مەملەكەت باسشىسى بىرقاتار ناقتى تاپسىرمالار بەردى.
