شيرەك فينالدا وتانداستارىمىزدىڭ جولى اۋستراليا قۇراماسىمەن قيىستى. ايا نۇپباي مەن اسىلجان ارىستانبەكوۆا جەكەلەي سىندا قارسىلاستارىنا ەسە جىبەردى. جۇپتىق سىندا جەڭىلىپ جاتقان اۋستراليالىقتار باسەكەنى جالعاستىرۋدان باس تارتتى. سوعان قاراماستان, ولار 2:1 ەسەبىمەن جەڭىسكە جەتتى. ەندى قىزدارىمىز وزبەكستان قۇراما كومانداسىمەن بەسىنشى ورىن ءۇشىن تالاسادى. سونداي-اق ءدال وسى قالادا 16 جاسقا دەيىنگىلەر اراسىندا دەۆيس كۋبوگىنىڭ ىرىكتەۋ سايىستارى باستالدى. بۇل باسەكەلەردە قازاقستان نامىسىن دانير قالدىبەكوۆ, ءامىر ورالحانوۆ جانە ۆيتالي زاتسەپين قورعاۋدا.
ال اقش-تىڭ چارلستون قالاسىندا جالاۋى جەلبىرەگەن جارىستا قازاقستاننىڭ ەڭ تاڭداۋلى ەكى تەننيسشىسى ەكىنشى كەزەڭدە ءسۇرىندى. ەلەنا رىباكينا ۋكراينالىق انگەلينا كالينينادان ۇتىلدى – 4:6, 6:2, 4:6. يۋليا پۋتينتسەۆا امەريكالىق اماندا انيسيموۆادان ايلاسىن اسىرا المادى – 1:6, 2:6.
