اۋىل شارۋاشىلىعىن دامىتۋعا باسىمدىق بەرىلەدى

بۇگىن, 7 ءساۋىر كۇنى ورتالىق كوممۋنيكاتسيالار قىزمەتىندە اۋىل شارۋاشىلىعى مينيسترلىگىنىڭ جاۋاپتى حاتشىسى ارمان ەۆنيەۆ «اگروبيزنەس 2020» باعدارلاماسىنىڭ جۇزەگە اسىرىلۋ بارىسى مەن ازىق-ت ۇلىك قاۋىپسىزدىگىنە قاتىستى ءباسپاسوز ءماسليحاتىن وتكىزدى. بۇل تۋرالى Egemen.kz ءتىلشىسى حابارلادى. بۇل جيىنعا مينيسترلىكتىڭ ەكونوميكالىق ينتەگراتسيا دەپارتامەنتىنىڭ ديرەكتورى اينا ءبىرجانوۆا مەن ۇلتتىق كاسىپكەرلەر پالاتاسىنىڭ اگروونەركاسىپ كوميتەتىنىڭ توراعاسى يۆان ساۋەر قاتىستى. جاۋاپتى حاتشىنىڭ سوزىنە قاراعاندا, سوڭعى ون جىلدا ەلىمىزدىڭ اۋىل شارۋاشىلىعى ايتارلىقتاي دامىعان.  قازىرگى ۋاقىتتا ەل تۇرعىندارىن نەگىزگى ازىق-ت ۇلىك تۇرلەرىمەن قامتاماسىز ەتۋ قاناعاتتانارلىق. ەگەر سالىستىرمالى تۇردە قارايتىن بولساق, 2011-2013 جىلدارى ىشكى تۇتىنۋداعى وتاندىق ءوندىرىستىڭ نارىقتاعى ۇلەسى 80 پايىزدى قۇراپ وتىر. مىسالى, وڭدەلگەن كۇرىش, اس قىزىلشاسى, بيداي ۇنى, نان سەكىلدى ازىق-ت ۇلىك تۇرلەرىمەن ەل تۇرعىندارىن قامتاماسىز ەتۋ 100 پايىزدان دا اسىپ جىعىلاتىن كورىنەدى. سالاداعى جەتىستىكتەردى تىزبەلەگەن جاۋاپتى حاتشى ارتتا قالعان ون جىلعا دا وي جىبەردى. «ەگەر 2001 جىلى ءبىز شامامەن 480 ملرد. تەڭگەنىڭ ءونىمىن وندىرسەك, 2013 جىلى بۇل كورسەتكىش 2,5 ترلن. تەڭگەنى قۇرادى. ءسويتىپ, 12 جىلدا 5 ەسە وسىمگە قول جەتكىزدىك. وسىدان سالانىڭ ينۆەستيتسيالىق تارتىمدىلىعى ەسەلەپ ارتىپ كەلە جاتقانى اڭعارىلادى»,- دەيدى ا.ەۆنيەۆ. نۇرباي ەلمۇراتوۆ. دەرەككوز: Egemen.kz. فوتو: www. Thenews.kz.