القالى جيىن كورنەكتى مەملەكەت جانە قوعام قايراتكەرى, تۇركىستان اۆتونومياسىنىڭ جەتەكشىسى بولعان مۇستافا شوقاي مۇرالارىنىڭ زەرتتەلۋى جانە ساياسي-قوعامدىق قىزمەتىنىڭ عىلىمي ەڭبەكتەردە كورىنىس تابۋى ماسەلەلەرىنە ارنالدى.
كونفەرەنتسيا اياسىندا ۇلتتىق اكادەميالىق كىتاپحانا قورىنداعى مۇستافا شوقايعا قاتىستى ەڭبەكتەردەن تاقىرىپتىق كورمە ۇيىمداستىرىلدى. كورمەدە شوقايتانۋشى-عالىمداردىڭ عىلىمي ەڭبەكتەرى, كىتاپتارى مەن ءباسپاسوز بەتىندە جارىق كورگەن ماقالالارى قويىلدى. سونىمەن بىرگە, قر ۇلتتىق مۇراعات قورىنداعى مۇستافا شوقاي قولجازبالارىنىڭ كوشىرمەلەرى دە كوپشىلىك نازارىنا ۇسىنىلدى.
كەلەلى كەزدەسۋدى حالىقارالىق تۇركى اكادەمياسىنىڭ پرەزيدەنتى دارحان قىدىرالى جۇرگىزىپ وتىردى.
جيىنعا قاتىسۋشىلار وتكەن عاسىردا تۇتاس تۇركىستاننىڭ ازاتتىعى ءۇشىن كۇرەسكەن مۇستافا شوقايدىڭ تاريحي تۇلعاسى مەن يدەياسى جونىندە كەڭىنەن ءسوز ءوربىتىپ, پايىمدى پىكىرلەرىن ورتاعا سالدى.
وفلاين جانە ونلاين فورماتتا وتكەن ءىس-شاراعا كورنەكتى مەملەكەت جانە قوعام قايراتكەرى مىرزاتاي جولداسبەكوۆ, ل.ن.گۋميلەۆ اتىنداعى ەۇۋ پرورەكتورى, قر ۇعا اكادەميگى ديحان قامزابەك ۇلى, ش.ش. ۋاليحانوۆاتىنداعى تاريح جانە ەتنولوگيا ينستيتۋتىنىڭ دۇنيەجۇزىلىك تاريح ءبولىمىنىڭ مەڭگەرۋشىسى گۇلجاۋھار كوكەباەۆا, قر ورتالىق ءارحيۆىنىڭ ديرەكتورى ءسابيت شىلدەباي, مەملەكەتتىك تاريح ينستيتۋتى ديرەكتورىنىڭ ورىنباسارى بۇركىتباي اياعان, رەسەي ايماقتىق ماسەلەلەر ينستيتۋتىنىڭ ديرەكتورى دميتري جۋراۆلەۆ, رەسەي عىلىم اكادەمياسىنىڭ شىعىستانۋ ينستيتۋتى عىلىمي كەڭەسىنىڭ مۇشەسى الەكساندر كادىرباەۆ, رعا ۋفا عىلىمي ورتالىعى تاريح, ءتىل جانە ادەبيەت ينستيتۋتىنىڭ جەتەكشى عىلىمي قىزمەتكەرى احات ساليحوۆ, وزبەكستان عىلىم اكادەمياسى تاريح ينستيتۋتىنىڭ ءبولىم مەڭگەرۋشىسى كاحرامون رادجابوۆ, باكۋ مەملەكەتتىك ۋنيۆەرسيتەتىنىڭ پروفەسسورى ابيد تاحيرلي,
قىرعىزستان كىتاپ پالاتاسىنىڭ جاۋاپتى قىزمەتكەرى كۋشۋبەك كاچيبەكوۆ جانە باسقا دا الاشتانۋشى, شوقايتانۋشى عالىمدار مەن زيالى قاۋىم وكىلدەرى قاتىسىپ, مازمۇندى باياندامالار جاسادى.
