ءشامشا بەركىمباەۆا 1942 جىلعى 10 قازاندا الماتى وبلىسىنىڭ قاسكەلەڭ اۋدانىندا دۇنيەگە كەلگەن.
1966 جىلى قازاق مەملەكەتتىك قىزدار پەداگوگيكالىق ينستيتۋتىنىڭ فيلولوگيا فاكۋلتەتىن بىتىرگەن.
ەڭبەك جولىن 1966 جىلى الماتى وبلىسىنداعى كيروۆ اتىنداعى سەگىز جىلدىق مەكتەپتىڭ ورىس ءتىلى مەن ادەبيەتى ءپانىنىڭ مۇعالىمدىگىنەن باستاعان.
1968-1970 جىلدارى الماتى كووپەراتيۆ تەحنيكۋمىنىڭ كومسومول كوميتەتىنىڭ حاتشىسى, 1970-1971 جىلدارى الماتى وبلىستىق كومسومول كوميتەتىنىڭ ءبولىم باسشىسى, 1971-1977 جىلدارى قاسكەلەڭ اۋداندىق كومسومول كوميتەتىنىڭ ءبىرىنشى حاتشىسى, الماتى وبلىستىق كومسومول كوميتەتىنىڭ ءبىرىنشى حاتشىسى, 1977-1987 جىلدارى الماتى قالاسى سوۆەت اۋداندىق پارتيا كوميتەتىنىڭ ءبىرىنشى حاتشىسى, الماتى وبلىستىق پارتيا كوميتەتىنىڭ حاتشىسى قىزمەتتەرىن اتقاردى. قايراتكەر-عالىم 1987-1989 جىلدارى الماتى قالاسىنداعى №12 ورتا مەكتەبىنىڭ ديرەكتورى, 1989-1997 جىلدارى قر ءبىلىم مينيسترلىگىنىڭ ورىنباسارى, 1997-1998 جىلدارى قىرعىز رەسپۋبليكاسىنداعى قازاقستان رەسپۋبليكاسىنڭ ەلشىلىگىنىڭ ءبىرىنشى حاتشىسى بولدى.
1998-1999 جىلدارى الماتى وبلىستىق وقۋ ءبولىمىنىڭ باستىعى, 1999-2000 جىلدارى قر پارلامەنتى سەناتىنىڭ دەپۋتاتى. 2002-2003 جىلدارى قر عىلىم جانە ءبىلىم ءمينيسترى بولىپ تاعايىندالدى. 2003 جىلدىڭ ماۋسىم ايىنان 2011 جىلدىڭ تامىز ايىنا دەيىن قازاق مەملەكەتتىك قىزدار پەداگوگيكا ينستيتۋتىنىڭ رەكتورى بولدى.
ءشامشا بەركىمباەۆا – حالىقارالىق پەداگوگيكالىق ءبىلىم اكادەمياسىنىڭ اكادەميگى, «قر ءبىلىم بەرۋ ءىسىنىڭ قۇرمەتتى قىزمەتكەرى», «قر عىلىمىن دامىتۋعا سىڭىرگەن ەڭبەگى ءۇشىن» بەلگىلەرىنىڭ يەگەرى.
