كەز كەلگەن ەلدە ەلەۋلى وزگەرىستەر جاساۋ ۋاقىتتى تالاپ ەتەدى, اسىرەسە 30 جىلعا جۋىق ايتارلىقتاي وزگەرىس بولماعان قازاقستان سياقتى جاس ەلدە بۇل اسا ماڭىزدى. سوندىقتان, ەڭ الدىمەن, حالىققا ۇلگى كورسەتىپ, وتكەنگە ورالۋدى كوزدەگەن كەز كەلگەن ارەكەتكە قارسىلىق بولاتىنىن بيلىكتەگى توپتىڭ تۇراقتىلىعى ارقىلى كورسەتۋ اسا قاجەت. باسقاشا ايتقاندا, بۇل ءداستۇر مەن پروگرەستى ءساتتى ۇيلەستىرەتىن مادەني رەۆوليۋتسيا بولۋى كەرەك. ىشكى قاۋىپسىزدىك اپپاراتىن جاڭارتۋ – كەز كەلگەن رەفورمانىڭ العىشارتى. ەگەر جاعداي قازىر قولايلى بولسا, رەسمي اسپەكتىلەرگە كوپ كوڭىل بولمەي, رەفورمالاردان تارتىنباۋ كەرەك.
قازاقستاننىڭ ۇلتتىق مۇددەگە نەگىزدەلگەن كوپۆەكتورلى سىرتقى ساياساتى باتىس پەن ەۋرازيالىق بلوك اراسىنداعى «جاڭا قىرعيقاباق سوعىسقا» تاپ بولعان كوپتەگەن باسقا ەلگە قاراعاندا بەلگىلى ءبىر ارتىقشىلىق بەرەدى.
قازاقستان تاكتيكالىق بارلاۋ ارقىلى وزگە ەلدەرمەن جاقسى قارىم-قاتىناسىن رەسەي مەن قىتايمەن بيزنەس جۇرگىزۋدى جالعاستىرعىسى كەلەتىن ەۋروپالىق جانە امەريكالىق ويىنشىلار ءۇشىن ەۋرازياداعى كوپىر بولۋعا قولدانا الادى. سەربيا مەن تۇركيا قازىر وسىنداي «كوپىر ەل» بولىپ وتىر, ماجارستان مەن بىرىككەن اراب امىرلىكتەرىنىڭ ءرولى ءالى انىقتاۋدى قاجەت ەتەدى.
قازاقستان تابيعي رەسۋرستارعا باي ەل جانە ونىڭ كەڭىنەن ءبولىنۋى الەۋمەتتىك ۇيىمشىلدىق پەن ينستيتۋتسيونالدىق ساياساتتا كەلىسىمگە كەلۋگە ىقپال ەتپەي قويمايدى. بۇل سونىمەن بىرگە ەكونوميكالىق تەتىكتەر مەن ەلدى باسقارۋدى تيىمدىرەك ەتەدى. ستراتەگيالىق سەكتورلاردى مەملەكەتتىڭ باقىلاۋى جانە شاعىن جانە ورتا كاسىپورىنداردى ىرىقتاندىرۋ باستى مىندەت بولۋعا ءتيىس.
ەگەر قازىرگى ەل بيلىگى جاريالاعان جاڭعىرۋ جوسپارىن قاتاڭ ۇستاناتىن بولسا, جاڭا قازاقستانعا بەتبۇرىس بولاتىنىنا سەنىمدىمىن.
ستەفانو ۆەرنولە,
ەۋرازيا ايماعىنىڭ گەوساياسي زەرتتەۋلەر جۋرنالى ديرەكتورىنىڭ ورىنباسارى, ەۋرازيا-جەرورتا تەڭىزى زەرتتەۋ ورتالىعىنىڭ سىرتقى بايلانىستار جونىندەگى ديرەكتورى (يتاليا)
