«ىشكى ىستەر مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ وسى جىلدىڭ 1 ساۋىرىنەن باستاپ جەكە كۋالىكتىڭ نەمەسە جۇرگىزۋشى كۋالىگىنىڭ قولدانىلۋ مەرزىمىنىڭ اياقتالۋى تۋرالى ازاماتتاردى ۇيالى تەلەفون نومىرىنە SMS-حابارلاما ارقىلى الدىن الا حاباردار ەتۋ تەتىگى ىسكە اسىرىلدى», دەپ جازىلعان حابارلامادا.
مۇنداي جاڭاشىلدىقتى ەنگىزۋ ەڭ الدىمەن ازاماتتاردىڭ جەكە باسىن كۋالاندىراتىن قۇجاتتاردىڭ قولدانىلۋ مەرزىمىنىڭ اياقتالۋىنا بايلانىستى اكىمشىلىك قۇقىقبۇزۋشىلىقتاردىڭ الدىن الۋعا, سونداي-اق الەۋمەتتىك-ەكونوميكالىق تۇرعىدان وسال ازاماتتارعا قوسىمشا قارجىلىق جۇكتەمەنى ازايتۋعا باعىتتالعان (اكىمشىلىك جاۋاپكەرشىلىككە تارتۋدى بولدىرماۋ ماقساتىندا).
«بۇگىنگى كۇنى جارامسىز جەكە كۋالىك بويىنشا 10 كۇننەن 1 ايعا دەيىن تۇرعانى ءۇشىن ەسكەرتۋ تۇرىندە اكىمشىلىك جاۋاپكەرشىلىك, 1 ايدان استام ۋاقىتقا 7 ايلىق ەسەپتىك كورسەتكىش نەمەسە 21 441 تەڭگە مولشەرىندە ايىپپۇل قاراستىرىلعان (قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 492-بابى).
قولدانىلۋ مەرزىمىنىڭ اياقتالۋىنا بايلانىستى اي سايىن جەكە كۋالىكتەردى اۋىستىرۋ ءۇشىن 77 مىڭعا دەيىن ازامات, وسى سەبەپپەن جۇرگىزۋشى كۋالىكتەرىن اۋىستىرۋ ءۇشىن 35 مىڭعا جۋىق ازامات جۇگىنەدى. وتكەن جىلدىڭ وزىندە جۇرگىزۋشى كۋالىكتەرىنىڭ مەرزىمى اياقتالعانىنا بايلانىستى كۋالىكتەردى اۋىستىرۋ ءۇشىن 915 مىڭ ادام جانە 400 مىڭنان استام ازامات جۇگىنگەن», - دەلىنگەن ۆەدومستۆو حابارلاماسىندا.
