ەلدە تەك ەكونوميكالىق ەمەس, سونىمەن بىرگە كوشباسشىلاردىڭ ساياسي شەشىمدەرىنە بايلانىستى الەۋمەتتىك پروبلەمالار جيناقتالىپ قالعان بولاتىن.
قازاقستان پرەزيدەنتى قاسىم-جومارت توقاەۆتىڭ جاڭاشىلدىققا تولى رەفورمالار پاكەتى مەملەكەتتى وركەندەتۋدىڭ تىڭ باعىتىنا اينالعانى داۋسىز. كوپتەگەن باستامانى بۇعان دەيىن مەملەكەتتىك اكىمشىلىك جانە ەل ەكونوميكاسىن باسقارعان ادامدار قابىلداعان جوق.
پرەزيدەنت قاسىم-جومارت توقاەۆ ءوزىنىڭ رەفورمالار پاكەتىندە پرەزيدەنتتىك بيلىكتى اسىرا پايدالانۋ مۇمكىندىگىن شەكتەگەندى ءجون دەپ تاپتى. سونداي-اق ول ەلدى باسقارۋدى جاڭا دەموكراتيالىق زاڭ شىعارۋشى ورگاننىڭ قولىنا بەرە وتىرىپ, شامادان تىس پرەزيدەنتتىك بيلىكتەن باس تارتادى. پرەزيدەنتتىڭ پارتيالار قۇرۋ كەزىندە كەدەرگىلەردى جويۋ جونىندەگى پارمەنى دە كوڭىلگە قوندى. بۇل قادام دا قازاقستان حالقى تاراپىنان ۇلكەن قولداۋ تاپقانى ءسوزسىز. جاڭا پارتيالىق جۇيەدە ءارتۇرلى الەۋمەتتىك جانە ايماقتىق مۇددەلەردى بىلدىرۋگە بولادى. بۇل باسقارۋدى ءبىرشاما قيىنداتاتىنى انىق, ويتكەنى زاڭ شىعارۋشى ورگان ءارتۇرلى كواليتسيالار قۇرۋعا ءماجبۇر بولاتىنى بەلگىلى.
پرەزيدەنت قاسىم-جومارت توقاەۆ قازاقستاندىقتاردىڭ سوڭعى 30 جىلداعى وزگەرىستەرىندە ماڭىزدى ءرول اتقارىپ كەلەدى. ول ەلدىڭ سىرتقى ىستەر مينيسترلىگىنىڭ, قازاقستان ديپلوماتياسىنىڭ نەگىزىن قالاۋشى بولدى, پرەمەر-مينيستر قىزمەتىن اتقارا ءجۇرىپ, ەلىنىڭ ەكونوميكالىق مۇمكىندىكتەرىن كورە الدى. ال بۇۇ-داعى ماڭىزدى لاۋازىمدارىنىڭ ارقاسىندا ول ءوز ەلىنە سىرت كوز رەتىندە سىنشى بولدى. ساياسي رەفورمالار مەن كونستيتۋتسيالىق تۇزەتۋلەر پاكەتىن قابىلداۋ – قازاقستان ءۇشىن العا قاراي جاسالعان ماڭىزدى قادام. وسى جاعىنان الىپ قاراعاندا ق.توقاەۆتىڭ باستامالارى قولداۋعا تۇرارلىق.
يانوش حوۆاري,
تۇركى مەملەكەتتەرى ۇيىمىنىڭ ماجارستانداعى وكىلى, ەلشى
