ەلورداداعى ۇلتتىق اكادەميالىق كىتاپحانادا ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ ۇيىمداستىرۋىمەن «قازاقستان ايتىس اقىندارى» اتتى انىقتامالىق كىتاپتىڭ, داۋلەتكەرەي كاپ ۇلىنىڭ «شەرتولعاق» اتتى ايتىستار جيناعى مەن ايتباي جۇماعۇلوۆتىڭ «قازاق ادەبيەتىنىڭ داۋىرلەۋ تاريحى» اتتى عىلىمي ەڭبەكتىڭ تۇساۋكەسەرى ءوتتى.
اقىن, «دارىن» مەملەكەتتىك جاستار سىيلىعىنىڭ لاۋرەاتى داۋلەتكەرەي كاپ ۇلىنىڭ «شەرتولعاق» جيناعى – ايتىس الاڭىنداعى جەمىستى دە جەڭىستى جىلدارىنىڭ ناتيجەلى ءبىر قورىتىندىسى ەكەن. تانىمال جىر جۇيرىكتەرىمەن ءسوز سايىستىرا توپتاستىرىلعان بۇل تۋىندىداعى انا ءتىلىمىزدىڭ عاجايىپ مۇمكىندىگى مەن بايلىعىن پاش ەتكەن كەلىستى دە كوركەمسوز كەستەلەرى, ورىندى تەڭەۋلەر مەن سۋرەت-بوياۋلار, قوعامداعى سان الۋان كوكەيكەستى ماسەلەلەرگە قاتىستى سالماقتى پىكىر, ساليقالى ويلار كىم-كىمدى دە بەيجاي قالدىرمايدى. ايتىسكەر اقىن, فيلولوگيا عىلىمدارىنىڭ كانديداتى ايتباي جۇماعۇلوۆتىڭ «قازاق ادەبيەتىنىڭ داۋىرلەۋ تاريحى» مونوگرافياسىندا ۇلتتىق ادەبيەتتانۋداعى قازاق ادەبيەتىنىڭ تاريحىن داۋىرلەۋدىڭ ءبىر عاسىرعا جۋىق عىلىمي تاجىريبەلەرى تالدانىپ, داۋىرلەۋدىڭ حرونولوگيالىق پرينتسيپتەرىنىڭ عىلىمي جانە ادىسنامالىق نەگىزدەرى قاراستىرىلىپتى.
ال «قازاقستان ايتىس اقىندارى» اتتى جيناقتا رەسپۋبليكانىڭ بارلىق ايماقتارىنداعى ايتىس ونەرىنە ەڭبەك ءسىڭىرىپ, ءتول ونەرىمىزدىڭ دامۋىنا ايتارلىقتاي ۇلەس قوسقان ارداگەر اقىنداردان باستاپ, بۋىنى بەكىپ كەلە جاتقان جاس ايتىسكەرلەرگە دەيىن ءمالىمەتتەر توپتاستىرىلىپتى. ايتىسكەرلەردىڭ قىسقاشا ءومىربايانى مەن ايتىستا ەل اۋزىندا قالعان ۇتقىر ويلى بىرەر شۋماقتار دا جاريالانىپتى.
ايتىس اقىندارىنىڭ جەتەكشىسى, اقىن ءجۇرسىن ەرمان جۇرگىزگەن باسقوسۋدا فيلولوگيا عىلىمدارىنىڭ دوكتورلارى مىرزاتاي جولداسبەكوۆ, نامازالى وماشەۆ, تۇرسىن جۇرتباەۆ, جازۋشى الىبەك اسقار جانە ايتىسكەر اقىندار مەن عالىمدار تۇساۋى كەسىلىپ وتىرعان كىتاپتارعا بايلانىستى ءسوز قوزعاپ, جالپى ايتىس ونەرى جونىندە دە وي-پىكىرلەرىن ورتاعا سالدى.
بەرىك سادىر,
«ەگەمەن قازاقستان».
اقىن, «دارىن» مەملەكەتتىك جاستار سىيلىعىنىڭ لاۋرەاتى داۋلەتكەرەي كاپ ۇلىنىڭ «شەرتولعاق» جيناعى – ايتىس الاڭىنداعى جەمىستى دە جەڭىستى جىلدارىنىڭ ناتيجەلى ءبىر قورىتىندىسى ەكەن. تانىمال جىر جۇيرىكتەرىمەن ءسوز سايىستىرا توپتاستىرىلعان بۇل تۋىندىداعى انا ءتىلىمىزدىڭ عاجايىپ مۇمكىندىگى مەن بايلىعىن پاش ەتكەن كەلىستى دە كوركەمسوز كەستەلەرى, ورىندى تەڭەۋلەر مەن سۋرەت-بوياۋلار, قوعامداعى سان الۋان كوكەيكەستى ماسەلەلەرگە قاتىستى سالماقتى پىكىر, ساليقالى ويلار كىم-كىمدى دە بەيجاي قالدىرمايدى. ايتىسكەر اقىن, فيلولوگيا عىلىمدارىنىڭ كانديداتى ايتباي جۇماعۇلوۆتىڭ «قازاق ادەبيەتىنىڭ داۋىرلەۋ تاريحى» مونوگرافياسىندا ۇلتتىق ادەبيەتتانۋداعى قازاق ادەبيەتىنىڭ تاريحىن داۋىرلەۋدىڭ ءبىر عاسىرعا جۋىق عىلىمي تاجىريبەلەرى تالدانىپ, داۋىرلەۋدىڭ حرونولوگيالىق پرينتسيپتەرىنىڭ عىلىمي جانە ادىسنامالىق نەگىزدەرى قاراستىرىلىپتى.
ال «قازاقستان ايتىس اقىندارى» اتتى جيناقتا رەسپۋبليكانىڭ بارلىق ايماقتارىنداعى ايتىس ونەرىنە ەڭبەك ءسىڭىرىپ, ءتول ونەرىمىزدىڭ دامۋىنا ايتارلىقتاي ۇلەس قوسقان ارداگەر اقىنداردان باستاپ, بۋىنى بەكىپ كەلە جاتقان جاس ايتىسكەرلەرگە دەيىن ءمالىمەتتەر توپتاستىرىلىپتى. ايتىسكەرلەردىڭ قىسقاشا ءومىربايانى مەن ايتىستا ەل اۋزىندا قالعان ۇتقىر ويلى بىرەر شۋماقتار دا جاريالانىپتى.
ايتىس اقىندارىنىڭ جەتەكشىسى, اقىن ءجۇرسىن ەرمان جۇرگىزگەن باسقوسۋدا فيلولوگيا عىلىمدارىنىڭ دوكتورلارى مىرزاتاي جولداسبەكوۆ, نامازالى وماشەۆ, تۇرسىن جۇرتباەۆ, جازۋشى الىبەك اسقار جانە ايتىسكەر اقىندار مەن عالىمدار تۇساۋى كەسىلىپ وتىرعان كىتاپتارعا بايلانىستى ءسوز قوزعاپ, جالپى ايتىس ونەرى جونىندە دە وي-پىكىرلەرىن ورتاعا سالدى.
بەرىك سادىر,
«ەگەمەن قازاقستان».
