«پرەزيدەنت جۇكتەگەن تاپسىرما بويىنشا 2025 جىلعا دەيىن ەلىمىزدە 1000 مەكتەپ سالىنادى. بۇل ءۇش اۋىسىمدى جانە اپاتتى مەكتەپتەر ماسەلەسىن شەشۋگە جانە دەموگرافيالىق وسىمنەن تۋىندايتىن وقۋشى ورىندارىنا تاپشىلىقتى جويۋعا باعىتتالعان. قالا مەن اۋىل مەكتەپتەرى اراسىنداعى ءبىلىم ساپاسىنىڭ الشاقتىعىن جويۋ ءۇشىن مەكتەپتەردى مودەرنيزاتسيالاۋ جالعاسۋدا. 2025 جىلعا قاراي سۇرانىسقا يە ماماندىقتار بويىنشا كوللەدجدە ءبىلىم الۋ 100% تەگىن بولادى. جوعارى وقۋ ورىندارىنا بەرىلەتىن گرانتتار سانى 75 مىڭعا دەيىن ۇلعايادى. ونىڭ ىشىندە تەحنيكالىق جانە ءىت سالالارعا گرانتتار 60%-عا دەيىن وسەدى», دەدى ەرالى توعاجانوۆ ءوز سوزىندە.
سونىمەن قاتار ول ەكونوميكاعا قاجەتتى كادرلار دايارلاۋعا ەرەكشە نازار اۋدارىلاتىنىن ايتتى.
