ماڭعىستاۋ وبلىسى بويىنشا قارجىلىق مونيتورينگ اگەنتتىگىنىڭ اۋماقتىق دەپارتامەنتىنىڭ قىزمەتكەرلەرى جالعان قۇجاتتاردى پايدالانا وتىرىپ, «جالعان ترانزيت» سحەماسى بويىنشا قازاقستان اۋماعىنا سالماعى 22 توننا تەمەكىنى زاڭسىز اكەلگەن شەتەلدىك ازاماتقا قاتىستى سوتقا دەيىنگى تەرگەۋدى اياقتادى.
بۇعان دەيىن ازىرلەنگەن قىلمىستىق جوسپار بويىنشا قاسكۇنەم ماڭعىستاۋ وبلىسىنىڭ «قۇرىق» تەڭىز پورتىنان جامبىل وبلىسىنا دەيىن قازاقستان اۋماعى ارقىلى «ازەربايجاننان اۋعانستانعا» ترانزيت دەپ وتىرىك ايتىپ, تەمەكى تيەلگەن جۇك كولىگىن جۇرگىزگەن.
الايدا ول الماتى وبلىسىنىڭ اۋماعىندا زاڭسىز جۇك ءتۇسىرۋ كەزىندە قىلمىس ۇستىندە ۇستالدى.
سوت باس بوستاندىعىنان ايىرۋ جازاسىن تاعايىندادى.
پايدالانىلعان جۇك كولىگى مەن زاڭسىز اكەلىنگەن تەمەكى مەملەكەت كىرىسىنە الىندى.
