تاتۋلىقتى تىرشىلىگىمىزدىڭ تىرەگىنە اينالدىرا بىلگەندىكتەن بولار, كوپۇلتتى مەملەكەتىمىزدە دوستىق پەن بىرلىك جىلجىعان جىلدارمەن بىرگە نىعايا تۇسۋدە. قازاقستان رەسپۋبليكاسى تاۋەلسىزدىگىن تورتكۇل دۇنيەگە پاش ەتكەندە ونى الەم حالىقتارى جاقسى قابىلداپ, ساناسىپ قانا قويماي, بارلىق سالا بويىنشا بىتە قايناسىپ, تىعىز قارىم-قاتىناس ورناتۋعا ۇمتىلعانى انىق. ەلباسى سارابدال ساياساتكەرلىگىن ءھام كورەگەندىگىن سول ءبىر شاقتا تانىتا ءبىلدى. ءسويتىپ, ەلىمىزدە حالىقارالىق قاتىناستىڭ وزىندىك مودەلى قالىپتاستى.
بۇل ساياسي تۇراقتىلىقتى ءىس جۇزىندە بەكىتىپ, نىعايتقانىن ۋاقىت كورسەتىپ وتىر. 130 ەتنوس وكىلى تۇراتىن مەملەكەتتە اۋەلگى كەزەكتە ىنتىماق ورنادى. مۇندايدا قازاق «ىرىس الدى – ىنتىماق» دەگەن ەمەس پە؟! قازاقستان پرەزيدەنتى نۇرسۇلتان نازارباەۆ ءداستۇرلى جولداۋلارىندا سانامىزعا سىڭىرگەن ۇلتارالىق كەلىسىمدى, تاتۋلىقتى ساقتاۋدى ءوزىمىز عانا ويلاپ قويماي, سوڭىمىزدان ىلەسكەن ۇرپاعىمىزعا ۇدايى ايتىپ, ءىس جۇزىندە ورىنداتىپ تا ءجۇرمىز.
ءوزىم ەڭبەك ەتەتىن «سترويتەل» جاۋاپكەرشىلىگى شەكتەۋلى سەرىكتەستىگى – كوپۇلتتى ۇجىم. وتە تاتۋمىز. 20 جىلدان بەرى تۇراقتى جۇمىس ىستەگەندىكتەن, ۇجىمىمىز ەكونوميكالىق دامۋدا دا, الەۋمەتتىك تۇرعىدا دا جاقسى جەتىستىكتەرگە جەتۋدە. ءبىز شىعاراتىن ونىمدەرىمىز – كەرامزيت, كەرامزيت كىرپىشتەرى, كەرامزيت بلوكتارى ۇلكەن سۇرانىسقا يە. زاۋىتتا جۇمىسشىلار اسحاناسى بار. ۇجىم جۇمىسشىلارى «نۇر-اۆياتسەنۋم» كارديولوگيالىق ورتالىعىندا تەگىن تەكسەرۋدەن ءوتىپ, ەمدەلە الادى. جۇمىسشىلاردىڭ ەمدەلگەندىگىن راستايتىن انىقتاماعا ساي اقى تولەنەدى. كەزەكتى ەڭبەك دەمالىسىنا دا جۇمىسشىلار ۋاقتىلى جىبەرىلىپ, اقىسى تولەنەدى جانە مەرەكەلىك سىيلىقتار ۇلەستىرىلىپ, قۇرىلىسشىلار كۇنى مەرەكەسىنە وراي اقشالاي سىياقى دا بەرىلەدى. سونىمەن قاتار, جۇمىسشىلاردىڭ بالالارىن دا رەتىنە وراي دەمالتىپ, ءتۇرلى سپورت جارىستارىن ۇيىمداستىرىپ وتىرۋ دا ءبىزدىڭ نازارىمىزدان تىس قالعان ەمەس. وسىنىڭ بارلىعى, تۇپتەپ كەلگەندە, ۇجىم ءمۇشەلەرىنىڭ ۇلتقا بولىنبەي تاتۋ-ءتاتتى, ءبىرلەسە ەڭبەك ەتكەنىنىڭ ءناتيجەسىمەن كەلىپ وتىر.
شىنى كەرەك, ءبىزدىڭ جۇرەگىمىزدە 1 مامىر – حالىقارالىق ىنتىماق كۇنى جىلى ورىن العان. بالا كۇنىمىزدەن وسى كۇندى اسىعا كۇتەتىن ەدىك. جالپىحالىقتىق مەرەكەگە اينالدىرعان اۋىلداستارىمىز وسى شارا ارقىلى سانامىزعا بىرلىكتى, ىنتىماقتى, دوستىقتى سىڭىرە بەرىپتى عوي. ەندى, مىنە, بۇل كۇندى زامان تالابىنا ساي ەتىپ, قازاقستان حالقىنىڭ بىرلىگى كۇنى دەپ جاڭاشا اتاپ ءجۇرمىز. بۇل دا تاۋەلسىز ەل ءۇشىن اسا قاجەت مەرەكە ەكەنى انىق. ال ارعى تاريحتى قازبالاماي, وزىمنەن باستاپ ايتسام, ۇلتقا ءبولۋ ماعان جات. وزگەلەر تاراپىنان الدا-جالدا بىردەڭە بايقاپ قالسام, بىردەن تىيىپ تاستايمىن. قۇدايعا ءشۇكىر, وزىندىك ىقپال-بەدەلىم بار. وڭاشا وتىرعاندا سونداي ارەكەتتەردى وي ەلەگىنەن وتكىزىپ, ۇجىم مۇشەلەرىنىڭ تاتۋ بولىپ, ءبىر جاعادان باس, ءبىر جەڭنەن قول شىعارىپ ەڭبەك ەتۋلەرىنە بارلىق جاعدايدى جاساۋعا ۇمتىلامىن. ول قادامىم يگىلىكتىڭ باستاۋى بولىپ تا ءجۇر.
جالپى, جەتىسۋ جەرىندە تۇراتىن 103 ەتنوس وكىلى مەنى تاتۋلىعىمەن ءتانتى ەتەدى. سوندىقتان دا بولار, «ءبىزدىڭ بايلىعىمىز – ءار ۇلتتان بولعاندىعىمىز بولسا, كۇشىمىز – بىرلىگىمىزدە» دەگەن ءسوز ءدال تاۋىپ ايتىلعان. بۇل ۇلاعاتتى ءسوزدى ءبىزدىڭ ۇجىم مۇشەلەرى اركەز ايتىپ قانا قويماي, ناقتى ءىس جۇزىنە اسىرىپ ءجۇر. مىنە, بۇل – ءبىزدىڭ تاتۋلىعىمىز تىرشىلىگىمىزدىڭ تىرەگىنە اينالعاندىعىنىڭ جارقىن دالەلى.
الەكساندر بۋزىكين,
قازاقستان حالقى اسسامبلەياسىنىڭ مۇشەسى,
الماتى وبلىستىق ورىس ەتنومادەني
بىرلەستىگىنىڭ توراعاسى.
الماتى وبلىسى,
كوكسۋ اۋدانى,
بالپىق بي كەنتى.
بۇل ساياسي تۇراقتىلىقتى ءىس جۇزىندە بەكىتىپ, نىعايتقانىن ۋاقىت كورسەتىپ وتىر. 130 ەتنوس وكىلى تۇراتىن مەملەكەتتە اۋەلگى كەزەكتە ىنتىماق ورنادى. مۇندايدا قازاق «ىرىس الدى – ىنتىماق» دەگەن ەمەس پە؟! قازاقستان پرەزيدەنتى نۇرسۇلتان نازارباەۆ ءداستۇرلى جولداۋلارىندا سانامىزعا سىڭىرگەن ۇلتارالىق كەلىسىمدى, تاتۋلىقتى ساقتاۋدى ءوزىمىز عانا ويلاپ قويماي, سوڭىمىزدان ىلەسكەن ۇرپاعىمىزعا ۇدايى ايتىپ, ءىس جۇزىندە ورىنداتىپ تا ءجۇرمىز.
ءوزىم ەڭبەك ەتەتىن «سترويتەل» جاۋاپكەرشىلىگى شەكتەۋلى سەرىكتەستىگى – كوپۇلتتى ۇجىم. وتە تاتۋمىز. 20 جىلدان بەرى تۇراقتى جۇمىس ىستەگەندىكتەن, ۇجىمىمىز ەكونوميكالىق دامۋدا دا, الەۋمەتتىك تۇرعىدا دا جاقسى جەتىستىكتەرگە جەتۋدە. ءبىز شىعاراتىن ونىمدەرىمىز – كەرامزيت, كەرامزيت كىرپىشتەرى, كەرامزيت بلوكتارى ۇلكەن سۇرانىسقا يە. زاۋىتتا جۇمىسشىلار اسحاناسى بار. ۇجىم جۇمىسشىلارى «نۇر-اۆياتسەنۋم» كارديولوگيالىق ورتالىعىندا تەگىن تەكسەرۋدەن ءوتىپ, ەمدەلە الادى. جۇمىسشىلاردىڭ ەمدەلگەندىگىن راستايتىن انىقتاماعا ساي اقى تولەنەدى. كەزەكتى ەڭبەك دەمالىسىنا دا جۇمىسشىلار ۋاقتىلى جىبەرىلىپ, اقىسى تولەنەدى جانە مەرەكەلىك سىيلىقتار ۇلەستىرىلىپ, قۇرىلىسشىلار كۇنى مەرەكەسىنە وراي اقشالاي سىياقى دا بەرىلەدى. سونىمەن قاتار, جۇمىسشىلاردىڭ بالالارىن دا رەتىنە وراي دەمالتىپ, ءتۇرلى سپورت جارىستارىن ۇيىمداستىرىپ وتىرۋ دا ءبىزدىڭ نازارىمىزدان تىس قالعان ەمەس. وسىنىڭ بارلىعى, تۇپتەپ كەلگەندە, ۇجىم ءمۇشەلەرىنىڭ ۇلتقا بولىنبەي تاتۋ-ءتاتتى, ءبىرلەسە ەڭبەك ەتكەنىنىڭ ءناتيجەسىمەن كەلىپ وتىر.
شىنى كەرەك, ءبىزدىڭ جۇرەگىمىزدە 1 مامىر – حالىقارالىق ىنتىماق كۇنى جىلى ورىن العان. بالا كۇنىمىزدەن وسى كۇندى اسىعا كۇتەتىن ەدىك. جالپىحالىقتىق مەرەكەگە اينالدىرعان اۋىلداستارىمىز وسى شارا ارقىلى سانامىزعا بىرلىكتى, ىنتىماقتى, دوستىقتى سىڭىرە بەرىپتى عوي. ەندى, مىنە, بۇل كۇندى زامان تالابىنا ساي ەتىپ, قازاقستان حالقىنىڭ بىرلىگى كۇنى دەپ جاڭاشا اتاپ ءجۇرمىز. بۇل دا تاۋەلسىز ەل ءۇشىن اسا قاجەت مەرەكە ەكەنى انىق. ال ارعى تاريحتى قازبالاماي, وزىمنەن باستاپ ايتسام, ۇلتقا ءبولۋ ماعان جات. وزگەلەر تاراپىنان الدا-جالدا بىردەڭە بايقاپ قالسام, بىردەن تىيىپ تاستايمىن. قۇدايعا ءشۇكىر, وزىندىك ىقپال-بەدەلىم بار. وڭاشا وتىرعاندا سونداي ارەكەتتەردى وي ەلەگىنەن وتكىزىپ, ۇجىم مۇشەلەرىنىڭ تاتۋ بولىپ, ءبىر جاعادان باس, ءبىر جەڭنەن قول شىعارىپ ەڭبەك ەتۋلەرىنە بارلىق جاعدايدى جاساۋعا ۇمتىلامىن. ول قادامىم يگىلىكتىڭ باستاۋى بولىپ تا ءجۇر.
جالپى, جەتىسۋ جەرىندە تۇراتىن 103 ەتنوس وكىلى مەنى تاتۋلىعىمەن ءتانتى ەتەدى. سوندىقتان دا بولار, «ءبىزدىڭ بايلىعىمىز – ءار ۇلتتان بولعاندىعىمىز بولسا, كۇشىمىز – بىرلىگىمىزدە» دەگەن ءسوز ءدال تاۋىپ ايتىلعان. بۇل ۇلاعاتتى ءسوزدى ءبىزدىڭ ۇجىم مۇشەلەرى اركەز ايتىپ قانا قويماي, ناقتى ءىس جۇزىنە اسىرىپ ءجۇر. مىنە, بۇل – ءبىزدىڭ تاتۋلىعىمىز تىرشىلىگىمىزدىڭ تىرەگىنە اينالعاندىعىنىڭ جارقىن دالەلى.
الەكساندر بۋزىكين,
قازاقستان حالقى اسسامبلەياسىنىڭ مۇشەسى,
الماتى وبلىستىق ورىس ەتنومادەني
بىرلەستىگىنىڭ توراعاسى.
الماتى وبلىسى,
كوكسۋ اۋدانى,
بالپىق بي كەنتى.
