قوعام • 05 ءساۋىر، 2022

قازاقستان دۇرىس تاماقتانبايتىن ەلدەر تىزىمىندە تۇر

56 رەت كورسەتىلدى

دەنساۋلىق ساقتاۋ ءمينيسترى اجار عينيات ۇكىمەتتىڭ كەزەكتى وتىرىسىندا قازاقستان حالقى دۇرىس تاماقتانبايتىن ەلدەر تىزىمىنە كىرەتىنىن مالىمدەدى، دەپ حابارلايدى Egemen.kz.

«حالىقتىڭ تاعامدىق ادەتتەرىنە قاتىستى تۇزدى تۇتىنۋدىڭ جوعارى دەڭگەيىن اتاپ وتكىم كەلەدى. سونىمەن قاتار، قازاقستاندىقتار كوكونىستەر مەن جەمىستەردى تاۋلىگىنە 200-230 گرامم عانا تۇتىنادى، ددۇ ۇسىنعان نورما – 400-500 گرامم. قازاقستان ورتا ازيا مەن ەۋروپانىڭ ەڭ دۇرىس تاماقتانبايتىن 21 ەلىنىڭ اراسىندا 9-شى ورىندا تۇر»، دەدى دەنساۋلىق ساقتاۋ ءمينيسترى اجار عينيات.

ونىڭ ايتۋىنشا، 2013-2018 جىلدار ارالىعىندا قۇرامىندا قانت بار سۋسىنداردى ءوندىرۋ كولەمىنىڭ 25%-عا ءوسۋى جانە سونىڭ سالدارىنان ولاردى تۇتىنۋدىڭ 13%-عا ءوسۋى بايقالادى.

«قازاقستاندا سوزىلمالى ينفەكتسيالىق ەمەس اۋرۋلاردىڭ ءوسۋى دەنساۋلىق ساقتاۋ جۇيەسىنە دە، جالپى ەل ەكونوميكاسىنا دا جۇكتەمەنىڭ ۇلعايۋىنا ىقپال ەتەدى. سوڭعى زەرتتەۋگە سايكەس، جۇرەك-تامىر اۋرۋلارى، قانت ديابەتى، سوزىلمالى تىنىس الۋ جانە قاتەرلى ىسىك اۋرۋلارىنان مەزگىلسىز قايتىس بولۋ ىقتيمالدىعى 27%-دى قۇرايدى»، دەپ قوستى ۆەدومستۆو باسشىسى.

مينيستر قانت ديابەتىمەن سىرقاتتانۋشىلىقتىڭ 62%-عا وسكەنىن اتاپ ءوتتى.

ونىڭ ايتۋىنشا، ينفەكتسيالىق ەمەس اۋرۋلاردى ازايتۋ ءۇشىن قۇرامىندا قانت بار سۋسىندارعا اكتسيزدەر ەنگىزۋ جانە بالالار اراسىندا سكوليوز بەن ميوپيانىڭ الدىن الۋ بويىنشا باعدارلامالار ازىرلەۋ جوسپارلانۋدا.

سونداي-اق، «سالاۋاتتى اسحانالار»، «سالاۋاتتى ءدامحانالار»، «سالاۋاتتى دۇكەندەر» باعدارلامالارىن ازىرلەۋ جوسپاردا بار.

سونىمەن قاتار، بالالاردىڭ سەمىزدىگىن، وقۋشىلاردىڭ فيزيكالىق جانە پسيحيكالىق دەنساۋلىعىنا اسەر ەتەتىن ءومىر سالتىن ەپيدەميولوگيالىق قاداعالاۋ، جاستار اراسىندا پسيحوبەلسەندى زاتتاردى قولدانۋ جانە 13-15 جاستاعى بالالار مەن ەرەسەكتەرگە تەمەكى ونىمدەرىن تۇتىنۋ تۋرالى جاھاندىق ساۋالناما جۇرگىزۋ بويىنشا زەرتتەۋلەر جۇرگىزۋ جوسپارلانۋدا.

قابىلدانعان شارالار ناتيجەسىندە 2025 جىلعا قاراي دەنساۋلىق ساقتاۋ مينيسترلىگىندە سالاۋاتتى ءومىر سالتىن ۇستاناتىن ازاماتتار ۇلەسىنىڭ 19%-دان 45%-عا دەيىن ۇلعايۋى، حالىق اراسىندا تەمەكى شەگۋدىڭ تارالۋىنىڭ 15 جاستان 21،5%-دان 19%-عا دەيىن تومەندەۋى، بالالار اراسىندا سەمىزدىكپەن سىرقاتتانۋشىلىقتىڭ 100 مىڭ تۇرعىنعا شاققاندا 95،7-دەن 90-عا دەيىن تومەندەۋى كۇتىلەدى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

ۇقساس جاڭالىقتار