ماسەلەلەر قولما-قول شەشىلگەن قوعامدىق قابىلداۋ

«نۇر وتان» پارتياسىنىڭ قوعامدىق قابىلداۋىندا ازاماتتارمەن كەزدەسۋ بارىسىندا دەنساۋلىق ساقتاۋ ءمينيسترى ساليدات قايىربەكوۆا پروبلەمالىق ماسەلەلەردى شەشىپ بەردى. مىسالى, پاۆلودار وبلى­سىنىڭ تۇرعىنى, وڭ جاق جامباس بۋىنى تۋعانىنان سىرقات 3-توپتاعى مۇگەدەك گ.كەنجاحمەت ەندى استانا قالاسىنداعى تراۆماتولوگيا جانە ورتوپەديا عىلىمي-زەرتتەۋ ينستيتۋتىنا جاتقىزىلاتىن بولادى. سونىمەن قاتار, ازاماتشا ك.قۇلماەۆا دا استانا قالاسىنداعى رەسپۋبليكالىق نەيروحيرۋرگيا عىلىمي ورتالىعىنا جاتقىزىلادى. استانا قالاسىنىڭ تۇرعىنى ك.ءامىروۆ پەن قوسشى اۋىلىندا تۇراتىن د.ابىشەۆ مۇگەدەكتىكتى رەسىمدەۋ ءۇشىن كومەكتەسۋدى سۇرادى. ازاماتتاردىڭ ماسەلەلەرى بويىنشا س.قايىربەكوۆا ەڭبەك جانە حالىقتى الەۋمەتتىك قورعاۋ مينيسترلىگىنىڭ ءبىرىنشى باسشىسىمەن مۇگەدەكتىكتى رەسىمدەۋ جانە جۇمىسقا ورنالاسۋ جايىن شەشۋ جونىندە اڭگىمەلەستى. د.ابىشەۆكە استانا قالاسىنداعى تراۆماتولوگيا جانە ورتوپەديا عىلىمي-زەرتتەۋ ينستيتۋتىنا جاتقىزىلۋىنا كومەكتەسىلگەن. ۆيللەبراند اۋرۋىمەن ناۋ­قاستاناتىن 2-توپتاعى مۇگەدەك ب.نۇرعۇزوۆانىڭ ماسەلەسى بويىنشا گەر­ما­نيا­داعى پروفەسسورمەن ونلاين رەجىمدە كونسۋلتاتسيا وتكىزىلدى. قاتەرلى ىسىكتىڭ 3-دەڭگەيىنە شالدىققان اكەسى­نىڭ ەمدەلۋىنە قاتىستى ساۋال قويعان ازاماتشا ا.مول­داگەلديەۆانىڭ ماسەلەسى دە سول جەردە شەشى­مىن تاپتى. ول استاناداعى ونكولوگيالىق ديسپانسەردە ەم الاتىن بولادى. قابىلداۋعا الدىن الا جازىلعان ازاماتتاردان باسقا, مينيستر قابىلداۋ ۋاقى­تىندا كەلگەن ازاماتتارمەن دە كەزدەستى. ال دارىگەر م.دوسىباەۆتى قالاداعى مەديتسينا ۇيىم­دارىنىڭ بىرىنە ەپيدەميولوگ رەتىندە جۇمىسقا ورنالاستىرۋ ءۇشىن استانا قالاسى دەنساۋلىق ساقتاۋ باسقارماسىنا تاپسىرما بەرىلدى, دەپ حابارلادى دەنساۋلىق ساقتاۋ مينيسترلىگىنىڭ ءباسپاسوز قىزمەتى.