جازعى مەكتەپكە 9-11 سىنىپ وقۋشىلارى عانا قاتىسپايدى. سەبەبى ولار بۇل ۋاقىتتا ەمتيحان تاپسىرادى.
سونداي-اق جازعى ساباقتار ادەتتەگى فورماتتان وزگەشە وتەدى. ماسەلەن, ماتەماتيكا, فيزيكا, اعىلشىن ءتىلى جانە وزگە ماڭىزدى پاندەر بويىنشا يكەمدى وقۋ كەستەسى ۇيىمداستىرىلىپ, ساباقتار مۇراجايلارعا جانە ەكسكۋرسيالارعا بارۋ تۇرىندە دە وتەدى.
«جازعى مەكتەپتە وقۋشىلارعا باعا قويىلمايدى جانە ءۇي تاپسىرماسى بەرىلمەيدى. جازعى ۋاقىتتاعى وقۋ بارىنشا قىزىقتى ءارى مازمۇندى ءوتۋ ءۇشىن بارلىق جاعداي جاسالادى. كەي بالالار رەپەتيتورلارمەن اقىلى كۋرستارعا بارىپ, قوسىمشا ءبىلىم الادى. وسى ورايدا جازعى مەكتەپ ءبىلىمدى شىڭداۋدىڭ جاقسى مۇمكىندىگى. ويتكەنى, ءوز مۇعالىمدەرى وقۋشىلارىنىڭ كۇشتى جانە ءالسىز جاقتارىن وزگەلەردەن جاقسى بىلەدى», دەدى گۇلميرا كارىموۆا.
