كەۋدەسىن وققا توسەگەن اعا ۇرپاق وكىلدەرىن ونەگەلى ۇرپاقتىڭ جۇرەك جىلۋىنا بولەيىك

ۇلى وتان سوعىسى! ادام­زات تاريحىندا ءدال وسىنداي سۇراپىل بولعان ەمەس. 30 ميلليونعا جۋىق ادام وققا ۇشتى, سان مىڭ­دا­عان بوزداق قىرشىن كەتتى. كونتس­لاگەرلەردە جان­تۇر­شى­گەرلىك ازاپتان ولگەندەر مەن زور­­لىق-زومبىلىققا ۇشى­را­عان­داردىڭ جان ءتاسىلىمى ءالى كۇنگە ەستىلەتىندەي. فا­شيزم­نىڭ قاتىگەزدىگى مەن جىرت­قىشتىعى ورتا­عا­سىر­لىق ينكۆيزاتسيادان الدەقايدا اسىپ ءتۇستى. ادام­زاتتىڭ جارتىسىن – قۇل­دىق, جارتىسىن جويىلىپ كەتۋ قاۋپى كۇتىپ تۇردى. ءتىر­شىلىكتىڭ تىنىسى تارىلدى. مىنە, وسىنداي اقىر­زا­ماننان جەر-جاھاندى قۇت­قارىپ قالعان ەرلەردى ادام­زات­تى ازات ەتۋشىلەر دە­سەك لايىقتى. بۇگىندە سول قا­ھار­­­مانداردىڭ قاتارى ءاب­دەن سيرەگەن. قازاقستان رەسپۋب­لي­كاسىندا ولار – 6300 عانا. كو­بىنىڭ جاسى توق­­ساننان اس­قان. ماسكەۋدى قور­عاعان, كيەۆ­تى ازات ەتكەن, ەۋرا­زيا­عا تى­نىش­تىعىن قاي­تا­رىپ بەر­گەن, بەرلينگە جەڭىس تۋىن تىككەن باتىرلار ەندى اقسا­قالدى الديارلار. وسى ارداقتى اتالارىمىزدى, بارشامىزعا بۇگىنگى بەيبىت ءومىردى سىيلاعان اسىلدارىمىزدى ۇلى جەڭىستىڭ 70 جىلدىعى قارساڭىندا ۇلا­عاتتى ەلگە ءتان قۇرمەتپەن قۋان­تايىق. ولاردى قارا­عان­­دىلىقتار سەكىلدى كوم­مۋ­نال­دىق-تۇرمىستىق تولەم­دەر­دەن ءبىرجولا بوساتايىق. سۋدى دا, جىلۋدى دا, ەلەكتر قۋاتىن دا تەگىن پايدالانسىن. كەۋدەسىن وققا توسەگەن ەرلەردى ونەگەلى ۇرپاقتىڭ جۇرەك جىلۋىنا وسىلاي بولەيىك دەگىم كەلەدى. الدان سمايىل, ءماجىلىس دەپۋتاتى.