ۆاسيلي جيروۆ بۇگىن 48 جاسقا تولىپ وتىر. قازىرگى قاراعاندى وبلىسىنا قاراستى بالقاش قالاسىندا تۋىپ-وسكەن ول بوزبالا شاعىنان اتاقتى باپكەر الەكساندر اپاچينسكيدىڭ قول استىندا جاتتىقتى. ءوزىنىڭ ەڭ العاشقى ەلەۋلى تابىسىنا جەرلەسىمىز 1990 جىلى ماسكەۋدە وتكەن بۇكىلوداقتىق وقۋشىلار سپارتاكياداسى مەن جاسوسپىرىمدەردىڭ كسرو بىرىنشىلىگىندە قول جەتكىزدى. بۇل جارىستاردا ۆاسيا باس جۇلدەنى ولجالادى. كوپ ۇزاماي جاستاردىڭ وداق بىرىنشىلىگىندە قولا مەدالدى يەلەنىپ, ەۋروپا چەمپيونى اتاندى. ەرەسەكتەردىڭ تمد چەمپيوناتىندا توپ جاردى.
قازاقستان تاۋەلسىزدىك العاننان كەيىن ءجيروۆتىڭ جەڭىستى جولى باستالدى. 1993 جانە 1995 جىلدارى الەم چەمپيوناتىندا قولا مەدالدى ولجالاعان وتانداسىمىز 1996 جىلى اتلانتادا الاۋى تۇتانعان وليمپيا ويىندارىندا 81 كيلو سالماق دارەجەسىندە دارا شىعىپ, اتالعان جارىستىڭ ەڭ ۇزدىك بوكسشىسىنا تيەسىلى باركەر كۋبوگىن يەلەندى. ودان بولەك ازيا ويىندارىنىڭ جەڭىمپازى اتانىپ, قۇرلىق بىرىنشىلىگىندە تەڭدەسسىز دەپ تانىلدى.
1997-2009 جىلدار ارالىعىندا ۆاسيلي جيروۆ كاسىپقوي رينگتە كۇش سىناستى. بۇل رەتتە دە ول تولاعاي تابىستارعا قول جەتكىزدى. 1999 جىلى امەريكالىق ارتۋر ۋيليامستى جەتىنشى راۋندتا ۇرىپ جىعىپ, ءبىرىنشى اۋىر سالماقتا الەم چەمپيونى اتاندى. ودان كەيىنگى ءۇش جىل ارالىعىندا التى قارسىلاسىن قاپى قالدىرىپ, وزىنە تيەسىلى اتاقتى ءساتتى قورعادى. كەيىننەن «بالقاشتىڭ بارىسى» اۋىر سالماقتا سايىسقا ءتۇستى. كاسىپقويلار اراسىندا بارلىعى 42 رەت جەكپە-جەككە شىققان جيروۆ 38 رەت جەڭىسكە جەتتى. 32 قارسىلاسىن ەسىنەن تاندىردى. ءۇش رەت ۇتىلىپ, ءبىر باسەكەدە تەڭ ەسەپ تىركەلدى. ءۆاسيليدىڭ ەسىمى كاسىپقوي بوكستان قازاقستاننان شىققان تۇڭعىش الەم چەمپيونى رەتىندە تاريحتا قالدى.
قۇيرىقتى جۇلدىزداي جارق ەتكەن بەكزات ساتتارحانوۆ كوزى ءتىرى بولعاندا بۇگىن 42 جاسقا تولاتىن ەدى. بىراق اجال ونى ارامىزدان تىم ەرتە ج ۇلىپ اكەتتى. 2000 جىلدىڭ 31 جەلتوقسانىندا جورا-جولداستارىمەن بىرگە جاڭا جىلدى قارسى الۋ ءۇشىن ءوزىنىڭ تۋعان جەرى – تۇركىستاننان وبلىس ورتالىعى – شىمكەنتكە اتتانىپ بارا جاتقاندا, الاشتىڭ التىن اسىقتاي ۇلى جول اپاتىنان قازا تاپتى. ول كەزدە بەكزات نەبارى 20 جاستا ەدى.
ساتتارحانوۆتىڭ ءبىر ەرەكشەلىگى, ول ەرەسەكتەردىڭ ەل چەمپيوناتىندا دارالانباي-اق قىراعى مامانداردىڭ نازارىنا ىلىكتى. بۇعان دەيىن قانداسىمىز تەك جاسوسپىرىمدەر اراسىنداعى الەم جانە ازيا بىرىنشىلىكتەرىنىڭ كۇمىس مەدالدارىن يەلەنگەن ەدى. دەسەك تە جاس بىلعارى قولعاپ شەبەرىنىڭ بويىندا بۇلا كۇشتىڭ بۇعىپ جاتقانىن ءدوپ باسقان بىلىكتى باپكەر تۇرسىنعالي ەدىلوۆ بەكزاتتى ۇلتتىق قۇراما ساپىنا قابىلدادى. ول وزىنە ارتىلعان سەنىمدى تولىعىمەن اقتادى. 1999 جىلى تاشكەنتتە وتكەن ازيا چەمپيوناتىندا ەكىنشى ورىنعا تابان تىرەگەن ساتتارحانوۆ عاسىرلار توعىسىندا سيدنەيدە الاۋى تۇتانعان وليمپيا ويىندارىندا كۇش سىناسۋ قۇرمەتىنە يە بولدى.ۇيرىقتى جۇلدىزداي جارق ەتكەن بەكزات ساتتارحانوۆ كوزى ءتىرى بولعاندا بۇگىن 42 جاسقا تولاتىن ەدى. بىراق اجال ونى ارامىزدان تىم ەرتە ج ۇلىپ اكەتتى. 2000 جىلدىڭ 31 جەلتوقسانىندا جورا-جولداستارىمەن بىرگە جاڭا جىلدى قارسى الۋ ءۇشىن ءوزىنىڭ تۋعان جەرى – تۇركىستاننان وبلىس ورتالىعى – شىمكەنتكە اتتانىپ بارا جاتقاندا, الاشتىڭ التىن اسىقتاي ۇلى جول اپاتىنان قازا تاپتى. ول كەزدە بەكزات نەبارى 20 جاستا ەدى.
جاسىل قۇرلىقتا وتكەن جارىستا بەكزاتتىڭ جاسىنداي جارقىلداعانى كۇنى بۇگىنگىدەي كوز الدىمىزدا. باستاپقى باسەكەلەردە رۋمىنيالىق وۆيديۋ بوبىرنات پەن دجەففري ماتەبۋلانى وڭاي ەڭسەرگەن تۇركىستاننىڭ تاستۇلەگى شيرەك فينالدا تۇركيانىڭ داڭقتى بوكسشىسى رامازي پاليانيدەن ايلاسىن اسىردى. جارتىلاي فينالدا ماروككولىق تاحار ءتامسامانيدى, ال اقتىق ايقاستا امەريكالىق ريكاردو حۋارەستى جەڭدى. سويتكەن ساتتارحانوۆ قازاق بوكسشىلارى اراسىنان العاشقى بولىپ وليمپيادا چەمپيونى اتاندى.
ورەلى ونەرىمەن قالىڭ كورەرمەندى قۋانتىپ جۇرگەن دميتري بالاندين 27 جاسقا تولدى. جاستايىنان ءجۇزۋ سپورتىن سەرىك ەتكەن الماتىنىڭ تۋماسى العاش رەت 2014 جىلى ينچحوندا وتكەن جازعى ازيا ويىندارىندا تەڭدەسسىز ونەرىمەن ءدۇيىم جۇرتتى تامساندىردى. ول 50, 100 جانە 200 مەترگە براسس ادىسىمەن جۇزۋدە الدىنا جان سالماي, التىن تۇعىرعا كوتەرىلدى. بۇل تابىسىنىڭ كەزدەيسوق ەمەستىگىن ديما 2015 جىلى كۆاندجۋدا جالاۋى جەلبىرەگەن دۇنيەجۇزىلىك ۋنيۆەرسيادادا دالەلدەدى. وتانداسىمىز 100 مەترلىك سايىستا قارسىلاس شاق كەلتىرمەدى.
2016 جىلى برازيليانىڭ ريو-دە-جانەيرو قالاسىندا شىمىلدىعى تۇرىلگەن وليمپيا ويىندارىندا بالاندين ۇلكەن ەرلىك جاسادى. براسس ادىسىمەن 200 مەترگە جۇزۋدە ول تەڭدەسسىز دەپ تانىلدى. كۇمىس مەدال اقش-تىڭ وكىلى دجوش پرەنوتقا بۇيىرسا, قولا جۇلدەنى رەسەيلىك انتون چۋپكوۆ يەلەندى. سونداي-اق ءبالانديننىڭ وسى جارىس بارىسىندا امەريكالىق كەۆين كوردەس پەن گەرمانيالىق ماركو كوح سىندى اتاعى الىسقا جايىلعان سپورتشىلاردى سان سوقتىرعانىن ايتا كەتكەن ابزال.رەلى ونەرىمەن قالىڭ كورەرمەندى قۋانتىپ جۇرگەن دميتري بالاندين 27 جاسقا تولدى. جاستايىنان ءجۇزۋ سپورتىن سەرىك ەتكەن الماتىنىڭ تۋماسى العاش رەت 2014 جىلى ينچحوندا وتكەن جازعى ازيا ويىندارىندا تەڭدەسسىز ونەرىمەن ءدۇيىم جۇرتتى تامساندىردى. ول 50, 100 جانە 200 مەترگە براسس ادىسىمەن جۇزۋدە الدىنا جان سالماي, التىن تۇعىرعا كوتەرىلدى. بۇل تابىسىنىڭ كەزدەيسوق ەمەستىگىن ديما 2015 جىلى كۆاندجۋدا جالاۋى جەلبىرەگەن دۇنيەجۇزىلىك ۋنيۆەرسيادادا دالەلدەدى. وتانداسىمىز 100 مەترلىك سايىستا قارسىلاس شاق كەلتىرمەدى.
