مەكتەپ وقۋشىسى فەيسبۋكتاعى سۋرەت ءۇشىن قۇربىسىن پىشاقتاپ ءولتىردى

مەكسيكالىق ەليزابەت گۋتەررەس Facebook  الەۋمەتتىك جەلىسىنە جاريالانعان سۋرەت ءۇشىن ەڭ جاقىن قۇربىسى انەل باەزدى پىشاقتاپ ءولتىردى. بۇل تۋرالى Utro.ru حابارلادى. ءجاسوسپىرىم بۇل ارەكەتكە قۇربىسىنىڭ ەكەۋى جالاڭاشتانىپ تۇسكەن سۋرەتىن الەۋمەتتىك جەلىگە جاريالاعانى ءۇشىن بارعان ەكەن. تەرگەۋ امالدارىنىڭ دەرەگى بويىنشا, ە.گۋتەررەس ا.باەزدىڭ ۇيىنە كەلىپ, جۋىناتىن بولمەگە كىرىپ كەتكەن. ءبىرازدان سوڭ ول قۇربىسىنىڭ ارتىنا تاياپ كەلىپ, دەنەسىنە 65 رەت پىشاق سۇققان. قۇربىسىن ولتىرگەننەن كەيىن ە.گۋتەررەس كيىمىنە جۇققان قاندى جۋىپ, ۇيدەن شىعىپ كەتەدى. جاس قىز وزىنە كۇدىك كەلتىرمەۋ ءۇشىن قۇربىسىنىڭ جانازاسىنا كەلىپ, ونىڭ تۋىستارىنا كوڭىل ايتىپتى. سول كەزدە ءتارتىپ ساقشىلارى ە.گۋتەررەستى قولعا تۇسىرەدى. ەندى ونىڭ سوتتا كىناسى دالەلدەنسە, 7 جىلعا باس بوستاندىعىنان ايىرىلۋى مۇمكىن. مەكسيكا زاڭى بويىنشا, بۇل كامەلەتكە تولماعان جاستارعا بەرىلەتىن ەڭ اۋىر جازا. ايدار ورىسباەۆ. دەرەككوز: Utro.ru. فوتو: Rus.tvnet.lv.