مارادونا ءوز قالىڭدىعىن ۇرلىق جاسادى دەپ ايىپتادى

بەلگىلى ارگەنتينا فۋتبولشىسى ديەگو مارادونا ءوز قالىڭدىعىن ۇرلىق جاسادى دەپ ايىپتادى. بۇل تۋرالى Utro.ru حابارلادى. فۋتبولشى ءوزىنىڭ قالىڭدىعى 23 جاسار مودەل روسيو وليۆانى اراب امىرلىكتەرىندەگى ءۇيىن تونادى دەپ ايىپتاپ, ونىمەن اجىراسۋعا شەشىم قابىلدادى. ال جاس قىز بولسا تاعىلعان ايىپتى مويىنداۋدان باس تارتىپ وتىر. «مەن ەشتەڭەنى دە ۇرلاعان جوقپىن. تالاي ادام ارامىزعا ءتۇسىپ, ۇنەمى ءبىزدى بولۋگە تىرىساتىن. ەندى ولاردىڭ ماقساتى جۇزەگە استى دەپ ويلايمىن. ال ءبىزدىڭ ءبىر-بىرىمىزگە دەگەن ماحابباتىمىز ءالى وشپەگەن», – دەيدى ر.وليۆا. 53 جاسار فۋتبول جۇلدىزى وسى جىلدىڭ 14 اقپانىندا ر.وليۆاعا ۇيلەنەتىنىن مالىمدەگەن ەدى. ودان بىرنەشە كۇن وتكەن سوڭ د.مارادونا قالىڭدىعىن «مانچەستەر يۋنايتەد» فۋتبول كلۋبىنىڭ قاقپاشىسى داۆيد دە حەادان قىزعانىپ, كەنەتتەن تويدىڭ بولماي قالۋىنا سەبەپكەر بولعان كورىنەدى. ايدار ورىسباەۆ. دەرەككوز: Utro.ru. فوتو: AFP.