اتىراۋ وبلىستىق پروكۋراتۋراسى ەكولوگيا دەپارتامەنتىنىڭ ماماندارىن قاتىستىرۋ ارقىلى «اتىراۋ مۇناي وڭدەۋ زاۋىتى» جشس-ىنە تەكسەرۋ جۇرگىزىپ, انىقتالعان كەمشىلىك بويىنشا سەرىكتەستىككە ايىپپۇل سالدى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى.
تەكسەرۋ بارىسىندا زاۋىتتىڭ الاۋلارىندا تەحنولوگيالىق, ناقتىلاي ايتقاندا, قىشقىل گازدىڭ جاعىلاتىنى انىقتالعان. الايدا, «ءاتموز» جشس-ءنىڭ شەكتەۋلى شىعارىندى جوباسىندا قىشقىل گازعا ارنالعان نورماتيۆ كورسەتىلمەگەن. ياعني, الاۋلاردا اتالعان گازدى جاعۋ قورشاعان ورتاعا ەميسسياعا رۇقساتسىز جۇزەگە اسىرىلعان. تەكسەرۋ قورىتىندىسىمەن ەكولوگيا دەپارتامەنتىنە زالالدى ەسەپتەۋ جانە كىنالى تۇلعالاردىڭ جاۋاپكەرشىلىكتەرىن شەشۋ ءۇشىن پروكۋراتۋرامەن ۇسىنىس ەنگىزىلدى. وسىعان سايكەس, ەكولوگيا دەپارتامەنتىمەن «ءاتموز» جشس-نە 23,7 ملرد. تەڭگە مولشەرىندە قورشاعان ورتاعا كەلتىرىلگەن زالالدى وتەۋ تۋرالى ۇيعارىم بەرىلدى.
جولداسبەك شوپەعۇل.
دەرەككوز: وبلىستىق پروكۋراتۋرانىڭ ءباسپاسوز قىزمەتى.
فوتو: ج. شوپەعۇل.
