اتالعان تۋرنيردە ونەر كورسەتەتىن كوماندالار ءتورت سەبەتكە ءبولىندى: ءبىرىنشىسى – حورۆاتيا, يسپانيا, فرانتسيا, اقش; ەكىنشىسى – گەرمانيا, يتاليا, كانادا, ۇلىبريتانيا; ءۇشىنشىسى – قازاقستان, بەلگيا, سەربيا, ارگەنتينا; ءتورتىنشىسى – شۆەتسيا, اۋستراليا, نيدەرلاند جانە وڭتۇستىك كورەيا قۇرامالارى. بيىلعى جىلدىڭ 14-18 قىركۇيەگى كۇندەرى بولونيا (يتاليا), گامبۋرگ (گەرمانيا), گلازگو ( ۇلىبريتانيا) جانە مالاگا (يسپانيا) قالالارىندا وتەتىن باسەكەلەر بارىسىندا وسى 16 كوماندا اراسىنان سەگىز مىقتى انىقتالادى. ولار 23-27 قاراشا كۇندەرى دەۆيس كۋبوگىنىڭ الەمدىك توبىندا كۇش سىناسىپ, باس جۇلدەنى ساراپقا سالادى.
ەستەرىڭىزگە سالا كەتەيىك, ايتۋلى تۋرنير 1900 جىلدان بەرى ۇيىمداستىرىلىپ كەلەدى. ەڭ سوڭعى جارىستىڭ شىمىلدىعى بىلتىر يسپانيانىڭ باس شاھارى – مادريدتە ءتۇرىلدى. بۇل باسەكەدە رەسەي تەننيسشىلەرىنىڭ باعى جاندى. فينالدا ولار حورۆاتيا قۇراماسىن 2:0 ەسەبىمەن ۇتتى.
