مەملەكەتتىڭ تۇتاستىعى مەن ۇلتىمىزدىڭ قۇندىلىقتارىن ساقتاپ قالۋ ءۇشىن مىزعىماس بىرلىكتىڭ ماڭىزدىلىعىنا توقتالىپ, كەشەگى قاڭتار قاسىرەتىنىڭ قاتەرىن وي ەلەگىنەن وتكىزە ءسوز ساباقتاعان ەل پرەزيدەنتى ءوز ۇستانىمىنداعى تاريحي جاۋاپكەرشىلىكتىڭ سالماعىن ايقىن اڭعارتتى. اسىرەسە, قاڭتار وقيعاسىنا قاتىستى تەرگەۋ امالدارىنا الاڭداۋشىلىق ءبىلدىرىپ, بيلىكتىڭ تەك ادىلەتكە جۇگىنەتىنىنە كەپىل بولارلىق وي تولعاۋى ءسۇيسىندىردى. لاۋازىمدى تۇلعالاردىڭ وتانعا وپاسىزدىق جاساۋىنا قىنجىلىس بىلدىرگەن پرەزيدەنت بارلىق شەشىم تەك ادىلەت تۇرعىسىنان جاسالاتىنىنا سەندىردى.
جاڭا قازاقستاننىڭ جارقىن بولاشاعى ءۇشىن جاسالعان تاريحي بايلامنىڭ قاي-قايسىسى دا جاڭا ءداۋىر, تىڭ بەلەستىڭ جارشىسىنداي بولعانىن حالىق كوردى, تىڭدادى. پرەزيدەنت وكىلەتتىگىن قىسقارتا وتىرىپ, پارلامەنت ىقپالىن ارتتىرۋ, سول ارقىلى ەلدەگى دەموكراتيالىق سەرگەكتىكتى قامتاماسىز ەتۋ جونىندەگى باستامالارى كىمگە بولسىن وي سالارلىق. سونداي-اق پرەزيدەنتتىڭ پارتيا مۇشەسى بولۋىن شەكتەۋ, سايكەسىنشە اكىمدەر مەن ونىڭ ورىنباسارلارىنىڭ پارتيالىق قىزمەتكە ارالاسپاۋى سەكىلدى تىڭ باستامالارى پارتيالىق دامۋدىڭ دەربەستىگىن قامتاماسىز ەتەتىن نەگىزگى فاكتور دەپ اتار ەدىم. ياعني پارتيالار اراسىنداعى ساياسي باسەكەلەستىكتى دامىتۋ, وعان جوعارى بيلىك وكىلى رەتىندە پرەزيدەنتتىڭ ارالاسپاۋى شىن مانىندەگى دەموكراتيالىق ۇردىسكە ساي كەلەتىن سارابدالدىق.
ساياسي رەفورمالار ناۋقانشىلدىققا ەمەس, بايىپتى باعدارلاماعا نەگىزدەلۋى كەرەك. وسى تۇرعىدان العاندا, قاسىم-جومارت كەمەل ۇلى تاۋەكەلگە بەرگىسىز تاريحي شەشىمدەر قابىلدادى. سونىمەن قاتار ۇلى دالا ۇلىتاۋىنىڭ وبلىس بولۋى, شىرايلى شىعىستان اباي, جەر ءجانناتى جەتىسۋدان جەتىسۋ وبلىسىنىڭ قۇرىلۋى سول توڭىرەكتەگى جەرگىلىكتى حالىقتىڭ تالاي جىلداردان بەرگى ارمان-تىلەگى بولاتىن. حالىقتىڭ سۇرانىسى, تالاپ-تىلەگى ورىندالعان مەملەكەتتە عانا ادىلدىك سالتانات قۇرىپ, دامۋى قارقىندى بولاتىنىن وسى جولعى جولداۋ دالەلدەدى.
Amanat پارتياسى پرەزيدەنتىمىزدىڭ بۇگىنگى جولداۋىندا قامتىلعان مىندەتتەر مەن تاپسىرمالاردى جۇزەگە اسىرىپ, شىنايى تۇردە حالىقتىق پارتياعا اينالۋ ماقساتىندا ايانباي قىزمەت اتقارا بەرەتىن بولادى.
ەل پرەزيدەنتىنىڭ «حالىقتىڭ ەرتەڭ ەمەس, بۇگىن باقىتتى ءومىر سۇرگەنىن كورگىم كەلەدى» دەگەن تۇجىرىمىنىڭ استارىندا ازاماتتىق ۇستانىمى دا, كوشباسشىلىق قاسيەتى دە تۇر. سوندىقتان بىرلىكتى تۋ ەتىپ, جاڭا قازاقستاننىڭ جارقىن بولاشاعى ءۇشىن بارشا مۇددەلەستەر مەن ەل ازاماتتارىن پرەزيدەنت باستامالارىن قولداۋعا شاقىرامىن!
بەكزات التىنبەكوۆ,
Amanat پارتياسى قاراعاندى وبلىستىق فيليالىنىڭ اتقارۋشى حاتشىسى, وبلىستىق ءماسليحات دەپۋتاتى
قاراعاندى
