ءماجىلىس توراعاسى سايلاندى

كەشە ءتۇس قايتا ارنايى وتكىزىلگەن جالپى وتىرىستا ءۇش ماسەلە قارالدى. دەپۋتاتتار كۇن تارتىبىندە ءماجىلىس توراعاسىن, ونىڭ ورىنباسارىن جانە پالاتانىڭ الەۋمەتتىك-مادەني كوميتەتىنىڭ باسشىلىعىنا كانديداتتاردى سايلاۋ ماسەلەسىن قارادى. پارلامەنت عيماراتىنا ارنايى كەلگەن بۇرىنعى ءماجىلىس توراعاسى, قازىرگى مەملەكەت باسشىسىنىڭ جارلىعىمەن پرەزيدەنت اكىمشىلىگىنىڭ باسشىسى بولىپ تاعايىندالعان نۇرلان نىعماتۋلين پالاتادان ءوز وكىلەتتىگىن توقتاتۋ تۋرالى ۇسىنىسىن ورتاعا سالدى. ول ۇسىنىس دەپۋتاتتار تاراپىنان ءبىراۋىزدان قولداۋ تاپتى. بۇدان كەيىن وتىرىستى جۇرگىزۋ ءماجىلىس توراعاسىنىڭ ورىنباسارى سەرگەي دياچەنكوعا تابىستالدى. ۆيتسە-سپيكەر ءوز كەزەگىندە كۇن تارتىبىندە ءبىرىنشى تۇرعان ماسەلە – ءماجىلىس توراعالىعىنا كانديداتتى سايلاۋ ەكەندىگىن جەتكىزدى. بۇل لاۋازىمعا ۇمىتكەرلەر پالاتا دەپۋتاتتارىنىڭ اراسىنان تاڭدالادى. ول مەملەكەتتىك ءتىلدى ەركىن مەڭگەرۋى جانە جاسىرىن داۋىس بەرۋ ارقىلى جالپى دەپۋتاتتار سانىنىڭ باسىم بولىگىنىڭ قولداۋىنا يە بولۋى ءتيىس. كونستيتۋتسياعا سايكەس ءماجىلىس توراعاسى لاۋازىمىنا كانديداتتى دەپۋتاتتار وزدەرى ۇسىناتىندىقتان, بۇل لاۋازىمعا پارلامەنت ماجىلىسىندە كوپشىلىك سانالاتىن «نۇر وتان» پارتياسى فراكتسياسىنىڭ مۇشەسى قۋانىش سۇلتانوۆ ۇسىنىس تاستادى. دەپۋتات ءسوز رەتىندە ءماجى­لىس­تىڭ بۇرىنعى توراعاسى اتىنا جى­لى لەبىزدەرىن بىلدىرە كەلىپ, «نۇر وتان» پارتياسىنىڭ فراكتسياسى ءما­جى­لىس توراعاسى لاۋازىمىنا وسى كەزگە دەيىن توراعا ورىنباسارى قىزمەتىن اتقارىپ كەلگەن قابي­بوللا جاقىپوۆتىڭ كانديداتۋراسىن ۇسىناتىنىن جەتكىزدى. اتالعان كانديداتۋرا بويىنشا ءوز پىكىرلەرىن بىلدىرگەن قازاقستان حالقى اسسامبلەياسىنىڭ مۇشەسى نادەجدا نەستەروۆا, «حالىقتىق كوممۋنيستەر» فراكتسياسىنىڭ جەتەكشىسى ۆلاديسلاۆ كوسارەۆ جانە قازاقستاننىڭ «اق جول» دە­­مو­­كراتيالىق پارتياسى فراك­­تسياسىنىڭ جەتەكشىسى ازات پە­رۋاشەۆ ۇسىنىلعان كان­دي­داتتىڭ ساياسي تاجىريبەسى مول ەكەنىن تىلگە تيەك ەتە كەلىپ, ونىڭ كوپپارتيالى پار­لامەنتتىڭ وركەندەۋىنە سۇبەلى ۇلەس قوسارىنا ءوز سەنىمدەرىن ءبىل­دىردى. بۇدان كەيىن دەپۋتاتتاردىڭ جا­سىرىن داۋىس بەرۋى ءۇشىن ار­نايى جارتى ساعاتتىق ءۇزى­لىس جاريالانىپ, ەسەپ كو­ميس­­­سياسىنىڭ جەتى مۇشە­سى جا­ساق­­تالدى. ەسەپ كوميس­سيا­­سى­نىڭ توراعاسى دەپۋتات اسقار بازار­­باەۆتىڭ مالىمدەۋىنشە, جاسى­­رىن داۋىس بەرۋ بارىسىن­دا ءما­جى­لىستىڭ 103 دەپۋتاتى ق.جا­قى­پوۆتىڭ كانديداتۋراسىن قول­داعان. بۇل كانديداتۋراعا ءبىر دە­پۋتات قارسى بولعان. ءماجىلىس توراعاسى قابيبوللا جاقىپوۆ ورىنباسارلىق قىز­مەتكە پالاتانىڭ الەۋمەتتىك-ءما­دەني دامۋ كوميتەتىنىڭ ءتورا­يى­­مى داريعا نازارباەۆانى ۇسىن­­دى. بۇل ۇسىنىس دەپۋتاتتار تاراپىنان قولداۋ تاۋىپ, ءبىر­اۋىزدان قابىلداندى. سونداي-اق, كەشە الەۋمەتتىك-مادەني دامۋ كوميتەتىنىڭ توراعاسىنا دا كانديدات ۇسىنىلدى. دەپۋتات مايرا ايسينانىڭ ۇسىنىسىمەن اتالعان تۇراقتى كوميتەت تورايىمدىعىنا بۇعان دەيىن كوميتەت حاتشىسى بولىپ كەلگەن گۇلنار ىقسانوۆا لايىق دەپ تابىلدى. وسىلايشا, كەشەگى جالپى وتىرىستا دەپۋتاتتار كۇن تارتىبىنە شىعارىلعان ءۇش ماسەلەنى دە وڭ شەشىپ الدى. اسقار تۇراپباي ۇلى, «ەگەمەن قازاقستان».