پرەزيدەنت اكىمشىلىگىنە جوعارى جاۋاپكەرشىلىك جۇكتەلەدى

مەملەكەت باسشىسى نۇرسۇلتان نازارباەۆ پرەزيدەنت اكىمشىلىگىنىڭ باسشىلىق قۇرامىمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسى كەزدەسۋ بارىسىندا كارىم ماسىموۆكە پرەزيدەنت اكىمشىلىگى باس­شى­سىنىڭ قىزمەتىندە اتقارعان جۇ­مىسى ءۇشىن العىس ايتتى. – بۇل شەشىم وسىنداي كۇردەلى كەزەڭدە ۇكىمەت جۇمىسىنا تىڭ سەرپىن بەرۋ ءۇشىن قابىلداندى. ءبىزدىڭ «قازاقستان-2050» سترا­تەگياسى اياسىندا ماقساتتارىمىز بار جانە ۇكىمەت ولارعا قول جەت­كىزۋ ءۇشىن جاسالاتىن جۇمىستى جان­داندىرعانى ءجون. بۇل مىندەت جاۋاپتى ءارى وڭاي ەمەس, – دەدى نۇرسۇلتان نازارباەۆ. سونداي-اق, قازاقستان پرەزي­دەنتى ءوز جارلىعىمەن ادىلبەك جاق­سىبەكوۆتىڭ قازاقستان رەس­پۋبليكاسىنىڭ مەملەكەتتىك حات­شىسى لاۋازىمىنا تاعاي­ىن­دالعانىنان حاباردار ەتتى. – مەملەكەتتىك حاتشى كەڭ اۋ­قىمداعى مىندەتتەردى اتقارادى, ال ءا.جاقسىبەكوۆتىڭ بۇدان بۇرىنعى قىزمەت سالالارىندا جيناعان تاجىريبەسى مەن ءبىلىمى جاڭا قىزمەتىندەگى مىندەتتەردى شەشۋگە ايتارلىقتاي سەپتىگىن تيگىزەتىن بولادى, – دەدى مەملەكەت باسشىسى. بۇدان بولەك, نۇرسۇلتان نا­زارباەۆ پرەزيدەنت اكىمشىلىگىنىڭ باس­شىسى لاۋازىمىنا نۇرلان نىعماتۋليندى تاعايىنداعانى تۋ­رالى مالىمدەپ, ونىڭ وڭىرلىك دەڭ­­گەيدە دە, ورتالىق دەڭگەيدە دە مول جۇمىس تاجىريبەسى بار ەكەنىن اتاپ ءوتتى. – وزدەرىڭىز بىلەتىندەي, پرە­زي­دەنتتىڭ اكىمشىلىگىنە جوعا­رى جاۋاپكەرشىلىك جۇكتەلگەن, مەم­لەكەتتىك باسقارۋ جۇيەسى­نىڭ تيىمدىلىگى سىزدەردىڭ جۇمىس­تارى­ڭىزعا بايلانىستى. سونداي-اق, اكىمشىلىك وڭىرلىك جانە ورتالىق اتقارۋشى ورگانداردىڭ جۇمىسىن ۇيلەستىرە وتىرىپ, قابىلدانعان شەشىمدەر مەن تاپسىرمالاردىڭ ورىندالۋىن قاداعالايتىن نەگىزگى باقىلاۋشى ورگان بولىپ سانالادى. وسىعان بايلانىستى نەگىزگى مىندەت – ەل ازاماتتارىنىڭ ءمۇد­دەسىنە ساي كەلەتىن بار­لىق قا­جەت­تى شەشىمدەردىڭ قابىل­دا­نۋىن قام­تاماسىز ەتۋ جانە ءجۇ­زەگە اسىرۋ, – دەدى قازاقستان پرەزيدەنتى.