كسرو حالىق ءارتىسى, كۇمىس كومەي, جەز تاڭداي ءانشى بيبىگۇل تولەگەنوۆا «دوستاستىق جۇلدىزى» حالىقارالىق سىيلىعىنىڭ لاۋرەاتى اتاندى.
تمد ەلدەرى مەملەكەتارالىق گۋمانيتارلىق ىنتىماقتاستىق قورىنىڭ دوستاستىق ەلدەرى اراسىندا بەلگىلەگەن بۇل سىيلىعى 2009 جىلدان بەرىلىپ كەلەدى. ول جىل سايىن عىلىم مەن ءبىلىم بەرۋ, مادەنيەت پەن ونەر, گۋمانيتارلىق ارەكەت سالالارى نەگىزىندە دوستاستىق ەلدەرىن الەمدىك جەتىستىك دەڭگەيىنە كوتەرۋ جولىندا ەلەۋلى ەڭبەك ءسىڭىرىپ, ەلدەر اراسىندا گۋمانيتارلىق ىنتىماقتاستىقتى وركەندەتۋگە ۇلەس قوسقان تاڭداۋلى تۇلعالارعا تاپسىرىلىپ تۇرادى.
«دوستاستىق جۇلدىزى» ماراپاتى اقشالاي سىيلىقتان, لاۋرەات ديپلومىنان, توسبەلگىسى مەن ونىڭ كۋالىگىنەن تۇرادى. ءۇش نوميناتسيانىڭ ءاربىرى بويىنشا ءۇش جۇلدە تاعايىندالىپ, لاۋرەاتتاردىڭ اربىرىنە 2 ميلليون رەسەي ءرۋبلى كولەمىندە قارجى بەرىلەدى.
بيىل اتالمىش سىيلىقتى مادەنيەت پەن ونەر سالاسى بويىنشا چەحوۆ اتىنداعى ماسكەۋ تەاترىنىڭ كوركەمدىك جەتەكشىسى ولەگ تاباكوۆ, ازەربايجاننىڭ حالىق سۋرەتشىسى ومار ەلداروۆ, ارمەنيا مەملەكەتتىك حور كاپەللاسىنىڭ باس ديريجەرى وگانەس چەكيدجيان الدى. عىلىم مەن ءبىلىم بەرۋ جۇيەسىندەگى سىيلىقتارعا ۋكراينا مەن رەسەي ۇلتتىق عىلىم اكادەميالارىنىڭ اكادەميگى, بەلگىلى عالىم بوريس پاتون, تاجىكستان اكادەمياسىنىڭ اكادەميگى دالەر پاچادجانوۆ يە بولدى. ال گۋمانيتارلىق سالادا ءبىزدىڭ بيبىگۇل تولەگەنوۆادان بولەك, بەلارۋستىڭ «زۆەزدا» باسپا ءۇيىنىڭ ديرەكتورى الەكساندر كارليۋكەۆيچ پەن ونىڭ ورىنباسارى الەكساندر باداك, قىرعىزستاننىڭ حالىق سۋرەتشىسى يۋريستانبەك شىعاەۆ لاۋرەات اتاندى.
بۇل كەزگە دەيىن «دوستاستىق جۇلدىزى» سىيلىعىن ءبىزدىڭ ەلىمىزدەن گۋمانيتارلىق سالا بويىنشا «بوبەك» قورىنىڭ پرەزيدەنتى سارا نازارباەۆا, مادەنيەت جانە ونەر سالاسى بويىنشا اتاقتى اكتەر ءاسانالى ءاشىموۆ, عىلىم جانە ءبىلىم بەرۋ سالاسى بويىنشا كورنەكتى عالىم سەيىت قاسقاباسوۆ العان بولاتىن.
مۇرات ايتقوجا.
تمد ەلدەرى مەملەكەتارالىق گۋمانيتارلىق ىنتىماقتاستىق قورىنىڭ دوستاستىق ەلدەرى اراسىندا بەلگىلەگەن بۇل سىيلىعى 2009 جىلدان بەرىلىپ كەلەدى. ول جىل سايىن عىلىم مەن ءبىلىم بەرۋ, مادەنيەت پەن ونەر, گۋمانيتارلىق ارەكەت سالالارى نەگىزىندە دوستاستىق ەلدەرىن الەمدىك جەتىستىك دەڭگەيىنە كوتەرۋ جولىندا ەلەۋلى ەڭبەك ءسىڭىرىپ, ەلدەر اراسىندا گۋمانيتارلىق ىنتىماقتاستىقتى وركەندەتۋگە ۇلەس قوسقان تاڭداۋلى تۇلعالارعا تاپسىرىلىپ تۇرادى.
«دوستاستىق جۇلدىزى» ماراپاتى اقشالاي سىيلىقتان, لاۋرەات ديپلومىنان, توسبەلگىسى مەن ونىڭ كۋالىگىنەن تۇرادى. ءۇش نوميناتسيانىڭ ءاربىرى بويىنشا ءۇش جۇلدە تاعايىندالىپ, لاۋرەاتتاردىڭ اربىرىنە 2 ميلليون رەسەي ءرۋبلى كولەمىندە قارجى بەرىلەدى.
بيىل اتالمىش سىيلىقتى مادەنيەت پەن ونەر سالاسى بويىنشا چەحوۆ اتىنداعى ماسكەۋ تەاترىنىڭ كوركەمدىك جەتەكشىسى ولەگ تاباكوۆ, ازەربايجاننىڭ حالىق سۋرەتشىسى ومار ەلداروۆ, ارمەنيا مەملەكەتتىك حور كاپەللاسىنىڭ باس ديريجەرى وگانەس چەكيدجيان الدى. عىلىم مەن ءبىلىم بەرۋ جۇيەسىندەگى سىيلىقتارعا ۋكراينا مەن رەسەي ۇلتتىق عىلىم اكادەميالارىنىڭ اكادەميگى, بەلگىلى عالىم بوريس پاتون, تاجىكستان اكادەمياسىنىڭ اكادەميگى دالەر پاچادجانوۆ يە بولدى. ال گۋمانيتارلىق سالادا ءبىزدىڭ بيبىگۇل تولەگەنوۆادان بولەك, بەلارۋستىڭ «زۆەزدا» باسپا ءۇيىنىڭ ديرەكتورى الەكساندر كارليۋكەۆيچ پەن ونىڭ ورىنباسارى الەكساندر باداك, قىرعىزستاننىڭ حالىق سۋرەتشىسى يۋريستانبەك شىعاەۆ لاۋرەات اتاندى.
بۇل كەزگە دەيىن «دوستاستىق جۇلدىزى» سىيلىعىن ءبىزدىڭ ەلىمىزدەن گۋمانيتارلىق سالا بويىنشا «بوبەك» قورىنىڭ پرەزيدەنتى سارا نازارباەۆا, مادەنيەت جانە ونەر سالاسى بويىنشا اتاقتى اكتەر ءاسانالى ءاشىموۆ, عىلىم جانە ءبىلىم بەرۋ سالاسى بويىنشا كورنەكتى عالىم سەيىت قاسقاباسوۆ العان بولاتىن.
مۇرات ايتقوجا.
